(ثريد) الرحلة :
رحلة شبابية كان مغزاها الترفية فتحولت لرعب
.
.
⭕ رتويت قبل القراية لأنك ماحتندم⭕
.
بسم الله الرحمن الرحيم
رحلة شبابية كان مغزاها الترفية فتحولت لرعب
.
.
⭕ رتويت قبل القراية لأنك ماحتندم⭕
.
بسم الله الرحمن الرحيم
-نحن مجموعه شباب من شندي قررنا نطلع رحلة على البر الكلام دا كان في 2013 وفي فصل الصيف.
-كنا ٦ اعمارنا بتتراوح ما بين ٢٤-٢٢ سنه وحددنا مكان
جمب جبال قريبة من منطقة (المسكتاب جنوب) لانو واحد من اصحابنا عندو اهل هنا منها نغشى السبلوقة والمنتجعات الهناك.
-كنا ٦ اعمارنا بتتراوح ما بين ٢٤-٢٢ سنه وحددنا مكان
جمب جبال قريبة من منطقة (المسكتاب جنوب) لانو واحد من اصحابنا عندو اهل هنا منها نغشى السبلوقة والمنتجعات الهناك.
جهزنا عدتنا وعفشنا وشلنا معانا كل شي وحتى الخيمة جهزناها وطلعنا بي عربيتين والاتنين كانو بكاسي هايلوكس وجاهزات وراجعناهم قبل ما نتحرك من شندي وركبنا الشارع اتحركنا على الساعه واحدة ظهر كدا وبدت الرحلة وكانت الروح عالية شديد والناس بتغني ومبسوطة وبتتونس ماعارفين الراجينا...
-وصلنا وكان صاحبنا كلم اهلو وقالو انو لازم اول حاجة نغشاهم ونتغدى ونجيب من هناك الموية والحاجات الباقية وفعلا مشينا واستضافونا عندو خال شبابي كدا في الثلاثينات حذرنا قال لينا نغير المكان دا احسن بس نحن ما سمعنا كلامو وقلنا ليهو انو مافيها حاجة ودا كلام ونسة ساي ماحيحصل شي...
-جات الساعه حوالي ٤ كدة وصلنا ولقينا مكان كويس وقفنا ودقينا الخيمة وجهزنا القعدة وكل حاجة كانت الدنيا بدت تضلم لمن انتهينا وولعنا نار كانت الدنيا ضلمت.
-بدينا نتونس ونشرب شاي وبدينا كمان نحكي قصص جن والحاجات البتحصل في الخلا.
(ماكنا عارفين انو حنحكي قصتنا).
-بدينا نتونس ونشرب شاي وبدينا كمان نحكي قصص جن والحاجات البتحصل في الخلا.
(ماكنا عارفين انو حنحكي قصتنا).
-اثناء ما كنا قاعدين كان واحد من اصحابنا قام مشى يقضي حاجتو الله يكرمك رجع وكان مخلوع شديد! وكان بيرجف وعرقان بعد هدى شوية قالينا انو شاف حاجة زي البشر لونا اسود في اسود وبيلوح ليهو وبناديهو بأسمو لمن ردا عليهو اختفى فجأة؟
كلنا قلنا ليهو يازول انت كضاب ولا بتتوهم فينا ماحصل شي استهدى بالله واتحصن لكن كلنا كنا خفنا شوية بش ماخلاص نعمل شنو مانحنا ياهو دا في نص الخلا دخلنا الخيمة عشان ننوم.
-انا ما بين نايم وصاحي حسيت بي حركة برا الخيمة ونور زي نور الكشاف؟ قلت يمكن حرامية ولا حاجة..
-انا ما بين نايم وصاحي حسيت بي حركة برا الخيمة ونور زي نور الكشاف؟ قلت يمكن حرامية ولا حاجة..
