نصيحة لي الشباب اللي تفكر في شغل ان تتجه لي سوق العقارات و تتعلم كيف تكون سمسار عقارات ( بيع -شراء - إيجار) السوق كبير جدا وفيه هلبة فلوس تتحرك بشكل يومي و بالملايين في معظم و اكبر مدن ليبيا حتا خارج طرابلس و بنغازي و يحتاج لي تغير و يحتاج لي افكار جديدة
فكرة سمسار في ليبيا شغلها او المجهود فيها مش كبير و لا يحتاج مصروف لكن في اساسيات مهمة هيا علاقتك و اسلوبك و طريقة تعاملك مع الناس هيا الاساس و السرية طبعا شيء مهم حاول تبنيها بشكل جيد فهيا اهم العناصر المطلوبة
السمسار الاعتيادي و المعروف حاليا ينقصه هلبة حاجات او خدمات ممكن يضيفها لي شغله لي كسب زباين جديدة
كبائع او شاري عقاري عنده متطلبات او ضمانات مستعدين يدفع عليها او يشتغل معاك لو وفرتها فاستغلوا النقص هذا و خش السوق العقارات فهي فرصة رائعة لي كسب الجيد
كبائع او شاري عقاري عنده متطلبات او ضمانات مستعدين يدفع عليها او يشتغل معاك لو وفرتها فاستغلوا النقص هذا و خش السوق العقارات فهي فرصة رائعة لي كسب الجيد
طبعا الانترنت موجود فيه كيف تتطور من اسلوبك و تتعلم كيف تبيع عقارات او تساعد من تشري و كيف يبيع
من اهمها هي قاعدة البيانات يعني لو قدرت تطور او تبني قاعدة بيانات فيها معلومات عن كل المعروض و المطلوب فهذا شبه غير موجود و حتا موجود لا يعتبر مخصص لي كل زبون يعني مثلا 👇🏼
من اهمها هي قاعدة البيانات يعني لو قدرت تطور او تبني قاعدة بيانات فيها معلومات عن كل المعروض و المطلوب فهذا شبه غير موجود و حتا موجود لا يعتبر مخصص لي كل زبون يعني مثلا 👇🏼
لو عندك حد يبي يشري ضروري تجهز اسئلة لي تحديد متطلباته و تسجل عندك و تستخدم ايميلات او مسجات مفصلة ليه بشكل خاص عن افضل المعروض في السوق و الموجود عندك في قاعدة البيانات متعك هذا ميزة غير موجودة يمكن عن طريقه تكسب زبائن بشكل كبير
خدمات السمسار الحالية تفقدها كل الامور القانونية من تاكيد الملكية و ضمان العقود و وعي عن الوضع القانوني الكامل من ضرائب و غيرها غير متوفر يعني لو تشتغل مع محامي او محرر عقود يوفر لي زبونك كل النصايح و يجاوب كل الاسئلة فهيا مرة اخري ميزة
ميزة ثانية ان يكون علاقتك بالدولة و السجل العقاري مهم جدًا ( نعرف انهم مسكرين السجل ) لكن تقدر تتاكد من ملكية الاراضي و توفير الدوشة هيا علي زبونك و هذا كله ممكن تقدمه علي اساس خدمات جانبية او full package سعر كامل علي حسب اختيار الزبون
اضافة تفاصيل عن الارض او المبني او المنزل كخرائط داخلية و خارجية floor plan مهم جدا جدا و متوفر فقط في مباني حديثة فتعاملك مع مكتب هندسي يعطيك ميزة غير موجود لي توفير و تاكيد كل الخرائط الهندسية لي زبونك صدقني مهمة اكثر من صورة
طبعا الصورة او التصوير شيء مهما و حاليا طريقة استعمالها او شكله يحتاج لي تطوير استعمال الادوات التصوير المخصصة مثلا كميرات 3D و غيرهم و استعمال ناس عنده تخصص في تحسين الصور هو مهم جدا و توفير النسخ ديجيتال لي اضافتها لي قاعدة بياناتك و تمكين ارسالها لي زبائنك يعتبر رائع
هيا بعض الافكار اللي ممكن تخش بيها السوق و تتميز بسرعة و في فكرة انك توفر حماية لي عملية دفع و استلام الفلوس و تقدمها بطريقة بروفشنال يعني المكان يكون جاهز و توفر ألات عد الفلوس في حالة كاش و مكان أمن و توفر حماية لي نقل الفلوس ( منعرفش كيف لكن فكر فيها ) فهذا يعطي زبونك راحة
و طبعا في جانب حساس لكن يعتبر كنز و سوق كبير جدا هيا الاراضي اللي فيها تنازع علي ورثة او عدم تفاهم الاسر علي تقسيمها فهي معظم الوقت تحتاج لي فريق من الناس القانونية و الهندسية و الدينية لي حل النازعات و سوء التفاهم بينهم و لو تمكنت من إيجاد طريقة تعتبر انجاز كبير
بنسبة لي البنات نشوف في فرصة ليهم لي دخول سوق السماسرة لي ان في جزء او زبون نسائي يحتاج مساعدة او يمكنك الوصول ليه الراجل صعب عليه و بناء الثقة و الخصوصية شيء مهم فيه و معها ممكن شغل بعد الشراء المنزل مثلا من تجهيزات في الداخل و شغل هندسي و اثاث فهذا شيء جانبي يمكن استغلاله
اخر شيء سوق العقار كبير جدا جدا و زي ما قلت كلنا نعرف ان اراضي سعرها المتوسط يعتبر قريب مليون و نسبة السمسار بين 1٪ و ٢٪ يعني ١٠،٠٠٠ اقل شيء قول x 5 عقارات في السنة يعتبر راتب ممتاز ونسبة السمسار من الإيجار شهر من الطرفين و هذا المتعارف عليه وليست القاعدة الاساسية فكر بروحك
و الدولة نفسها تشري و تبيع و تحتاج إيجار و تحتاج عقارات علقتك بيهم ضروري تخلي عينك عليها فهو سوق غير ظاهر علي السطح و فيه فلوس
و انشاء الله تربحون 😇
و انشاء الله تربحون 😇
@Rattibha شكرًا
جاري تحميل الاقتراحات...