ودي اتكلم عن تجربتي لكل الخريجين والباحثين عن عمل، وللناس الي تبغى كل شي بسرعه او تتكاسل وتشوف الحياه صعبه وانه لازم يكون عندهم احد يوصلهم او يساعدهم.
السنه الماضيه ما خليت شركة الا وارسلت لها الـ CV وكل ما سمعت عن وظيفه في مكان اروح افتح موقعهم واسجل واقدم عليهم صامله اني اتوظف 😂 ما كنت افكر في انهم بيرفضوني بسبب اني معاقه، طبعاً كنت خريجه من كلية علوم الحاسب قسم نظم المعلومات..
وسبق وعرض علي العمل عن بعد يعني نظام "سعوده" فكنت ارفض لاني اشوفه اهدار لطاقتي وظلم لنفسي ما احب فكرة اني انام لين اخر الشهر واصحى على رسالة "اضافة SAR 2000.00 الى حسابك ***..."
طبعاً اخواني كلهم يقولولي ارتاحي وش تبغين بالتعب ومدري ايش والي تحتاجينه احنا نعطيك لكني ما كنت اسمع ولا احد😑 هم ما يبغوني اتعب او احزن وكل شي يوفرونه لي، لكني اشوف التعب صدق هو انك تقعد منتظر شي، او شخص يعطيك، التعب هو انك تستسلم وتعيش مكسور او محطم وترمي اللوم على الي حولك
او المجتمع، شعور ان احد ظلمني او كسرني او ، او ، او .... يستفزني😤 حتى لو كان صحيح ما اعطيهم فرصه علي الدنيا ما وقفت على شي ولا على مكان ولا على شخص وارض الله واسعه💪🏻 املي بالله قوي ومتاكده انه مراح يضيعني ودائما ادعي ان يسخرلي الارض ومن عليها والسماء وما فيها وعباده الصالحين.
وقتها كنت اشتغل على تطبيقي EasyLife ومشغوله فيه وودي اشارك بالفكره في معرض اكسبو في الامارات.
لكن فكرة اني اتوظف في راسي وابغى دخل عشان اقدر ادعم واكمل EasyLife. المهم استمريت في التقديم وكل من قالي عطيني الـ CV اعطيته، وهذي المره ارسلته لشخصين ارسلوا ان الي يبغى وظيفه..
لكن فكرة اني اتوظف في راسي وابغى دخل عشان اقدر ادعم واكمل EasyLife. المهم استمريت في التقديم وكل من قالي عطيني الـ CV اعطيته، وهذي المره ارسلته لشخصين ارسلوا ان الي يبغى وظيفه..
يرسلنا الـ CV، وجلست يومين بس واتصلوا علي وقالوا ان وصلتهم عدد من CV’s وكنت ضمن المرشحين وانهم بيرسلولي موعد Interview على الايميل ما تتخيلون اش قد كانت فرحتي😂 وبنفس الوقت توترت من سالفة Interview اول مره في حياتي اسوي مقابله. المهم وصلني الايميل ورحت ابحث عن اسماء الاشخاص
الي بيسون المقابله ولا لقيت اي معلومه عنهم😢 جلست اتخبط واسال البنات الي سبق وسوو مقابلات، ايش الاسئله وايش اسوي وكيف و و و ... وفي وحدة من صديقاتي المقربات يقال انها تهون علي وتنصحني وزادتني الاخت غُمه لا عادها الله من نصيحه😂.
المهم جاء يوم Interview وكان بيوم الاحد الساعه 1، صليت الفجر وقلت انام لين عشره واصحى اتجهز واروح، عدلت الجوال ومدري كيف نمت من كثر التفكير🥺، والساعه تسعه تقريبا جاني اتصال ورديت الا واحد يقولي اليوم المقابله حقك طبعا اخترعت شكيت اني ما انتبهت زين للوقت وانه راح علي،
قلتله مو الساعه وحده؟ قال ايه، قلت ان شاء الله بكون موجوده على الوقت. المهم معد نمت طبعاً شفت المسافه من البيت للمكان كان تقريبا نص ساعه وجلست لين الساعه 12 وحجزت كريم،، ايييييه مشوار كريم🙂الكل مداوم ولا احد فاضي، لحالي محد معي. طلعت وامي واقفه بالباب وتدعيلي وانا متوتره مره
وخايفه وكل شي، احس الجو حار واحنا بالشتاء >> سويتها سالفه🤣
اخذت الـ Assistance معي، خفت الاقي صعوبات في المكان من ناحية التهيئه وكذا... وصلت ما اعرف من فين ادخل وايش اقولهم ويمكن الامن🧑🏼✈️ ما عندهم خبر ويطردوني من الباب وكثييير افكار تدور في بالي🤯
اخذت الـ Assistance معي، خفت الاقي صعوبات في المكان من ناحية التهيئه وكذا... وصلت ما اعرف من فين ادخل وايش اقولهم ويمكن الامن🧑🏼✈️ ما عندهم خبر ويطردوني من الباب وكثييير افكار تدور في بالي🤯
تذكرت اول سنه بالجامعه كنت اداوم بدري مره عشان اقعد احوس لين القى الكلاس🤦🏻♀️ كل مره اروح للامن اوريهم جدولي عشان يوصلوني الكلاس احيانا يطلع ماني حتى بنفس الكليه🤪
نرجع موضوعنا، جا على بالي ادق على الرقم الي دق علي واقوله اني عند الباب عشان يعطيهم خبر ومنعاً للاحراج🙁. والله ما قصر كان فيه خير وقال "لكريم" وين يوقف عشان انزل، وقبل انزل طلبت من الكابتن ينتظرني ويخلي العداد يحسب عادي لين اخلص، قالي ابشري.