براحة صحيت صاحبي الجمبي قلت ليهو قوم في حرامي وهو صحى الجمبو وكلنا سامعين صوت المشي ف الارض فجأة طلعنا من الخيمة ماسكين عصايات مالقينا زول؟ بقينا نلف حوالين الخيمة وولعنا الانوار لمن شغلنا العربات وبدينا نمشط ف المنطقة مالقينا شي؟ ولا اثر حتى؟والاغرب؟
انو حوالين الخمية كان اثار حوافر ما اثار رجلين لكن كان في نور وظل حق بشري؟؟ انا خشيت في مية استفهام في راسي واصحابي ما كذبوني لانو كانو سامعين الصوت قلنا خلاص مدام صحينا نتونس لحدي الدنيا تصبح بقينا التلاتة قاعدين في صندوق عربية بنتونس ونتلفت يمين وشمال لحدي اصبحت
لمن جا الصباح اتفقنا 3 مننا يرجعو القرية لانو اهل صاحبنا اتصلو قالو نجي نشيل الفطور من البيت وحلفو علينا وفا اتحركو وفضلنا 3. واحد من اصحابنا قال عايز يطلع الجبل يصور من فوق ساق معاهو صاحبنا انا فضلت ف الخيمة.
عدت ساعة ونص وديل والمشو الجبل ما رجعو دقيت عليهم تلفوناتهم مقفولة طلعت اعاين لقيتهم جايين من فوق الجبل بيجرو؟؟ وبقولو لي شغل العربية شغل العربية؟؟ انا من الخلعه فتحت باب العربية وبقيت بحاول اشغل فيها العربية ما بتدور؟ مع انو مافيها حاجة وكل شي فل.؟
جيل جو جارين وركبو العربية قالو لي امن الباب. امنت الابواب وبيصرخو فيني اجري اجري وانا بصرخ بقوليهم ما بتدور ما بتشتغل فجاة العربة بقت تترفع يمين وشمال؟ زي الكانو في ناس كتار بيضربوا فيها بالجمبات وفي السقف وفي الكبوت والظهرية من جميع الجنبات صوت الضرب قوي شديد!
اصخابي بيصرخو ديل هم ديل هم؟ وانا مافاهم شي بس مخلوع وبحاول اشغل ف العربية فجأة كل شي هدا والعربية دورت؟ ما صدقتا وجريت لاقيناهم فنص الشارع قمت اشرت ليهم بالنور وقفو عاينيو لينا مستغربين وسالونا مالكم مخلوعين والعربية دي مالا مطفجة كدة؟
طلعنا من العربية وفعلا العربية كان شكلها غريب زي الكانو في ناس بي شواكيش ضربوها وبوهيتا كلها اتخدشت!
-انا بس كنت مخلوع من الحصل ف العربية اما اصحابنا المشو الجبل ديك هم المخلوعين شديد لمن سالناهم قالو انو ظهر ليهم راجل عجوز وقاليهم امشو من هنا.
-انا بس كنت مخلوع من الحصل ف العربية اما اصحابنا المشو الجبل ديك هم المخلوعين شديد لمن سالناهم قالو انو ظهر ليهم راجل عجوز وقاليهم امشو من هنا.
ما اشتغلو بيهو وكملو لقوهو تاني هو زاتو فوق؟ وقاليهم انا مش قلت ليكم امشو؟ خافو وقالو ليهو خلاص راجعين فحاة شافو من فوق الجبل جاي عليهم مجموعه من حيوان المرفعين(الضبع) وكان شكلو غريب وحجمو مازي المرفعين العادي كان اكبر شديد والمرفعين اصلا ما بيتواجد ف الجبال؟
+وهم جارين كانت الحجار بتفلقهم من جميع الاتجاهات! فبقو جارين وخاتين يدينهم في راسهم لحدي ما وصلو.
-قررنا خلاص نرجع لكن منو الحيمشي يجيب الحاجات؟ ف اتفقنا نمشي كلنا رجعنا على بيت قرايب صاحبنا اول شي غيرنا ملابسنا وحكينا ليهم الحاصل وخالو ورانا انو انا حذرتكم واتزفينا.
