حبوبة فقدت القدرة علي السمع و البصر من و إحنا صغار ؛ و برغم من دا كلو كانت معانا في ادق التفاصيل مثلا بقت عاملة لكل واحد فينا اشارة مثلا انا اذا سويت ليها حركة قوشتين في يدها هتعرف انو دي وفاء لانو امي من و انا صغيرة ملبساني قوايش دهب حفظتهم عليها
و اذا عملنا ليها حركة سماعات الدكتور هتعرف انو دا ابوي لانو دكتور ؛ و كل واحد في العيلة من عيالها و زوجات اولادها و احفادها عندو حركة اذا سواها هتعرفهم ؛ حبوبة ذكية شديد كانت رغم انها وقفت دراسة من و هي في الابتدائي و بالرغم من ظروفها الصحية كانت بتعرف اسامي احفادها الجداد
مرات بتاخد زمن علي بال ما تصل لي الاسم لكن عمرها ما يئست ❤
بالمناسبه انا ما ناسيه انها كل سنه و في بداية ااعام الدراسي بتجيب لينا كراس و قلم هدية كانت حريصة علي الحاجه دي مع كل احفادها حتي بعد ما وصلنا الجامعه كانت عارفة اننا وصلنا برضو بتدينا..
بالمناسبه انا ما ناسيه انها كل سنه و في بداية ااعام الدراسي بتجيب لينا كراس و قلم هدية كانت حريصة علي الحاجه دي مع كل احفادها حتي بعد ما وصلنا الجامعه كانت عارفة اننا وصلنا برضو بتدينا..
و شعرها الحلو و الطويل كانت بتخلينا نسرحو ليها مع انو ما كنا بنعرف بس بنقد وراها انا و بنات عمي و نتشاكل منو يسرحها و في النهاية بتقسم شعرها و بتخلينا نسرحوو..
أبوي علمنا انوو ما نطلع الصباح بدون ما نمشي نسلم عليها فكل صباح قبل ما اطلع المدرسة و بعد ما كبرت اي مشوار لازم امشي جري حتي لو اتاخرت ابوسها و ارفع يدينها بتعرف طوالي اني بقول ليهاا ادعي لي ❤
بتزكر بعد ما رحلو بعيد مننا و مع ضغوتات الجامعه عدت فترة ما مشيت ليها
بتزكر بعد ما رحلو بعيد مننا و مع ضغوتات الجامعه عدت فترة ما مشيت ليها
و لما قربت الامتحانات مشيت ليها ؛ زعلت مني كيف اغيب دا كلو و لما قولت ليها ادعي لي انا عندي امتحانات قال لي ما بتجي الا وقت الامتحانات تسلمي علي ؛ ضحكت و بوستها علي راسها و يدها عشان ترضي و كالعادة ما تمشي الا بعد ما تتغدي و دعوات كتيرة و حضن كبير منها حبوبة بترضي بسرعه
حنيتها علينا اكبر من الزعل مننا رغم انها ما شافتنا من و انحنا عمرنا خمسه ست سنوات بس حبها لينا كانو بتشوفنا كل يوم و تسمع صوتنا💛
لمة الجمعة و شاي اللبن ما كانت بتوشف اولادها و لا عيالهم بس مجرد احساس اللمه عندها كان كبير كبير شديد❤
لمة الجمعة و شاي اللبن ما كانت بتوشف اولادها و لا عيالهم بس مجرد احساس اللمه عندها كان كبير كبير شديد❤
بكتب كل التفاصيل دي و انا العبرة خانقاني عشان حبوبة فارتنا اكتر من سنتين ؛ ربنا يرحمهاا و يغفر ليها و يدخلها الجنه من أوووسع أبوابو
جاري تحميل الاقتراحات...