تعدد الزوجات من منظور آخر ..
—
شوف الـ Thread
—
شوف الـ Thread
- مبدأياً كدا اللي متابع الأكونت عارف إني رافض لتعدد الزوجات ، و مقتنع ان ٩٠٪ من التعدد في زمننا الحالي هو ظلم للمرأة ، مش بسبب الاسلام ، لكن بسبب الفهم الغلط و العادات الموروثة من قديم الزمن ، و هوضح التعدد من منظوري الخاص
- التعدد في الجاهلية كان موجود و منتشر و كان التعدد بيوصل لـ ١٠ و أكتر ، جه الاسلام و حدد سقف التعدد اللي ملوش Limit ده بـ ٤ ، لكن القرآن مشجعش على التعدد أبدا ، بل كان مقترن ذكره بالتخويف من عدم العدل بين الزوجات
- فالتعدد مباح ، ولكن التعدد مش سلوك شجع عليه القرآن اطلاقاً ، بل هو واقع كان موجودا في ذلك المجتمع وقام القرآن بتقنينه ، التعدد مباح لكنه ليس واجب ، التعدد هو مجرد رخصة لك حق استخدامها في بعض الحالات
- التعدد عبارة عن رخصة ، زي ما ربنا شرع رخصة انك تفطر في حالة لو كنت مسافر ، او انك تقصر الصلاة في حالة السفر ، كل ده مشروط بسبب ، و هكذا التعدد ، التعدد بيكون رخصة في حالة الضرر زي مثلاً ان الزوجة مش بتخلف و ده حق مشروع للزوج في الانجاب
- خصوصاً إنه معروف ان الراجل غريزته قوية في الانجاب عشان حد يشيل اسمه من بعده ، و هنا ده كان سبب في تشريع التعدد و عدم تحريمه ، ان الراجل يكون له مخرج في حالة الضرر و الضرورة ، لكن زي ما قولنا هو رخصة مش حق مطلق و مش رخصة تستخدم لاسباب تافهه
- يعني متقوليش ربنا اداني رخصة اني افطر علي سفر ، و انت رايح من المنصورة لـ طلخا ، تقولي اصل ده سفر ! ده استهبال و تحايل ، و هكذا مع التعدد متروحش تعدد بدون سبب او بسبب تافه لا يستحق التعدد
- ده ياخدنا لنقطة الزواج في البداية ، الزواج محرم ليك لو انت مش هتقدر تعامل زوجتك الاولى كويس او تظلمها لأي عيب فيك ، حتى ان اغلب الفقهاء قالوا انك لو خايف تقع في الزنا لكن لو اتجوزت هتظلم زوجتك ، فإنك تقع في الزنا اخف من الزواج و الظلم
- لأن الزنا هو حق الله ان شاء يغفر و ان شاء يعذب ، لكن الزواج و ظلم الزوجة ده حقوق العباد ، و حقوق العباد مقدمة عن حقوق الله ، فلو أنت اصلا عندك عيوب لا تؤهلك للزواج زي انك تكون غير سوي نفسياً فحرام عليك الزواج من الاولى اصلا
- ده ياخدنا لنقطة تانية ، التعدد ما قبل عصرنا كانت النساء مش ضده زي دلوقتي ، يعني زمان كانت الزوجة عارفه انها مش هتكون الزوجة الوحيدة ، و كان الدافع ورا الزواج اسباب كتير غير الجنس ، زي رعاية اليتامى و الطمع في المال و المجاملات و المصالح بين الزعماء و صفوة القوم
- لكن دلوقتي اغلب التعدد بيكون بسبب الجنس ، ده غير ان التعدد يعتبر إهانة عظيمة للمرأة و لكرامتها و تقليل منها بين أهلها وأصحابها و سبب لشماتة أعدائها بها و الشفقة عليها ، بالاضافة لكسر روحها و نفسيتها و قلبها ، فإختلاف الازمان و نفسية النساء سبب مهم جداً
- ده غير ان الاسوء هو الظلم اللي بتتعرض به المرأة لما الراجل يتجوز عليها بدون رضاها او بدون ما يعرفها اصلا انه اتجوز ، و للأسف المرأة مقهورةً عليه بسيف الدين ورضا الزوج وبسيف الطلاق والأولاد؟!