-قررنا خلاص نرجع لكن منو الحيمشي يجيب الحاجات؟ ف اتفقنا نمشي كلنا رجعنا على بيت قرايب صاحبنا اول شي غيرنا ملابسنا وحكينا ليهم الحاصل وخالو ورانا انو انا حذرتكم واتزفينا.
زي الساعه ٣ كدة طلعنا كلنا ال٦ ف العربية المكسرة وخلينا التانية جمب البيت. واتحركنا على الحته المخيمين فيها لقيناها زي ماخليناها مافس اي شي حاصل بس الغريب زي الكان في زول؟ لقينا النار مولعه ولمن في موية في الكفتيرة كانو في واحد كان عايز يعمل شاي؟؟
بدينا نفك ف الخيمة ونلم ف العفش والسنتنا ما فكت اية الكرسي لحدي ما لمينا كل شي وثبتناهم ف الصندوق ورا.
-تااااني جينا ندور العربية ابت تدور وبنحاول وبنحاول وهي حلفت كان تشتغل.
.
. فجأة
-تااااني جينا ندور العربية ابت تدور وبنحاول وبنحاول وهي حلفت كان تشتغل.
.
. فجأة
لقنا راجل عجوز لابس وسخان جاي من بعيد اصحابنا اول ما شافوهو بقو بصرخو اتحرك اتحرك دا هو زاتو عرفنا انو دا اللاقاهم ف الجبل فجاة والله العظيم العربية اترفعت بالجمب؟ اتقلب زي اللعبة على جمبتا بقينا كلنا جوة ومضغوطين على الناحية للمقلوبة وبنقرا قران..
طلعنا من العربية بي فوق وكلنا جرينا فنفس اللحظة على اتجاه القرية بقينا والله بنسمع اصوات زي اصوات الحروب اصوات ناس بتجري وناس بتصرخ وناس بتضحك وناس بتفول كلام مامفهوم بتحس بيها يمين وشمال ومن فوقك ومن قدامك ونحنا جارين وحاسين روحنا واقفين في مكانا فضلنا ماشين قريب الساعه.!!
والاصوات بتجي من مكان وتختفي من مكان ونحن بنجري عكس الصوت. ضيعونا من القرية وتلفوناتنا مافيها اي شبكة والحاجة الغريبة انو الجبل من القرية كان بتشاف هسي نحن ما شايفين الجبل والمعالم غريبة مافي خلا ومافي اي شي ولا حتى النيل من بعييد ما بيتشاف نحن تهنا؟
فضلنا ماشين وبنحاول نتصل ولا تلفوناتنا تلقط شبكة فجأة عيونا كلنا طششت ف لحظة واحدة؟ بعد الطشاش راح لقينا روحنا قريبين للقرية شديد والجبل ظهر ؟ بقينا مستغربين ومستعجبين وخايفن وحالتنا بالبلا رجعنا البيت وحكينا الحاصل وخلينا الرحلة واي حاجة بتنا وتاني يوم جبنا سطحة للعريية التانية
ووريناهو مكانها والغريب قالينا انو اي العربية مكسرة لكن ما لقاها مقلوبة لقاها عادية يعني مستعجلة بس اي مطفوجة الجمبة اليمين الاتقلبت عليها ورجعنا شندي ومن الزمن داك تاني ما طلعنا رحلة ولا حاولنا اصلا والحمج لله عدت على خير باصابات خفيفة...
ولحدي هنا انتهت القصة ياريت تكون عجبتكم❤️.
.
⭕⭕⭕⭕⭕ماتنسو الريتويت ⭕⭕⭕⭕
.
.
لو عندك قصة حابي تشاركا اتفضل Dm.
.
ولو بتحب النوع دا من القصص ف تابعني🙏🏻
.
.
وبحبكم جدا جدا جدا❤️
.
⭕⭕⭕⭕⭕ماتنسو الريتويت ⭕⭕⭕⭕
.
.
لو عندك قصة حابي تشاركا اتفضل Dm.
.
ولو بتحب النوع دا من القصص ف تابعني🙏🏻
.
.
وبحبكم جدا جدا جدا❤️
جاري تحميل الاقتراحات...