Unpopular MMFD Opinion: ضلينا نقول وينا الجبهة، ليه بعدا ما اتشكلت، ليه هلقد في مجموعات معارضة مفرطعة، عنا طرح كتير سياسي ممتاز ليه العالم ما عم تنضملنا، ليه العالم ما عم تنزل معنا تتظاهر، وبس بلشت تبين بوادره بلش التعريص. ١

يي نازلين مع شامل روكز والعسكر المتقاعدين وفي ماريونيت تفه شي هيدا، ما خلينا مجموعة معارضة ما اتمسخرنا عليها و ما مسحنا فيها الارض، حتى افراد متل جينو ولوسيان وبولا وغيرهن مسحنا فيهن الارض. سؤال، نحنا مين مفكرين حالنا؟ نحنا افهم من البشرية كلها لانو ماشيين ورا طرح ومشروع سياسي؟ ٢

طيب سلمنا جدلاً ايه نحنا افهم، مع مين مفكرين حالنا رح نتحالف؟ مين رح نستقطب؟ كيف رح نزيد اعدادنا ونشد عالم لعنا؟ لما بقول شربل هيدا مجتمعنا وبنعرفه ومسؤولين عنه هيدا بالظبط قصده. ايه مجتمعنا هيك، بيمشي ورا أشخاص متل جينو ولوسيان وبولا، بيعمل مجموعة ثوار "منطقة X” وبطالب ٣

بانتخابات نيابية مبكرة عن قلة وعي، بيحكي بمنطق "انا مسيحي بس المسلمين اخواتي"، هيدا مجتمعنا. في اكتر من ٢٠٠-٣٠٠ حركة ومجموعة عالارض، فيهن من ما هبا ودب، فيهن عالم بدها تغيير ومش عارفين كيف ومين وليش، شغلتنا نشدن لعنا مش نمسح الارض فيهن، ٤

او بنضل هال١٢٥ عم نحكي ونلعي ونعمل ميمز نتسلى فيهن عالتويتر والماكس نعمل هاشتاغ ترندينغ. فشلنا كتير كمناصرين، وعم نخذل الحركة والطرح وشربل اكتر من عم نفيده.