⭕️ثريد: إقتراحات الكتب، أو كتب بنصح بيها:
⭕️اعملوا ريتويت وبوكمارك طوالي⭕️ وارجعوا ليو كل ما تكونوا عايزين تختاروا كتاب.
بما انه في ناس كتيرة بتسأل عن إقتراحات لي كتب.. فقررت اعمل ليكم ثريد الليلة عن الكتب القريتها ورأيي فيها شنو.. وكل ما اقرا كتاب ويعجبني حاضيفوا تحت..📚
⭕️اعملوا ريتويت وبوكمارك طوالي⭕️ وارجعوا ليو كل ما تكونوا عايزين تختاروا كتاب.
بما انه في ناس كتيرة بتسأل عن إقتراحات لي كتب.. فقررت اعمل ليكم ثريد الليلة عن الكتب القريتها ورأيي فيها شنو.. وكل ما اقرا كتاب ويعجبني حاضيفوا تحت..📚
اول رد لي سؤال تنصحني اقرا شنو، حيمشي للكتاب دا.. كتاب حيغير حياتكم، حيخليكم تكونوا العادات المن زمان بتحاولو تبدوا فيها زي الاكل الصحي ولا انكم تقروا كتب.. وحيساعدكم توقفوا العادات السيئة المن زمان عايزين تخلوها دي.. عملت عنه فيديو:
youtu.be
youtu.be
الكتاب مهم جدا جدا للنمو الشخصي والمهني.. لو التزمنا بيهو حيورينا كيف نتعامل مع بعض، كيف نكون محبوبين، كيف نكون علاقات افضل.. ما تعملوا لي فيها انتو خطيرين وما محتاجين.. أي زول أييييي زول محتاج يقرا الكتاب دا وحيستفيد منه كتييير.
برضو عملت فيديو عنه:
youtu.be
برضو عملت فيديو عنه:
youtu.be
الكتاب دا برضو من الكتب البتديك طاقة ايجابية.. الزول دا قصته مستحيل ما تطلع منها بي الهام واقتناع بي انه اي شي اي شي انت عايز تصل ليو ممكن.. وحيوريك انت محتاج شنو عشان توصل ليهو.. قصة الزول دا ملهمة شديد وبنصحكم تسمعوهوا احسن!
دا فيديو عملته عنه برضو:
youtu.be
دا فيديو عملته عنه برضو:
youtu.be
دا اخو الكتاب التاني بتاع التعامل.. ومعمول عليهو تعديل للعصر الحديث.. بيورينا كيف نتعامل تعامل جميل في عصر السوشيال ميديا وكيف نكسب قلوب الناس ومحبتها عن طريق مواقع التواصل الاجتماعي.
دا اول كتاب عن التغيير المالي اقراهو وافضل كتاب لاي شخص ما عنده اي خلفية مالية.. انا بعتبروا الخطوة الاولى للثقافة المالية الكلنا محتاجين نكوِّنها عشان نصل للاستقلال المادي ونطلع الاعتماد التام على المرتب .. الكتاب تحديدا بوريك مرتبك تعمل فيو شنو عشان تقدر تستقل مادياً!
الكتابين ديل مناسبين لي اي زول ولكن تحديداً لي ناس المجال الطبي..
الكاتبين الكتاب دا جراحين بتاعين مخ واعصاب وبيحكوا الحالات المرت بيهم ورحلتهم بي طريقة شيقة وجذابة حتى لو انت ما عندك اي علاقة بالطب حتستمتع بيها وحتفكر تمشي تقرا طب بعدها..
When breath becomes air حزين شوية لكن.
الكاتبين الكتاب دا جراحين بتاعين مخ واعصاب وبيحكوا الحالات المرت بيهم ورحلتهم بي طريقة شيقة وجذابة حتى لو انت ما عندك اي علاقة بالطب حتستمتع بيها وحتفكر تمشي تقرا طب بعدها..
When breath becomes air حزين شوية لكن.
التلاتة كتب ديل احسن كتب قريتها لي مشاهير ناجحين بيحكوا ليك بي كل كرم الدنيا، عن التجارب المروا بيها، عن الاخطاء العملوها وكيف تتجنبها.. وكيف تقدر تمشي من حلم صغير في عقلك، لي واقع انت عايشه ونجاح وشهرة..