- لو بصيت علي أساسيات الزواج في الاسلام هتلاقي انه مودة و عشرة و احترام و رحمة و احسان و تشاور بين الطرفين ، فأنت لما تتزوج بدون رضاها او بدون علمها ، فده بيناقض اساسيات الزواج ، بغض النظر عن صحة زواجك ، لكن ده ظلم واضح لزوجتك
- النبي ﷺ لم يعدد اثناء زواجه من السيدة خديجة و كانت اكبر منه بـ ١٥ سنة لأنه بيحبها بالرغم من ان التعدد كان موجود وقتها ، لكنه عدد بعد وفاتها و تزوج النبي ﷺ من ٩ كلهم كان متزوجهم لأسباب قهرية ماعدا السيدة عائشة و بصفته قائد الدولة
- و النبي ﷺ مرضهاش لنفسه او للسيدة خديجة انه يتزوج عليها ، فالتعدد بدون موافقة الزوجة في زمننا بيعبر عن أنانية الراجل و تسمح له بالغدر بشريكة حياته التي آمنته على نفسها وقلبها وتزوجته
—
دي طبيعه الراجل انه اناني مش بيفكر غير في نفسه ، شوفوا الثريد
—
دي طبيعه الراجل انه اناني مش بيفكر غير في نفسه ، شوفوا الثريد
- في حاجة الراجل مبيعملش حسابها و هو انه بيبص تحت رجله ، التعدد حريتك و مباح لك ، لكنك كدا بتخلي زواجك قايم علي اللايحة و حقوق و واجبات فقط و الغرض الاساسي المتعه ، و بكدا انت لغيت المودة و العشرة و الاحسان ، زوجتك هتعاملك كويس و تأدي واجبتها لكن عمرها ما هتكون صافية ناحيتك
- يعني الراجل لما يكبر و يحتاج حد يرعاه و هو متزوج للمتعه و كسر قلب مراته و اتجوز بدون رضاها او علمها ، فتنقلب الأدوار ويكون بأمس الحاجة إلى حب زوجته و رعايتها له ، لكن هل هيصفى له قلب زوجته بعد ما كسرها ، و الحقيقة ان اللي بيتكسر من القلوب لا يعود أبدا كما كان
- كانت آخر تحذيرات النبي ﷺ الخوف على الرجال من فتنة النساء، مش من فتنة جمالهن فقط ، لكن من أن يُفتن الرجال بقوتهم وتفوقهم على النساء وأن يَفتنهم ضعفهنّ وعجزهنّ واحتياجهنّ لهم، فيظلمونهم ويكسروهم و ياكلوا حقوقهم
- التعدد في زمننا الحالي نقمة علي ولادك ، لأنك هتكون بالنسبة لهم شوال فلوس مش اكتر ، انت هتكون بالنسبة لهم اب صوري ، ده غير ان التربية السليمة بتكون بين الاب و الام بشكل كامل ، لكن لما تبعد هيكرهوك و هتكون بالنسبالهم أب صوري
- لو حصل موقف ظلمت فيه زوجتك الاولى ، تخيل بقا ان اصلا الزوجة الاولي هتكون شايله منك عشان متجوز عليها ، ابقى قابلني لو سامحتك لانك في الاصل جيت عليها و انجوزت عليها و فكرت في نفسك و كسرتها فهي هتفكر في نفسها عادي و حقها متسامحش و للاسف انت هتغلط كتير لانك مستحيل هتعدل ١٠٠٪
- ندخل علي خرافة تانية و هي ان عدد التعدد كويس عشان عدد النساء أكبر من الرجال
—
الحقيقة مفيش اي احصاءات موثقة تدعم المبررات دي ، احصائيات الامم المتحدة فرق من ١ لـ ٢ ٪ بين الجنسين فقط ، يعني مش النساء ضعف عدد الذكور و الكلام الفاضي ده
—
الحقيقة مفيش اي احصاءات موثقة تدعم المبررات دي ، احصائيات الامم المتحدة فرق من ١ لـ ٢ ٪ بين الجنسين فقط ، يعني مش النساء ضعف عدد الذكور و الكلام الفاضي ده
- المضحك ان اغلب اللي بيروج لدعوات التعدد و هما بعض الشيوخ ، شايفين ان التعدد انقاذ للمرأة بعفتها عشان متكونش عانس او تتفتن و تمارس الزنا ، و هنا بيبصوا لنصف المشكلة حسب رغباتهم فقط و اعطاء مبررات لها
