حصلت بجد..
اتاذ دكتور طب أطفال بجامعة القاهرة طالب بمنع البوس تماما بين الأصدقاء بسبب الميكروبات العنقودية في فم الإنسان والتي تسبب الأمراض الجلدية كحب الشباب وغيره.. بل وطالب بمنع البوس بين الأزواج.. فرد عليه أحد المشايخ بأن الاسلام حرم القبلات بين غير الأزواج.. لحد كده عادي

غير العادي تعليقات المصريين مثل
١) اكيد الدكتور ده ملوش شفايف
٢) طب الرئيس البوسني مات ليه
٣) يعني كل واحد يبوس نفسه في المراية🤔
٤) واحد هيحرم البوس وتاني يسمح بإرضاع زميلها.. ارسو على بر.. نرضع ومانبوسش.. والا نبوس ومنرضعش.
٥) نحن جمعية هنبوس هنبوس نعارض فكرة منع البوس.

٦) طيب لما رغيف العيش يقع ع الأرض.. أجيبه وابوسه والا غلط
٧) اطمنك معظم الأزواج في مصر ما بيبوسوش بعض أصلا.
٨) بوس ايه يا عم بلاش قلة أدب
هو احنا بنتجوز وندفع دم قلبنا عشان نبوس..إيه المسخرة دي
٩) يعني لو واحدة اسمها "بوسي" تغيره وتخليه "متبوسيش"
١٠) مع تحيات شركة متبوسيشي لانسر

١١) اعمل زي اللمبي وبلغ منظمة حروق الإنسان.
١٢) مش كفاية مش لاقيين نتجوز.. فلما نتجوز مش هنبوس.
١٣) لأ الواحد يلحق يتجوز بقى قبل ما يصوتوا ع القرار في البرلمان😂🤫

😂أبوس😂ايدك رتبها
@Rattibha