بتعرف زول بقرا علاج طبيعي ؟
منشنو هنا لأنو الكلام ده ممكن يفيدو شديد..
حنتكلم شوية عن نقاط مهمة في مراحل فترة الدراسة، و نديك شوية ايجابية كدة، و نساعدك تفكر برة الصندوق حبة..
منشنو هنا لأنو الكلام ده ممكن يفيدو شديد..
حنتكلم شوية عن نقاط مهمة في مراحل فترة الدراسة، و نديك شوية ايجابية كدة، و نساعدك تفكر برة الصندوق حبة..
خشيت الجامعة، رجعتا اول يوم من الجامعة و حركوها ليك ياااا بتاع المساج، بتاع الدلك، يا بصير ، شنو لكن ؟ عبرنا يا مدمرنا ؟
ما تسمع الكلام ده انتا دكتور، ما تهزك كلمة دي مفاهيم اسي حالياً بدت تتغير و المجتمع بدى يدرك اهمية العلاج الطبيعي، معليش اقبل مننا الاعتذار نيابةً عن المجتمع..
ما تسمع الكلام ده انتا دكتور، ما تهزك كلمة دي مفاهيم اسي حالياً بدت تتغير و المجتمع بدى يدرك اهمية العلاج الطبيعي، معليش اقبل مننا الاعتذار نيابةً عن المجتمع..
خشيت بدون رغبة ؟ نسبتك جابتك هنا بس ؟ ما تشيل هم، اوريك حاجة كدة من المستقبل شوية، حتبدا تحب العلاج الطبيعي اول ما تخش الراوندات و تمارسو..
اول عيان مشلول ليك توقفو في شغلك ده حيكون نقطة التحول بالنسبة ليك، اول عيان يقول ليك والله فكيت لي قطيعة ما كنتا بتنفس بيها عديل، شلتا لي ألم ضهر وقفني من السواقة شهرين، ساعدتني العب كورة بعد الرباط الصليبي بتاعي قنعني منها
انت بترجع للناس حياتهم الطبيعية..و بتديهم الأمل انو يقيفو على حيلهم تاني؟ عارف يعني شنو تغير حياة بني ادم ؟ حتبدا تحب مهنتك شديد و تقتنع، ما تشيل هم اسي و اجتهد، ممكن تبدا الشلاقة و تقعد مع سنايرك في عياداتهم و مستشفياتهم ساعتين في اليوم حتديك فكرة عن شغلك..
احفظ معاي يلا : الاناتومي سيدك و تاج راسك ! دي ما فيها نقاش، قطع الاناتومي ده لانك حترجع ليهو قدر ما تحتار في حالة تجيك، حيوريك تحل الموضوع كيف..
وسع مداركك، اقرا هنا و هناك شوف المجال ده وصل وين، شوف البحوث و الاوراق العلمية و خليك مواكب دايماً، اقرا عن جمعيات العلاج الطبيعي العالمية، و مؤتمراتهم و قدم فيها بختو مقاعد للطلبة، قوقل ده ما خلا ليك شي، لو كتبتا جمعية علاج طبيعي بوركينا فاسو، الواق الواق، صابرين، حيجيبها ليك..
شوف التخصصات البتتولد كل يوم، احضر يوتيوب و تابع خواجات مجالنا ديل حيوروك حاجات تختلف عن ملل المراجع الكبيرة و تساعدك تحدد انتا بعدين حتتخصص شنو و تصل لوين ؟
اتونس كتير كتير مع سنايرك، لانو كدة بتعرف كل الخيارات المتاحة ليك بعدين، عشان ما تمشي بعدين تجرب ساي..
صدقني ممكن تبدا تعمل ماجستير في شي و تكسر حنكو بعد تخلصو و يادوب تكون اتمرمطتا و فهمتا انتا عايز شنو، فاسأل سنايرك و تابعهم، مش بقول ليك أسأل مجرب و ما تسأل حكيم؟ بس دي هي زاتا..
ما ناسين الطلاب، و حتلاقونا كل مرة بنتكلم عن مرجع معين بتفاصيلو و افضليتو على البقية، هو قوي وين و ضعيف وين، او حتة زابطة تقرا منها شي معين و تجضمو..
البصير هنا ما مجموعة جلسات علاج طبيعي في البيوت و شغل بس، البصير هنا لتغيير نظرة المجتمع لينا، و لموافاة الناس بالجديد، و للطلاب ، و الدكاترة الشغالين و للعلاج الطبيعي بصورة عامة بكل نواحيهو تفاصيلو..
جاري تحميل الاقتراحات...