رتبها

قبل سنة بالضبط تأسست وزارة جديدة باسم "وزارة الصناعة والثروة المعدنية" .. وصارت مستقلة بعد ما كانت جزء من وزارات ثانية..
ليه جا هذا القرار؟ ووش اللي صار خلال سنة من عمل الوزارة؟
فضّل التغريدة وتابع السلسلة عشان تعرف..
#قصص_الرؤية #الثورة_الصناعية_السعودية

"تنويع مصادر" الدخل هو السبب الأساسي اللي بدت منه الرؤية عشان ما نكون معتمدين على مصدر دخل واحد ونعتقد إنه هو نقطة قوتنا الوحيدة..
وإذا نزلت أسعاره يتدهور اقتصادنا معه..

فاللي صار مع بداية الرؤية تنبهنا لنقاط قوتنا الباقية.. وبدينا نحط المستهدفات النهائية لتنويع مصادر الدخل ولكل شيء ثاني
وتوزعت المستهدفات على الجهات وبانت لهم مسؤولياتهم..

كل جهة بدت تدرس طريقة وصولها للمستهدف بمساعدة الأدوات الجديدة اللي صارت مع بداية الرؤية: اللجان، مكاتب تحقيق الرؤية، المنظومات، الهيئات.. إلخ

مع مرور الوقت بدت الجهات تغير تركيزها عشان تحقق مستهدفاتها وبدت تدخل في العميق أكثر..
ومن هنا طلع الأمر الملكي:

الفكرة باختصار مثل ما يصير لك بالجامعة تبدأ بتخصص عام بعدها تتخصص بشكل أدق عشان تكون مركز على مهارات معينة ومستهدفات خاصة..
هذا بالضبط اللي صار مع الصناعة جا الوقت اللي تركز فيه على مستهدفاتها
عشان تفهم وش نقصد تابع الفيديو 👇🏼

قطاع الصناعة ما هو قطاع جديد في السعودية وبدا فعليًا من 1975، لكننا اليوم محتاجين نقلة نوعية فيه عشان يكون مصدر رئيسي من مصادر الدخل وعشان تقدر تطوره لازم تكون فاهم تفاصيله وتحدياته
عشان كذا جا اختيار الوزير بندر الخريف، واحد من أبناء الصناعة

والسؤال ليه كل هالتركيز على الصناعة؟
لأنها مرتبطة بازدهار أي اقتصاد، فكّر بأي منتج قدامك وش تتوقع مر فيه عشان يوصل لعندك؟
استخراج مواد أولية
تقنيات معينة تصنع المنتج
تغليف
توزيع
تجزئة
تسويق
وأكثر بكثير، تخيل كمية الفرص للأفراد والمنشآت اللي يخلقها منتج واحد! "ازدهار اقتصادي"

الرؤية مثل ما نشوف قائمة على دراسات وأبحاث وكل شي فيها مبني على المقومات والممكنات اللي تتميز فيها السعودية..
فوش المقومات والممكنات اللي بتساعدنا في تطوير الصناعة في السعودية؟

ومن هنا التفتنا على الصناعة..
بس هل يعني هذا أننا نبدأ من الصفر؟ لا طبعًا شافت الوزارة الصناعات اللي تناسبنا وتبنّت تقنيات الثورة الصناعية الرابعة عشان تنافس فيها، مثلًا:
الصناعات الطبية مثل ما شفنا آخر فترة
الصناعات العسكرية
الصناعات الغذائية
وغيرها..

لكن مستحيل نستفيد من الصناعات ونجذب الاستثمارات لهم إلا لو حسّنا الإجراءات، وأولها وأهمها "التراخيص" اللي كانت عائق قدام المستثمرين قبل..
كيف حلّوا هالتحدي؟
خلوها إلكترونية، بالضبط كأنك داخل أبشر وبخطوات واضحة
ومن هنا زاد عدد المصانع وصار أكثر من 9 آلاف مصنع

فتحت مصنع وتاجرت، التخوف اللي ممكن يواجهك: هل الناس أصلًا بتترك المستورد وتفضل السعودي؟
وحدة من القوانين اللي حطتها الوزارة هو التفضيل السعري للمنتج الوطني في المشتريات الحكومية، اللي بيخليك تقدر تنافس في بدايتك وتحسن جودتك إلى ما نوصل لشيء قريب من اللي صار في قطاع المطاعم 👇🏼

خلال "أزمة كورونا" كان أول اختبار للوزارة..
ومع بداية الأزمة وقبل لا تشتد، أصدرت الوزارة تراخيص ودعم لمصانع المنتجات الأساسية.. عشان ما يكون عندنا نقص في الموارد لا قدر الله
والنتيجة أن رفوف الأسواق كانت ممتلئة وجاهزة لتغطية الطلب، وهالشي ينطبق حتى على المعدات الطبية..