جالي سؤال بيقول / ليه علاقاتك محدودة وقليلة ؟
هو اولا الحكم بالظاهر قدامك فا ده سطحية جدا لانك مش عايش معايا حياتي والي مجرد ظاهر ليها منك بس هو الي انا عايز اوريهولك وبس ، سواء صور عالسوشيال ميديا او اي حاجه شبهها ، انا معارفي كتير جدا مبعدهمش حقيقي ، لكن فيه حاجه اسمها الصحبة المميزة ، والصحبة الصالحة .
الصحبة المميزة دي يعني الصحبة الجدعة ، ودول مش لازم اوثق معاهم لحظاتي كلها بالصور عشان تعرف اني اعرف ناس وعندي علاقات . من ضمن الناس الي اعرفها ناس مبتحبش تتصور وده طبيعي .
نيجي للصحبة الصالحة بقا ، دول بيبقو ناس معدودين جدا في حياة اي بني ادم وممكن بوصل عددهم لشخص واحد بس او اتنين او تلاته او اربعه او ياسيدي ١٠ والي عنده زياده اللهم بارك . ودول بقا بيبقو معانا فكل الصور حتي لو هما مبيحبوش يتصورو بنصورهم غصب عنهم 😂
حاجه كده لسا جايه فبالي امبارح بترد علي موضوع معرفة الناس والتعامل معاهم عموما،ربنا اولي وأهم بالمعرفة والتعامل من أي ناس ، الناس دول ممكن معرفتهم تنفعنا في الدنيا بأنواعهم الاتنين سواء صالحين او مش صالحين ، لكن الغير صالحين منهم قربهم مننا مش هينفعنا في اخرتنا الا لو كانو
معرفة صالحه بتسوقنا للخير والصلاح . غير كده لو فيه صحبة غير صالحه فحياتنا واحنا حاطينهم ف اقرب الاقربون لينا ، فا دول احنا هنتجمع بربطه المعلم كده ونترمي في حفرة في جهنم سوا كده في الاخرة وهنفضل في الوضع ده وقتها للوقت الي ربنا عالم بيه ،
انت راضي انك تخلي كل الناس الي تعرفهم قريبين منك وتعرف كل الناس عشان مصالح في الدنيا ، اما انا يكفيني اخلي القريبين من ضمن الي اعرفهم هما الناس الصالحة الي بخليهم قريبين مني ، الصالحين بس عشان انا اخرتي الخالدة اهم عندي من دنيتي الفانية ، وصلت ؟
الي يخلي دنيته اهم من اخرته ويكأنه هيعيش فيها للأبد ، هيخسر الدنيا والاخرة ، لان من اعتمد علي الناس في الدنيا وترك الاعتماد علي رب الناس ، فاهو هيخسر لان الناس دول هييجي عليهم فتره ويموتو ، وربنا حي لا يموت ، تمام ؟
جاري تحميل الاقتراحات...