ما عارفة إذا الموضوع حيهمكم كتير ما عايزة دعم ما عايزة شفقة ما عايزاكم تواسوني ولا تكتبوا لي إنتي قوية ولا حتى تشجعوني عايزة صمتكم التام عايزاكم تكونوا حذرين جدا في بيوتكم عايزاكم تشوفوا أخوانكم الصغار بنات وأولاد عايزاكم تكونوا منتبهين لتصرفاتهم المريبة لخوفهم الشديد
حأطلق هاشتاق ويا ريت كلكم تشاركوني فيه تجاربكم وتجارب أطفالكم وأخوانكم الصغار فيه
#أرح_نلعب_لعبة
عارفاكم حتقولو دا شنو الهاشتاق المتخلف دا بس صدقوني الكلمة دي هي بداية كل المعاناة
#أرح_نلعب_لعبة
عارفاكم حتقولو دا شنو الهاشتاق المتخلف دا بس صدقوني الكلمة دي هي بداية كل المعاناة
كان عندي ستة سنين الشي دا عمري ما حأنساه، بابا مشاكلوا كانت كتيرة مع أخوانه عشان قطعة أرض جدو الله يرحمه خلاها بإسمه موضوع طويل عن إنه بابا الوحيد الكان بيهتم بجدو لما كان صغير وكان معاه وداعمه عارفة جدو الله يرحمه عمل غلط لما سجل قطعة كاملة بإسم ولد واحد وهو عندو عيال كتار
كنت بلعب بالطين تحت شجرة المنقة حقتنا جاني ود عمي وقال لي أرح نلعب لعبة قلت ليه طيب، ما كنت عارفة إنه ماما ماف ولا حتى أخواني برضهم ماف، البيت كان شبه فاضي ما عدا حبوباتي الاتنين الهسي إتوفن ربنا يرحمهن وبيتونسن في الراكوبة في الحوش البهناك، ود عمي دخلني في أوضة
قال لي اللعبة دي حاجة سر بيناتنا وإذا كلمتي زول اي حاجة بتخرب قلع وبقى واقق قدامي عريان أشار لي إني أجي وألمس ليه عضوه لحظتها حسيت بالرعب وانه دا ما صح وماما قالت المناطق دي عيب نوريها للناس وهو لييه بوريني ليها؟
لما ما اتحركت من مكاني جاء ورفعني خلاني قريبة منه وقال لي ما تخافي
لما ما اتحركت من مكاني جاء ورفعني خلاني قريبة منه وقال لي ما تخافي
دي حاجة عادية كل الناس بتعملها وأنا صغيرة ما فاهمة الغلط من الصاح كويس، حاولت أزح منو بس هو أقوى مني حاولت أصرخ بس قفل لي خشمي بقوة ورماني على الأرض حتى إنه الجرح الإتجرحته بسبب قطعة قزاز كانت مرمية في الأرض لسه واضحة وضوح الشمس في يدي، صرخت بصوت عالي صرخت لما حسيت بخوفه
رجع قفل لي خشمي سريع وقال لي "دا عشان أبوك الطماع"
ود عمي إعتدى علي، إغتصبني ما عارفة إذا "بكل وحشية" ممكن توصف شعور طفلة عمرها ست سنوات
أنا بكتب ليكم وحاسة بجسمو التقيل ويدو الماسكاني بقوة وحتى الوجع الكنت حاسة بيه، لييه حبوباتي ما سمعن صوتي؟ لييه أنا؟ وين ماما وبابا واخواني؟
ود عمي إعتدى علي، إغتصبني ما عارفة إذا "بكل وحشية" ممكن توصف شعور طفلة عمرها ست سنوات
أنا بكتب ليكم وحاسة بجسمو التقيل ويدو الماسكاني بقوة وحتى الوجع الكنت حاسة بيه، لييه حبوباتي ما سمعن صوتي؟ لييه أنا؟ وين ماما وبابا واخواني؟
بعد ما خلص أنا ما كنت واعية لشي وما عارفة كيف أصلا حصل اي شي، الشي العارفاه اني كنت بنزف، بنزف شديد، الأوضة كانت مخزن ماف زول شغال بيها بعيدة عن باقي الأوض والصالونات بعيدة شديد، الحمدلله إني دايما كنت لما ألعب مع أخواني دس دس بدسا هناك، وأنا راقدة في الأرض وما واعية على حاجة
أتاريهم ناس البيت فقدوني وبقو يفتشو فيني كتر خير أخوي الله يرحمه البيعرف انا بدس وين جاء وشاف المخزن ولقاني مرمية في الأرض، مشى نادى ماما وهي جات وشافتني وعرفت الحصل وشالتني وودتني المستشفى ومعاها كل ناس البيت، أنا بحكي ليكم الحكاهو لي أخوي ربنا يرحمه، الموجع إنتو عارفين الموجع؟
إنه ماما قالت إني شكلي وقعت من فوق السراير المرصوصة من فوق، عارفاكم حتحسو بيه فيلم هندي ولا نص فيلم خيال، بس دا الحصل، لقبل شهر أقنعت الناس إني وقعت من فوق، مع إني حكيت ليها كل الحصل كل الحصل بس أمي ما أمي زي ما أنا إتوقعت، حياتي كلها اتعكست وبقيت منطوية، أخوي أصلا كان عنده