كتاب ٥٠ سنت تحديدا بيركز برضو على كيف توصل على نجاحك وتحافظ عليهو.
👇🏽👇🏽
كتاب ٥٠ سنت تحديدا بيركز برضو على كيف توصل على نجاحك وتحافظ عليهو.
👇🏽👇🏽
كتاب كيفن هارت بيضحكك وبيعلمك كتيييير وحتلقو نفسكم مهتمين بي كل الدروس الفيهو وفعلا حيمسكم.
كتاب russ كتاب جميل وخفيف بيخلص في ساعة ونص لكن بيديك بي كل اختصار، اهم مزايا مفترض تكون عندك عشان توصل لي هدفك.
كل الكتب دي بنصحكم تسمعوها، وكتاب كيفن هارت اصلا مافي منو نسخة مقروءة.
كتاب russ كتاب جميل وخفيف بيخلص في ساعة ونص لكن بيديك بي كل اختصار، اهم مزايا مفترض تكون عندك عشان توصل لي هدفك.
كل الكتب دي بنصحكم تسمعوها، وكتاب كيفن هارت اصلا مافي منو نسخة مقروءة.
كتاب ميشيل اوباما اتكلمت عنه قبل كدا وبتحكي فيو قصة حياتها، وقصة صعود اوباما من الصفر لحدي الرئاسة وما خلف الكواليس. كتاب بيوريك برضو انه مافي شي مستحيل وممكن يجاوب على تساؤلات كتيرة عن بروتوكلات الرؤساء وحياتهم الشخصية. كتاب جميل وبنصحكم تسمعوهو برضو وما حتندموا ان شاء الله.
واحد من كتبي المفضلة والأيقظ فيني حبي للفضاء والاستكشاف..
بيحكي فيهو مايك عن طفولته وشغفه للفضاء وتعب قدر شنو لحدي ما بقى رائد فضاء.. وبيشرح وبي تفصيل جمييل بياخدك للحظة الهو بحكيها، احساسه اول ما طلع الفضاء اول مرة وشغله مع ناسا.
لو عندك اي شغف تجاه الشي دا، كتاب رائع💙
بيحكي فيهو مايك عن طفولته وشغفه للفضاء وتعب قدر شنو لحدي ما بقى رائد فضاء.. وبيشرح وبي تفصيل جمييل بياخدك للحظة الهو بحكيها، احساسه اول ما طلع الفضاء اول مرة وشغله مع ناسا.
لو عندك اي شغف تجاه الشي دا، كتاب رائع💙
الكتابين ديل فيهم اي شي محتاج تعرفه عن النوم.. وبنصح بيهم شديد لانو للاسف النوم بقى اكتر حوجة احنا بتعامل معاها كأنها شي ما مهم، واول شي بنفكر نضحي بيو كل ما اتضغطنا في الزمن.
لو عايزين الخلاصة اقروا sleep smarter لو عايزين التفصيل والعلم واي شي اقروا why we sleep. او اقروا الا✌🏽
لو عايزين الخلاصة اقروا sleep smarter لو عايزين التفصيل والعلم واي شي اقروا why we sleep. او اقروا الا✌🏽
كتاب رائع وجميل بيتكلم عن قصة بتاعت شخصين وفأرين في متاهة.. بيتكلم عن اهمية عدم التعود على الراحة، واهمية التأقلم مع التغيير وتقبل المجهول عشان نصل لي واقع اجمل.. لكن عن طريق قصة جميلة وقصيرة.. كتاب بيخلص في ساعة. لزيز وخفيف.
الكتاب دا من اول الكتب الغيرت في شخصيتي جوا.. عن دكتور نفسي اتحجز في معسكرات النازيين بعد الحرب العالمية.. وبيتكلم عن كيف وفي انعدام الحياة الكريمة وقمة الذل والهوان والتعذيب.. كيف تلقى معنى للحياة (بينفع معانا في السودان) وكيف تعيش وتلقى سبب يخليك تكمل.
