ثريد: كواكب البيت ٩ "الجزء الأول" … #أبراج #خرائط_فلكية
كنا اتكلمنا في اخر ثريد عن البيت ٩ وطاقته العامة و في الثريد دي هنتكلم عن تأثير بعض الكواكب في البيت ٩ و هنقسمها لكذا جزء عشان نقدر نتكلم براحتنا كالعادة 💃، ودي ثريد البيت ٩ اللي اتكلمنا عنها لو مهتم عزيزي القارئ 👇
الشمس في البيت ٩:
من احب الاماكن لقلبي لأن هنا الشخص حدوده السما فالمكان ده مفيد جداً وبينشط اي خريطة مهما كانت تركيبتها، فلو شمسك في البيت ٩ تأكد ان قدرتك علي التعلم والتطور غير محدودة والمسألة هنا مش متعلقة "بالدراسة" فقط ولكن بقدرة الشخص علي اكتساب الخبرات والتعلم من التجارب.
من احب الاماكن لقلبي لأن هنا الشخص حدوده السما فالمكان ده مفيد جداً وبينشط اي خريطة مهما كانت تركيبتها، فلو شمسك في البيت ٩ تأكد ان قدرتك علي التعلم والتطور غير محدودة والمسألة هنا مش متعلقة "بالدراسة" فقط ولكن بقدرة الشخص علي اكتساب الخبرات والتعلم من التجارب.
الشمس في البيت ٩ بتضع الشخص في تجارب من خلالها بيقدر يتعلم و بسببها ثقته في نفسه بتزيد ولذلك حياتهم مليئة بالمغامرات والتجارب الايجابية والسلبية وعادةً هوية الشخص بتكون مرتبطة بالأمور اللي بيقدر يتعلمها فلو الشخص منهم حياته اصبحت مقيدة او قلت تجاربه بتبدأ ثقته تقل بشكل ملحوظ.
وجود الشمس في البيت ٩ بتخلق شخص مرن ومنفتح ويجيد التأقلم مع اي حد او في اي بيئة ولذلك دي دلالة علي شهرة وشعبية كبيرة فالاشخاص دي لما بتنجح بتكسر الدنيا وسهل يحققوا نجاحات دولية او عالمية ولما بتفشل بتقوم بمنتهي القوة بسبب ايمانها العالي بقدراتها ونفسها وده في افضل استغلال للطاقة.
عطارد في البيت ٩:
هنا الشخص عنده اسئلة وجودية فلسفية عميقة ولما تتكلم معاه او تسمع ارائه ومواضعيه لازم هيلهمك، لازم تخلص كلام معاه وانت بتفكر وفعلاً بتبحث عن اجابات. ف بالتأكيد شخص مماثل هيحرك فيك حاجة عميقة جداً بأسلوب بسيط للغاية بجانب ان اقرب المفكرين لقلبي عندهم المكان ده.
هنا الشخص عنده اسئلة وجودية فلسفية عميقة ولما تتكلم معاه او تسمع ارائه ومواضعيه لازم هيلهمك، لازم تخلص كلام معاه وانت بتفكر وفعلاً بتبحث عن اجابات. ف بالتأكيد شخص مماثل هيحرك فيك حاجة عميقة جداً بأسلوب بسيط للغاية بجانب ان اقرب المفكرين لقلبي عندهم المكان ده.
وجود عطارد في البيت ٩ بيخلي الشخص يبحث عن المعرفة والمعلومة بهوس ومن كتر ما هما شاطرين في مجالات البحث والتعلم بتلاحظ ان ثقافتهم عالية للغاية ودايماً وجهات نظرهم وارائهم متأثرة بثقافات وبيئات مختلفة وسهل البعض يتشاف منفتح للغاية "فاجر" او متشدد للغاية "معقد" علي حسب طبيعة الخريطة
القمر في البيت ٩:
نقدر نقول انه مكان مثير للاهتمام وممكن يتعب صاحبه شوية احياناً علي الصعيد العاطفي لأن الشخص هنا عايز ينتمي لكل شئ بدون ما يتقيد بشئ وده شئ مرهق ولو عايز تفهم الطاقة بعمق اتفرج علي فيلم yeh jawaani hai deewani شخصية ranbir kapoor تحديداً هتفهمك قصدي كويس:
نقدر نقول انه مكان مثير للاهتمام وممكن يتعب صاحبه شوية احياناً علي الصعيد العاطفي لأن الشخص هنا عايز ينتمي لكل شئ بدون ما يتقيد بشئ وده شئ مرهق ولو عايز تفهم الطاقة بعمق اتفرج علي فيلم yeh jawaani hai deewani شخصية ranbir kapoor تحديداً هتفهمك قصدي كويس:
لو قمرك في بيتك ٩ فأنت شخص لا تقاوم، سهل تحس بالمحبة والامان في اكتر الاوقات خطورة وصعوبة وكأن الكون بيدعمك طول الوقت. الشخص بيكون صادق جداً في مشاعره حتي لو مش هيلتزم هو مخلص ومؤمن بكل شخص او مكان ارتبط بيه حتي لو لفترة قصيرة ده غير انهم بيرموا نفسهم في احضان الحياة بلا خوف.
ليليث في البيت ٩:
من الاماكن المهمة لأن سهل جزء من الاشخاص دي تتعرض للكبت او للتقييد وممكن يتم تخويفهم وخاصةً في صغرهم من خلال الدين او بالعقاب او بدلائل علمية متشددة او نماذج لأمثلة سلبية، فده الشخص اللي ممكن يتقاله لو عملت كذا هتدخل النار ويتم ترهيبه بدل ما يتم تعليمه وارشاده.
من الاماكن المهمة لأن سهل جزء من الاشخاص دي تتعرض للكبت او للتقييد وممكن يتم تخويفهم وخاصةً في صغرهم من خلال الدين او بالعقاب او بدلائل علمية متشددة او نماذج لأمثلة سلبية، فده الشخص اللي ممكن يتقاله لو عملت كذا هتدخل النار ويتم ترهيبه بدل ما يتم تعليمه وارشاده.
وجود ليليث في البيت ٩ قصة كبيرة محتاجة ثريد لوحدها بس عادةً الشخص هنا بيكون عنده قضية متعلقة بحريته وبقدرته علي التصرف بأستقلال بدون ترهيب وتخويف لأن الشخص عادةً بيتم كبته او عدم تقبله من غير ما يفهم السبب ولكن مع الوقت الوضع بيتطور وبيبدأ الشخص يحارب من اجل معرفة الحقيقة.
🌟 ده الجزء الأول وطبعاً في اجزاء تانية فيها باقي الكواكب والنقط ان شاء الله. كالعادة خريطتك ليها الكلمة الأخيرة ومفيش بطل لحكايتك غيرك وتأكد عزيزي القارئ ان الكلام مش هينطبق بشكل حرفي فحاول تتعامل معاه بمرونة.
🕊 اتمني للجميع ليلة رائعة، اهتموا بنفسكم وللأبد بحبكم أبطالي 🦄💜
🕊 اتمني للجميع ليلة رائعة، اهتموا بنفسكم وللأبد بحبكم أبطالي 🦄💜
جاري تحميل الاقتراحات...