عموماً خذها قاعدة:
1- لا تحول مبلغ لأي شخص ما تعرفه خصوصاً لو كان الحساب (شخصي)
2- لا تعطي الكود اللي يوصلك على جوالك لأي شخص حتى لو كان هذا الشخص تعرفه وتثق فيه اتصل عليه وتأكد انه هو اللي ارسل (ربما يكون حسابه مُخترق)

3- لا تتفاعل مع أي شخص يدّعي انه من شركة، واذا كنت مُصرّ انك تتفاعل مع هذه الشركة وحسيت انهم صادقين على الأقل اسألهم عن موقعهم واذا اعطوك الموقع توجه لهم مباشرة وتأكد بنفسك (غالباً ماراح يرسلون لك الموقع) أو اطلب منهم صورة السجل التجاري وتأكد منه على موقع وزارة التجارة

4- أمّن حساباتك أول بأول وخصوصاً خطوة "التحقق بخطوتين" (موجودة في اغلب البرامج)
5- لا ترسل هويتك لأي شخص مجهول تحت أي ظرف كان
6- لا ترسل بطاقتك البنكية لأي شخص يقولك ابغى اشتري من الانترنت حتى وان كنت تعرفه وتثق فيه اتصل عليه بنفسك وتأكد انه هو نفسه الشخص واعطه الرقم بنفسك