نغمة ان الست لفظت لفظ يا زباله وتقطيع الكتافات الميري- رد فعل علي كلامه تبرير غلط وخطير- ودا قد يؤدي ان كل واحد يرد علي اساس رد فعل ودا أخطر- مثال بسيط لو ظابط طلب الرخصة بطريقة متعكرفة وشخص رد بوقاحة ونقول دا رد فعل-بقينا غابه- كدا غلط وخطر (لو الظابط غلط يتعاقب بالقانون) ١

هيبه الشرطه لما انجرحت بيناير ٢٠١١ شوفنا الشارع تحول الي ايه ومجرمين نزلوا الشوارع وبلطجية دخلوا البيوت- وراجل شاف بناته بتغتصب وسرقوا بضاعته وانتحر ودا مثال من اللي حصل متنسوش الخطوره- فية ظباط بيتصرفوا غلط اكيد ذي اي بلد- ولكن هيبه واحترام ظابط الشرطة مهمة لنا كلنا- ٢

فكرة ان الست مريضة نفسيه يبقي يعاقب اللي سمح لها تشتغل ومعاها كارنيه- فكرة ان شخص ما عندة القدره ينتش كتافات ظابط- يعني ينهش لَبْس ميري دي بصراحة مشوفتهاش واللي يجرء اي انسان ينهش لَبْس ميري يبقي فيه غلط كبير واحساس انها فوق القانون ودا احساس اخطر- هيبه رجل الشرطه مهمة ٣

اخيرا لو سوقنا ان دا رد فعل يبقي هنتحول لغابه والغابه مفيهاش قوانين غير البقاء للاقوي وكدا خطر علينا كلنا- اللبس الميري لازم يكون له هيبته واحترامه واللي يسيء استخدامه يبلغ عنه واكيد هيتعاقب- واظن اي ظابط مؤخراً اتصور بيسيء لاي مواطن اتعاقب- فكروا لان دي سابقة precedent خطيره٤