- الاكثر ضحكاً انك تلاقي نفس الشيوخ بتتكلم عن انتشار التحرش و الشباب و تأخر سن الزواج ، فالأولى انك تجوز الشباب دي الاول و بعدين تبص للتعدد و انه مبرر لعفة النساء ولا لاء ، الاولى انك تبص للمشكلة كلها مش لنصف المشكلة و تقدم دعوات التعدد و تسيب الشباب عمال يتحرش بخلق الله
- فالأَولى عدم التعامل مع نصف المشكلة لكن النظر في أصلها وأساسها ومعالجته ، عن طريق تصحيح مفهوم الزواج في المجتمع وتيسيره لعلاج مشاكل كل الأطراف، لكن مش بحل مشكلة بعض النساء و التعدد على حساب الأسر المستقرة
- نيجي لحجة تانية و هي ان التعدد مفيد في حالة سفر الزوج لفترات طويلة و رغبته الجنسية الملحة ؟
—
ده زي ما قولنا ان الراجل اناني في تفكيره بالطبع ، فالراجل بيبص لنفسه انا هسافر سنة و هاجي شهر اجازة كل سنة فلازم اتجوز عشان رغبتي الجنسيه و مقعش في الحرام ؟؟
—
ده زي ما قولنا ان الراجل اناني في تفكيره بالطبع ، فالراجل بيبص لنفسه انا هسافر سنة و هاجي شهر اجازة كل سنة فلازم اتجوز عشان رغبتي الجنسيه و مقعش في الحرام ؟؟
- طب يا حبيبي و مراتك دي اللي قاعده سنة من غيرك ملهاش حق و لا ايه ، معندهاش رغبات هي كمان ؟ سايبها لوحدها او مع الاولاد و رايح تشوف نفسك ؟ ، للاسف ده سبب مهم في انحراف البيوت و نظر الزوجة لبرا و اللي بيسبب الزنا ، و كل ده بسبب الزوج في الاخر
- لو بصينا لكلام سيدنا عمر بن الخطاب لسيدنا علي ، قاله متخليش الجنود بعيد اكتر من ٤ شهور عن نساؤهم بسبب حاجة كل منهم للاخر ، فأنك تروح تتجوز عشان مسافر او بتسافر كتير و تبص لنفسك و تولع مراتك فأنت السبب الرئيسي لكل اللي هيترتب عليه لأنك فكرت في نفسك
- طبعاً حالات كتير من الزواج التاني في مجتمعنا ، بتكون بسبب ان الزوج عايز يغيظ زوجته فيروح يتزوج عليها ، و ده من اكبر انواع الظلم اللي بتتعرض له المرأة في التعدد ، و اللي للأسف مربوط بسيف الدين بسبب التطبيق و الفهم الخاطئ
- التعدد هو سيف علي رقبة النساء ، سواء لابتزازهم او تهديدهم او حتى للهزلر ، التعدد هو الفزاعه اللي بيستخدمها الزوج لزوجته عشان يفرض عليها حاجات غصب عنها عشان ياعيني ميتجوزش عليها ، التعدد هو كابوس كل مرأة حتى فيه نساء عندها انه زوجها يزني لكنه ميتجوزش عليها
- لأن الغيرة عند المرأة عالية جداً و ده حصل لما السيدة عائشة غارت من احد زوجات النبي الاخريات و تعمدت ايقاع الطبق من ايد النبي بسبب غيرتها ، فالزنا هو كبيرة لكن مفيش حد بيشاركها فيه ، اما الزواج فهو مشاركة قد تكون ابديه و ده صعب جدا عليها
- الامام محمد عبده بيقول [ إباحة تعدد الزوجات فى الإسلام أمر مضيق فيه أشد التضييق كأنه ضرورة من الضرورات التى تباح لمحتاجها بشرط الثقة بإقامة العدل، وإذا تأمل المتأمل، مع هذا التضييق، ما يترتب على بعض صور التعدد فى هذا الزمان من المفاسد
١-٢
١-٢
- جزم بأنه لا يمكن لأحد أن يربى أمة فشى فيها فوضى التعدد، ولو شئت تفصيل الرزايا والمصائب المتولدة من فوضى تعدد الزوجات العارى من العدل، لأتيت بما تقشعر منه جلود المؤمنين فمنها السرقة والزنا والكذب ]
٢-٢
٢-٢
- ده غير ان الامام محمد عبده كان علي وشك اصدار قانون بمنع التعدد و السماح به من جانب القاضي فقط في حالة الضرورة ، لأنه كان شغال في المحاكم و شايف المشاكل دي كل يوم
