سؤال مهم جدا .. ليش أنا أبغا أستثمر ؟!
هل تعرف الفرق بين استثمار الفقراء واستثمار الأغنياء ؟؟
هل هدفي من الاستثمار:
١- أعيش بأمان ؟
٢- ولا أحس إني مرتاح ؟
٣- ولا أكون غني ؟
يعني في فرق بينهم ؟ ولازم أختار ؟ .. هذا اللي حنكتشفه تحت ⁦👇🏻⁩
#الاستثمار_للجميع

خلينا متفقين .. كلنا نبغا دي الثلاثة الأشياء .. الأمان والراحة والغنى .. طيب إيش السؤال يعني ؟!
السؤال يا صديقي في ترتيب الأولوية بين هذي الثلاث أشياء .. يعني مين أهم من مين .. برضو ما فهمت يعني كيف ؟ .. خليني أشرحلك 🔢

معظم الناس تفضل هدف الأمان على فكرة الغنى .. يقولك ببساطة أبغا اعيش في حالي .. المشكلة انو هذا الشي هو اللي يخليه دايما ما يخاطر عشان يستثمر .. أو يستثمر بقيمة جدا بسيطة .. وهذا الشي اللي حيضمن له عوائد جدا بسيطة أيضا 😅

بدأت تفهم الفكرة ؟ .. حتلاقي ناس يفضلوا فكرة الراحة .. وهذا الشي اللي حيخليهم دايما ما يخاطروا أو يغامروا بفلوسهم .. عشان يبغوا يكونوا مرتاحين .. وهذا اللي اسمه استثمار الفقراء 😆

طيب ايش الحل ؟
الحل يا صديقي .. إنك تعيد أولوياتك وتسوي استثمارات الأغنياء .. ترتيب الأولوية عند الأغنياء كالتالي :
١- أبغا أكون غني
٢- أبغا أحس إني مرتاح
٣- أبغا أعيش بأمان
وفي الأخير تلاقيه غني ومرتاح ويحس بالأمان .. حلوة اللعبة ؟ فهمتوا الفكرة ؟؟ 💰