استقبلوني ثلاثه عند الباب كانوا قمة الاخلاق والرقي، خف شوي التوتر وطلعني واحد منهم لمكان المقابلة، وجاني مدير IT الي هو مديري الان قمة التواضع والاخلاق وكان معه واحد وكان يسالوني وانا اتكلم الي اذكره للحين لما سالني كم تتوقعين Salary قلت له ما اعرف كم Salary عندكم
لكن اتوقع بيكون على حسب الـ skills و experiences الي عندي ابتسم وقال ما عندك experiences وهو صادق 😀 قلت له الا عندي😎 وقمت اعددله المشاركات الي شاركت فيها والهاكثونات صامله على جوابي🤭 طبعا حبيت تحجيرته قلت بنفسي هنا صدق باتعلم👌🏻
وقلت له ان ما سبق واشتغلت واحتاج احد يدربني على system البنك قال اكيد كل الجدد لازم في البداية يتدربون وقال ان فيه وحده من البنات بتدربني والله خلص وطلع وجا الـ HR وسال كم سوال وقال خلاص خلصنا واذا فيه قبول بنرجعلك خبر سالت كم يوم وترجعون قال ما ادري بالضبط لكن انتظري وطلعت.
لقيت كابتن كريم باقي منتظرني ومسكر العداد ولما ركبت قال سوي حجز جديد وباطلع انا اقرب واحد لك 🥺 ما ادري ليش اقولكم التفاصيل لكن كان في تيسييييير عجيب في يومي. الله ماضيعني ودائماً معي🙏🏻
طبعاً المقابله الاحد ويوم الثلاثاء دقوا علي وقال انقبلتي قبول مبدئي يوم واحد الفاصل يالله 😂 والله شعور سجدت لله شكر بكيت من كثر فرحتي وهو لسى قبول مبدئي، امي خافت علي لا يرفضوني بعدها وادخل صدمه 🤣 المهم انتظرت اسبوعين ولا دقوا ،
وما ادري اذا فيه قبول نهائي او ارجع اقدم على الشركات، لا لليأس😜 قلت يا بنت دقي عليهم وشوفي والله دقيت وسالت قال انتظري وجلسنا كم يوم الا وهم يدقون قالوا انه انقبلتي وبنرسلك العقد وقعيه وارسليه، ياكرمك ياربي شعوووور عجيب
انك بتكون مكتفي بنفسك ومستقل😍
انك بتكون مكتفي بنفسك ومستقل😍
شعور رهيب لما تحس انك تجاوزت كل المثبطين والمحبطين واثبت انك تقدر وان كلامهم ما كان صحيح كل ايام التعب والانكسار والحزن والارهاق والسهر يصير ذكراها لذيذ 😭 الفرح ما كان عشاني توظفت عشاني وصلت للمستحيل الي في عيون الناس....
ادري طولت عليكم بس حبيت تعرفون ان مافي شي يجي بسهولةوان الحياةاختبارات ولازم نصبر ونحاول لين نوصل،تتوقعون ما كنت افشل واني خارقه ومدري ايش لا لا لا مثلكم تراني احزن افشل اوقف لكن بالنهايه ارجع اقول مالي الا نفسي محد درا عني هذي حياتي انا مسؤله عنها كل الي ابي اعيشه من خياراتي انا
لا تبنون طموحكم ونجاحكم على احد، واختاروا لانفسكم الي يناسبكم والي تبغونه وبيفيدكم وخلكم من الي يقول ما تقدر او صعب وشوفوا بعيونكم مو بعيون الناس♥️
جاري تحميل الاقتراحات...