ثريد قصير..
إتصالات تعجبني ومواقع مهمة في الخريطة التوافقية💚
إتصالات تعجبني ومواقع مهمة في الخريطة التوافقية💚
في الخريطة التوافقية "بين شخصين" اهم شي عندنا إتصالات ومواقع الكواكب الشخصية قبل الخارجية وقبل كل شي ، لأن هي تحدد هل العلاقة صحيّة وفيها تفاهم او لا ، بعكس اقترانات وإتصالات الكواكب الخارجية مع بعض "مثل إقتران نيبتون الشخص الأول مع اورانوس الثاني" مو مهمة وولا لها تأثير يُذكر
اهم الكواكب الشخصية هي الشمس والقمر وعطارد للشخصين ، اذا مواقعهم وإتصالاتهم صحيّة عند الإثنين هذا يخلي ٨٠٪ من العلاقة مفهومه وعارفين هي رايحه لوين ولو كلها إيجابية حتى لو لقينا إتصالات سلبية بين الكواكب الباقية بتكون قابلة للإصلاح
طبعًا اول إتصال الكل متفق عليه هو إقتران الشمس والقمر بين الشخصين خصوصًا لو صاحب القمر تكون انثى🧡 تواصل روحي بين الشخصين .. تفاهم بمجرد النظر والواحد مايحس ان بينه وبين الشخص الثاني اي حواجز حرفيًا يرتاحون لبعض من اول نظرة ، من اقوى الإتصالات اللي تخلي الشخصين يتمسكون ببعض
@lrcie جميل برضو ، لكن يخليك انتي الطرف المتحكم بالعلاقة وهو الحساس "مبدئيًا طبعا لازم نشوف باقي الاتصالات"
حتى لو كان شمس الطرف الأول يثلث او يسدس الطرف الثاني برضو إتصال جميل ، صح مو بنفس قوة الإقتران لكن الأهم انه يخلي الشخصين متفاهمين ومافي حواجز لغوية ، ممكن التواصل الروحي هنا يخف جدًا او حتى مايكون موجود لكن هذا مايلغي التفاهم الجمييييل بين الطرفين
لكن الإتصال اللي ماحب اشوفه هو التربيع بين الشمس والقمر لأن يخلي صاحب الشمس يشوف صاحب القمر درامي وحساسيته مزعجه .. اما صاحب القمر يشوف انه طبيعي وان الطرف الثاني هو المتبلّد اللي مايحس فيه وولا يفهمه ، اتصال صعب ومُتعب للطرفين
فيه فلكيين يشوفون التقابل بين الشموس إتصال جميل لكن انا العكس تمامًا وما احب اشوفه لأن يخلي فيه نوع من التنافس وكل واحد يشوف نفسه هو الصح اما الثاني سطحي وتفكيره غلط ، برضو التقابل بين شمس الاول وقمر الثاني يدل على استصغار مشاعر صاحب القمر من طرف الشمس وهذا اشوفه شي سلبي
@ii_iuly الشمس والقمر بينكم مو مقترنين عشان كذا ماصار الحساس ، التربيع يخلي تفكيركم مختلف
@ii_iuly الإقتران ٩ درجات ف اقل ، انتو بينكم حول العشرين درجه او اكثر بعد
اما الإقتران بين الشمس والزهرة وحتى الإتصال الايجابي يخلي الشخصين مابينهم تنافس ابدًا ، يخليهم يحبون بعض لدرجة قوية ، برضو يدل ان صاحب الزهرة هو الطرف الأكثر اهتمام بالعلاقة لكن الشي الجميل بهالإتصال ان صاحب الشمس مقدّر هالشي وحابه
@ii_iuly حلوه لكن ماحبيت ان مريخك بثامنه
@ii_iuly هو يحس تجاهك بهالشي
@ii_iuly هالموقع من اقوى المواقع تأثير ف احتمال كبير يكون متبادل ، عشان كذا ماحبه لانه يهد الحيل
التربيع بين شمس الاول وزهرة الثاني💔 يخلي فيه استحقار بين الطرفين خصوصًا صاحب الزهرة تجاه الشمس والإستحقار هنا اقصد ب انه انتقاد إجتماعي .. مثل ان صاحب الزهرة مايحب طريقة مشية الشمس ويتفشل منها ، او مايحب لما يكون صوته عالي عند الناس لما يطلعون مع بعض .. وقيسوها على باقي التصرفات
اما الإقتران بين شمس الاول وعطارد الثاني يخلي فيه تفاهم حلوووو💕💕 صاحب عطارد دايم يفكر بالأول ومو قادر يشيله من باله ، يخليه مايبي يوقف كلام معاه وهالشي متبادل بين الاثنين لكن صاحب عطارد هو اكثر شخص يفكر بالثاني ، اما التثليث والتسديس يخلي الشخصين مايوقفون نقاشات وسوالف
التربيع بين الشمس وعطارد يخلي صاحب الشمس دايم يحس ان الثاني جالس يدقه بالكلام وانه ناوي له على شر وجالس يستقصده بالكلام مع ان صاحب عطارد مايقصد شي ، اللي يتعب هنا هو صاحب عطارد لأن يحس انه مظلوم وغير قابل للفهم بهالعلاقه
جاري تحميل الاقتراحات...