- للاسف التصور الحالي للتعدد على مبررات الرجل وحاجاته و رغباته ، و بيتم نسف وتسفيه حاجات المرأة ومبرراتها في رفضه و الاستهتار بموقفها نتيجة لنظرة دونية فإن المرأة في نظر المجتمع هي دوما عالة علي الجميع غير مسموح لها بحريتها و استقلالها
- تقهر المرأة على قبول التعدد كزوجة تانية، لأنها بتلاقي نفسها ناقصة الإنسانية محرومة من القبول في المجتمع ، بتواجهها صعوبات في الاستقلال المادي والقانوني أحياناً ، وتقهر عليه زوجةً أولى لنفس السبب ، ففين العدل باعتبار المرأة نصف انسان بتعيش عالة و تتقبل الظلم بسبب مجتمع عقيم
- نقطة اخيرة قبل ما انهي الثريد
----
انتشار بعض الحركات النسوية اللي تحولت من المطالبة بحقوق المرأة لتحريرها من كل القيود الدينية ، و مع انتشار دعوات التعدد و اصرار الرجالة و خصوصاً الشيوخ عليه و نظرتهم للمرأة نظرة من زمن الجاهلية ، فده هيفتن بنات كتير في دينهم و هيبعدهم اكتر
----
انتشار بعض الحركات النسوية اللي تحولت من المطالبة بحقوق المرأة لتحريرها من كل القيود الدينية ، و مع انتشار دعوات التعدد و اصرار الرجالة و خصوصاً الشيوخ عليه و نظرتهم للمرأة نظرة من زمن الجاهلية ، فده هيفتن بنات كتير في دينهم و هيبعدهم اكتر
- لدرجة ان فيه بنات كتير خصوصاً المراهقات ، شايفين ان ربنا - استغفر الله - ظالم للنساء و منحاز للرجال ، و ده بيسبب فتنة في الدين و البعد عنه ، الاولى هو الحكمة و معرفه الزمن و المخاطب و عدم النظرة الدونية للنساء
- كان فيه دراسة ان الراجل اللي بيتجوز علي مراته بدون سبب مقنع او ضرورة هو راجل غير سوي نفسيا ، عنده شعور بالسلطة المطلقة كرجل وعدم الاعتراف بالأنثى وحقوقها
أهم و اخر تويتة في الثريد
--
زي ما الزوج له الحق في تعدد الزوجات ، الزوجة لها الحق قبل الزواج انها تشترط علي زوجها انه ميتجوزش عليها ، و لو اتجوز عليها لها الاختيار بين انها تكمل او تتطلق منه عملاً بشرطها في عقد الزواج ، لكن للأسف الشيوخ مبتقولش ده في التلفزيون عشان مش في صالحهم
--
زي ما الزوج له الحق في تعدد الزوجات ، الزوجة لها الحق قبل الزواج انها تشترط علي زوجها انه ميتجوزش عليها ، و لو اتجوز عليها لها الاختيار بين انها تكمل او تتطلق منه عملاً بشرطها في عقد الزواج ، لكن للأسف الشيوخ مبتقولش ده في التلفزيون عشان مش في صالحهم
المصدر : كلام شيخ الازهر
تقييمك للثريد
عشان بس محدش يقولني كلام مقولتوش ، انا مقولتش ان القرآن مش صالح لكل زمان ، التعدد ليس الاصل في الزواج ، الاصل في الزواج هو زوجة واحدة فقط ، التعدد مش حق مطلق لكنه مقيد بضرورات و يعتبر رخصة ، و اختلاف الازمان و نفسية النساء بين الازمان سبب مهم في تضييق حدود التعدد
- زي الرق و العبيد ، الاسلام محرمهاش لكنه ضيق الحدود ، هل لو رجع العبيد تاني و اشتريت واحد حرام ؟ لا مش حرام لكنه خلاص مبقاش في عبيد و الاسلام دعا لتحريرهم ، و بالمثل مع التعدد ، التعدد رخصة و ليس اصل الزواج ، فهمتوا
الفيديو التاني
youtu.be
youtu.be
معلش يا جماعه مقدر اني بهدم التابوهات بتاعتكم
جاري تحميل الاقتراحات...