كان عنده سكري وهو كان قاعد لما كنت بحكي لماما الحصل هو كان مصدوم يا حليلو صحبو الأنتيم عمل كدا في أختو الما عارفة شي، ليوم الليلة ماما بتلومني على موتو، وبتقول لي انتي الغلطانة، أنا الغلطانة؟ بتك إغتصبها ود حماك يا مدام حشاك وقطعة من روحك ساقوها للموت ما مشت براها
تعايرني تعايرني، شاكة فيني ومطلعة عيني طول الوقت، حتى أخواني الأصغر مني لاحظو لتعاملها المختلف معاي، أنا بكره أمي، بتمنى لو ما كنت بنتها ولا كانت أمي، بكره دعواتها بكره صوتها بكره ضحكتها ونستها مشيتها حتى ريحتها، بكرهها من كل قلبي، بس دي أمي في النهاية
ربنا حيحاسبني عليها، أختي الأصغر مني عارفاني منطوية عارفاني ببكي كل يوم بليل عارفاني مكتئبة وكل مرة بتسألني الحاضل شنو ما بقدر أقول ليها، أمي قالت دي السمعة، قالت دا شرفك وحتعملي فتنة زيادة بين أخوانك وأبوك وعيال عمك، أمي قالت لي إني الغلطانة ولازم أستحمل غلطي
عمري 23 سنة وفي الجامعة بس في ولاية تانية قعدتي في البيت خالاني أجن، قبل شهر إتشاكلت مع أمي عشان موضوع بسيط جدا، والموضوع كبر وضربتني ضرب لا يعلم بيه الا رب العالمين، وقتها قلت ليها عديل أقتليني وريحيني وريح نفسك أقتليني، أخوي كان قاعد وبيحجز فيها قلت ليهو خليها ما تمسكها خليها
وقتها أختي الصغيرة كانت واقفة بوراها وعيونها مليانة دموع وكأنها بتقول لي اصرخي وقولي الحصل، انا كان وريتها في يوم عرس ود عمي بليل لما لقتني ببكي لامرة العشرمية، انهرت وحكيت ليها اي حاجة وهي دمها حار ما بتقبل الغلط كانت ماشة تحكي لاخواني بس منعتها، ما بتعرفو انا هسي مرتاحة كيف
يومها حكيت كل حاجة لانها كانت واقفة معاي وحاضناني شديد وانا ببكي وبقول ذنبي شنو وهي بتقول لي في اضاني احكي وقولي ما تسكتي تاني، امي جات داخلة تاني وبقت تجوط لي وقتها حكيت كل حاجة قدام اخواني والكل عرف ولسه امي مطلعاني غلطانة
مطلعاني بتاعت رجال، دي ام دي؟ برأيكم دي ام دي؟ هل بتستحق الاسم دا حتى؟ انا ذنبي شنو اذا هي اتربت بالطريقة دي؟ انت ذمبي شنو اذا كانو اهلها معتبرنها غلط وعار؟
اخوي من الزعل شال سكينتو وبقى يلمع فيها، هو اصلو كدا لمن يزعل ويضايق بيعمل كدا لمن يروق هو زول عقلاني جدا وحكيم في تصرفاتو بس اخوي التاني زي اختي الصغيرة دمهم حار وعصبيين وما بيستحملو الغلط
المهم ما عايزة اطول زيادة انا حقي في المحكمة ما بيتشال بس يوم القيامة بشيلو من شهر كنت واحدة مختلفة تماما وهسي انا واحدة مختلفة بقيت بضحك من جوا قلبي والله العظيم وبتونس، كان ثقل وهم كبير في صدري وانزاح، اخواني واختي وقفو معاي وقفة امي ما وقفتها معاي، بابا لهسي ما عارف
وهو ما في السودان اصلا وما عارفة اذا حيكلموه، انا عافية حقي لأمي بس عمري ما حاحبها عمري ما حأخت ليها مكانة كأم في قلبي الواجب بعملو ليها بس الباقي لا، انا بحب اختي جدا جدا
أنا ع وأنا إتعرضت لإغتصاب جسدي ونفسي وروحي
أنا ما غلطانة، أنا ما كنت لابسة لبس ما كويس، أنا ما أثرتو ولا كانت لي النية فيه اصلا
أنا باء بريئة ، ميم مغتصبة، سين سعيدة بالحقيقة الظهرت
أنا حأكون داعمة لكل بنت أول ولد إتعرضو للتحرش أو الإغتصاب من الناس اللازم يكونو سند وأمان ليهم أنا هنا ومعاكم نحن #باء_بريئيين
وأصلا عملت الحساب دا بعد ضغط كبير من بت خالتي @_iro77 وشجعتني اني لازم احكي الحصل لي للناس عشان يستفيدو
أنا بجد ما عارفة أنا كنت حأسوي شنو في الدنيا دي لولا لكف الله لي اولا وأخوات زي العندي شكرا ليكم بجد وهتون لو كان عندها تويتر كان تاقيتها برضو❤❤❤❤❤❤❤❤❤❤❤❤❤❤❤❤
أنا بجد ما عارفة أنا كنت حأسوي شنو في الدنيا دي لولا لكف الله لي اولا وأخوات زي العندي شكرا ليكم بجد وهتون لو كان عندها تويتر كان تاقيتها برضو❤❤❤❤❤❤❤❤❤❤❤❤❤❤❤❤
جاري تحميل الاقتراحات...