كتاب رائع وعميق💙
كتاب رائع وعميق💙
كتاب رائع تحسه بيديك حضن وانت بتقرا.. وتحس انه ربنا راضي عنك وانت بتقراهو..
بيتكلم عن معاني اسماء الله، بي طريقة عمرنا ما فكرنا فيها.. كتاب عبارة عن دواء، تقراهو مرة في السنة/الشهر او كل ما تحب.
بيتكلم عن معاني اسماء الله، بي طريقة عمرنا ما فكرنا فيها.. كتاب عبارة عن دواء، تقراهو مرة في السنة/الشهر او كل ما تحب.
كتاب مهم جدا وفيو اي شي جتحتاجوه للتخلص من التسويف.. وبي طرق مضمونة حيخليكم حبة حبة تقدوا تاخدوا الفايدة القصوى من يومكم.. وتصلوا لي اعلى درجات الانتاجية..
مهم شديد لي اي زول يومه بكون مضغوط شغل وما بيكون عارف يعمل شنو وكيف يقدرا ينجز اكتر.
مهم شديد لي اي زول يومه بكون مضغوط شغل وما بيكون عارف يعمل شنو وكيف يقدرا ينجز اكتر.
كتاب عن التركيز والانجاز والنجاح.. وبيتكلم فيو الكاتب عن الحاجة الكلنا بنشكي منها: عدم التركيز وكيف بنقدر نعالج المشكلة دي ونصل لي اعلى درجات الانتاجية والابداع.
افتكر اغلبكم سمع عن تريفور نواه او شاف فيديوهاتو.. شخصية مثقفة، خلوقة، مضحكة، من جنوب افريقيا. ووصل لي انه يكون مقدم برنامج the daily show.
كتاب جميل عن طفولته في جنوب افريقيا والعنصرية الموجودة كانت هناك، وبداياته.
دا لازم يتسمع لانه تقليده لللهجات وخفة دمه حاجة قمة الرهابة.😂
كتاب جميل عن طفولته في جنوب افريقيا والعنصرية الموجودة كانت هناك، وبداياته.
دا لازم يتسمع لانه تقليده لللهجات وخفة دمه حاجة قمة الرهابة.😂
نخش في الروايات. دان براون من افضل الكتاب التشويقين القريت ليهم. بتكون ماسك الكتاب وما عايز تفكه لانك عايز تعرف حصل شنووو!
بنصح ليو للناس الجديدة على القراية !
كتبه عندها ترتيب بنصحكم تلتزموا بيهو عشان تسلسل القصص.
وكتبه فيها معلومات كتيرة مفيدة وحقيقية📚💙
بنصح ليو للناس الجديدة على القراية !
كتبه عندها ترتيب بنصحكم تلتزموا بيهو عشان تسلسل القصص.
وكتبه فيها معلومات كتيرة مفيدة وحقيقية📚💙
الخيميائي رواية رائعة وجميلة وخفيفة ولطيفة.. بتخلص في ساعتين، وبتحكي عن اهمية السعي ورا الاحلام وفيها دروس كتيرة بين السطور.💙💙 من اجمل الروايات💙💙
الرواية دي بتتكلم عن قصة بين ولد وبنت جمعهم الحب وفرقتهم العنصرية والطبقية.. قصة بتهمنا كسودانيين لانها قريبة لي قصة حب بين بنت شمالية وشاب جنوبي في السودان.. وتحكي عن واقع مماثل وشعب جاهل وعنصري. الرواية حلوة وحزينة لكن بنصحكم كلكم تقروها.
وبس بتمنى تلقو شغفكم للقراية.. ممكن كلكم تكتبوا تحت كتبكم المفضلة وبتحكي عن شنو عشان كلنا نستفيد من بعض💙
وانا كل ما انتهي من كتاب حاجي اكتب ليكم عنه هنا..
ما تنسوا لايك وريتويت، ولو عايزين تتابعوا الجديد اعملوا فولو!💙✌🏽
وانا كل ما انتهي من كتاب حاجي اكتب ليكم عنه هنا..
ما تنسوا لايك وريتويت، ولو عايزين تتابعوا الجديد اعملوا فولو!💙✌🏽
جاري تحميل الاقتراحات...