سلسلة تغريدات عن تجربتي للتقديم للماجستير في جامعة الملك سعود لمدة ثلاث سنوات على التوالي، تخرجت عام ٢٠١٧ تخصص علوم حاسب وبمعدل عالي وكان أهم هدافي وقتها إكمال دراساتي العليا شيكت اشوف متطلبات التقديم حصلت قدرات جامعيين واختبار لغة ستيب أو ايلتس أو توفل
اختبرت قدرات جامعيين وجبت ٨١ واختبرت ستيب وجبت ٩٢ وقلت يا سلام درجات عاليه أكيد بتفتح لي الجامعات أبوابها وقدمت على جامعة الملك سعود واخترت هندسة برمجيات ليش؟ قدعنه مني كدا 😂 اقول خلاص درست علوم حاسب ليش ادرسه ماستر ابي اغير وطبعًا هذا القرار كان بدون استشارة ولا استخارة🌚!
بعدها وصلني الرفض الحمدلله وكانت صدمة بالنسبة ليش يرفضوني! درجاتي عالية تحطمت وشعور اني محور الكون والكل ينتظرني تدمر طبعًا سبب الرفض "عدم توفر مقاعد".
بعدها تعينت معيدة بنفس الكلية اللي تخرجت منها وصار إكمال الماجستير شيء أساسي وإجباري
بعدها تعينت معيدة بنفس الكلية اللي تخرجت منها وصار إكمال الماجستير شيء أساسي وإجباري
وكنت احسب القبول بيكون أسهل وبيكون لي أولوية في المقاعد لكن قلت بعيد قدرات جامعيين وبختبر ايلتس عشان ازيد من فرصة قبولي، اختبرت قدرات جامعيين وجبت ٨٦ وايلتس جبت ٦ وقدمت عليهم للمرة الثانية لكن اخترت تخصص علوم حاسب وهذي المرة وصلني الرفض ونفس السبب السابق "عدم توفر مقاعد"💔
المرة الثالثة حاولت اعطي نظرة لكل متطلبات التقديم واقيم نفسي وحاولت استشير ناس عندها خبرة بلغوني أن التوصيات جدًا مهمه وتأثر في عملية القبول طبعًا لما شيكت على توصياتي كانت عبارة عن جدول لبعض المهارات ويحطون صح عند ممتاز أو جيد جدًا أو جيد وفي الأخير يكتبون نبذة بسيطة عني
رحت لأساتذتي وطلبت منهم يكتبون لي توصية على شكل رسالة يتكلمون فيها عني لما كنت طالبة وعن نقاط قوتي طبعًا التوصيات صارت أفضل بكثير وأقوى من اللي قبل لدرجة قلت وين عقلي سنتين اقدم بنفس التوصية 😅
ورحت بعد طلبت من عميد الكلية ومن مشرفة القسم يكتبون توصية رسالة يتكلمون فيها عن شغلي واضفتها مع الملفات المطلوبة في الأخير تحت خانة (أخرى) يعني مو تبع التوصيات لأن مطلوب توصيتين فقط، وسويت خطاب الغرض من الدراسة طبعًا ما هو شيء أساسي للتقديم لكن اعتقد انه إضافة قوية للطلب
تقريبًا هذه أهم التعديلات اللي سويتها مع الطلب واختبار ايلتس اخذته مرة ثانية وللاسف جبت نفس الدرجة ورفعته لهم يعني في تقديمي الأخير كانت درجة القدرات وايلتس نفسها لكن الاختلاف كان في التوصيات وخطاب الغرض من الدراسة والسيرة الذاتية عدلتها واضفت انجازات وشهادات جديدة
وبعدها رفعت الطلب وكنت متخوفه ومتوقعه الرفض لأن درجاتي هي نفسها بالتقديم اللي قبل ولكن الحمدلله خاب ظني ووصلني القبول ❤️❤️
الدرس المستفاد من هذه التجربة لا تستهينون بالتوصيات وخطاب الغرض من الدراسة والسيرة الذاتية اكتبوها بحب وخلوها تعكس إصراركم وشغفكم أنا كان كل تركيزي على الاختبارات وكيف ارفع درجاتي فيها واهملت جانب ماتخيلته بيكون مثل أهمية الاختبارات أو ممكن أهم بعد
وقبل كل شيء لا تنسون أهمية الدعاء والتوكل على الله بالنسبة لي أحب اكرر "اللهم اني ابرء من حولي وقوتي والتجئ إلى حولك وقوتك" راحة عجيبة وطمأنينة مجرد ما اقوله احس هموم الدنيا كلها تنزاح عني مافيه أجمل من التوكل على الله والتسليم والرضا باختياره 🙏🏻❤️❤️
@Aci0uWtN2zTMi7Q ياحلو دعواتك والله ربي يجزاك خير ويرزقك أضعاف 🤍🤍
ايه جد تحطم وقتها ع الآخر 🤣💔
ايه جد تحطم وقتها ع الآخر 🤣💔
جاري تحميل الاقتراحات...