رتبها

بعد غياب مش طويل ننزل ب thread جديد بعنوان "السحر في مصر القديمة" و هنعرف فيه انواع السحر و استخداماته و مين اللي كان بيعمله..و كمان هنعرف إيه الاثار اللي ارتبط وجودها بالسحر..❤
ENJOY READING..❤📖

ف الاول كده لازم نعرف ان السحر الفرعوني تم وصفه بأنه اخطر م السحر الاسود او سحر الفودو و النوع ده كان بيسمي بالسحر الاسود الفرعوني..و النوع التاني اسمه السحر الابيض الفرعوني او الدفاعي..و ده كان بيستخدم ف اغراض الخير بس..

السحر ده كان علم عند المصري القديم و اللي كانوا بيعملوا السحر كانوا علماء.. و موجود اية من القرآن بتثبت وجوده منذ عهد المصريين القدماء..
بسم الله الرحمن الرحيم "وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ" صدق الله العظيم

السحر ف مصر القديمة كان مقتصر علي الكهنة فقط..و ع الرغم ان علماء الاثار حققوا الالاف من الاكتشافات الاثرية إلا ان موضوع السحر مازال غامض و مش معروف عنه كتير و يعتبر من اهم الاسرار الفرعونية..

البعض بيقولوا ان لعنة الفراعنة هي نوع من انواع السحر و خاصة بعد وجود العبارات التحذيرية علي معظم مقابر الملوك و اشهرها كانت مقبرة الفرعون الذهبي توت عنخ آمون و اللي لقوا الجملة دي ع مقبرته..👇
"سيضرب الموت بجناحيه السامين كل من يعكر صفو الملك"

زي مقولنا ان السحر كان مقتصر ع الكهنة بس لكن برضو كان ممكن شخص م العامه يمارس السحر لكن بشروط صعبة جدا م الكهنة و شبه مستحيلة..يقال ان الكهنة كانوا بيستخدموا السحر الاسود علشان يعاقبوا اللي مش بيقدموا قرابين للألهة و كان بيستخدموا لغة الجن "السيريانية"..

عدد كبير جدا م الابحاث اشارت ان مصر المهد الاول لطقوس السحر وطقوس التنشئة اللي كان بيعملها الشخص عشان يبقى كاهن و كان بيقوم بيها نوع معين من الكهنه كان بيعرف ب اسم السحرة او العرافين..

و حسب كتاب دكتور زاهي حواس جنون اسمه الفراعنه.. و اللي قال فيه ان الفراعنه بيأمنوا نفسهم في رحله الذهاب للحياه الابديه عن طريق انواع مختلفه من السحر.. و ده السبب في اننا بنلاقي نصوص و كلمات مش مفهومه على جدران بعض المعابد مثل مقبره الملك اوناس اخر ملوك الاسره ال٥ ..

وكان الغرض من النصوص دي انها تحمي المقبره و صاحب المقبره اللي هو الملك نفسه و الكنوز بتاعته.. بعض علماء الاثار كمان قالوا ان النصوص دي فقدت القيمة السحرية بتاعتها بعد مرور كل المده دي..

النصوص الموجوده على مقبره الملك اوناس معروفه باسم متون الاهرام او نصوص الاهرام.. وهي عباره عن تراتيل دينيه و سحريه موجوده في غرفه الدفن الموجوده اسفل الهرم..

و كان لازم على الملك او المتوفي انه هو يحفظ النصوص دي عشان يعبر من البوابات الخاصه بالعالم الاخر و ينتقل ل حقول الايار اللي بتوزاي الجنة ف المفهوم بتاعنا.. وكمان كانت بتحميه من الوحوش و الثعابين اللي موجوده في العالم الاخر..

و يقال كمان ان النصوص دي كانت بتساعد الشخص او الملك المتوفى ان هو يستخدم اشعه الشمس زي الحبال عشان يصعد على الجبال بسهولة.. كمان الطريقه اللي اتكتبت بيها نصوص الاهرام كانت غريبه جدا..زي مثلا الاشخاص بنلاقي الجسم منفصل عن الرأس و الاطراف..

دكتور زاهي حواس ذكر ف احدي كتبه عن اشهر القصص المرتبطة بالسحر و اهمها قصة الكاهن اللي زوجته خانته و قصة خوفو و السحرة و قصة سنفرو مع الكاهن اللي شق المية..

و كده يبقي خلص جزء م الthread و الجزء التاني هينزل قريب جدا..و هحكي فيه القصص اللي قولت اسمها دي..بجانب اشهر التماثيل المرتبطة بالسحر و قصتها و اماكن وجودها..

مستنية رأيكم و اسألتكم..و سوري ع اي غلط كتابي و اللي فايته اي thread هيلاقيه هنا..👇❤
@ManarThreads

@mohamedaymn2000 ❤❤❤❤

@dent_mohamed3 مش منطقي..

@dent_mohamed3 السحر غير اللعنة من وجهة نظري..مقبرة توت عنح امون دطتور زاهي حواس قال مجرد صدف

@dent_mohamed3 ❤❤❤

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد