ثريد عن اول سنة بالجامعة بشكل عام
-بفصل شوي بموضوع الانجليزي
-بحط لكم تطبيقات راح تفيدكم
-بتكلم شوي عن الحياة الجامعية
(اتمنى تسون لايك على هالتغريدة)
-بفصل شوي بموضوع الانجليزي
-بحط لكم تطبيقات راح تفيدكم
-بتكلم شوي عن الحياة الجامعية
(اتمنى تسون لايك على هالتغريدة)
الشي الطبيعي لكل انسان انه يواجه صعوبه اذا انتقل من مرحلة الى مرحلة لكن هنا يجي طبيعة الشخص نفسه هل هو حريص وراح يتعود على المرحلة الجديدة بسرعة او انه راح يستمتع بوقته ويهمل الدراسة وبعدين يتحسف على وقته السابق
ولو تسال اغلب طلاب الجامعة بكل التخصصات وش اهم نصيحة تنصحني بالدراسة بيقول لك انك اي شي تاخذه راجعه على طول اول ما ترجع عشان ما تتراكم عليك المعلومات والشيء اللي ما تفهمه دور شروح له او دور شخص يشرح لك لا تفوته كذا
داخل المحاضرة عندك شي ما فهمته؟ ارفع يدك واسال المحاضر او الدكتور لا تستحي ابدا العكس بعض الدكاتره يستانس اذا شاف طالب يتفاعل معه ويسأله لدرجة احيان اصير فاهم بس اسال عشان اتفاعل مع الدكتور ويعرف اني مركز معه
(مادة الانجليزي) اول ترم حتى لو محصول لغتك ٠٪ لاتخاف لو فيك الارادة انك تتعلم راح تجيب +A بالراحة المادة بالنسبة لي سهله وكانت كلها اشياء تأسيسية فاللغة وكلمات كانت كثير بس سهله فلا تسمع كلام اي شخص يبالغ ويقول انها صعبه اذا شديت حيلك بالمادة هذي راح تفيدك في اشياء كثير
راح تفيدك اول شي بالجامعة نفسها الغالب انك راح تواجه مواد بالانجليزي فاذا عندك محصول سابق راح تقدر تتاقلم بسرعة وبتفيدك ولو بجزء بسيط اما موضوع باقي المواد اللي تكون اصلا هي بالانجليزي هنا بفصل شوي بالتغريدة اللي بعدها عشان اكون واضح
(المواد بالانجليزي) ما راح العب عليك واقولك انها سهله لا صعبة لكن هنا يجي دور انك تضاعف مجهودك فيها، شلون؟ فيه طرق كثير لكن اهمها انك تفهم اول شي ترجم وافهم بعد ما تفهم هنا شفلك طريقة كيف تحفظ المعلومة راح تواجه صعوبه فالبداية لكن مع الوقت بتتعود ويصير شي عايدي عندك
(وقت الاختبار) كثير من الدكاتره يدري ان لغتك الام هي العربية ويدري انك تواجه صعوبه فاذا شافك فاهم وقاعد تحاول تصيغ المعلومة لكن عندك اخطاء باللغة مب بالفهم راح يمشي لك لان هو يبيك تفهم المعلومه فكل ما كتبت المعلومة بطريقة احسن زادت الفرصه انك تاخذ الدرجة
(تطبيقات الجوال) فيه تطبيقات رهيبه راح تفيدك كثير بالجامعة والمذاكرة فبرتب لكم تحت بعض التطبيقات مع الشرح ..
تطبيق (socratic by google) راح يساعدك كثير بالواجبات ويسهلك بالبحث تصور السؤال وهو يسوي بحث فقوقل سريع ويطلع لك الجواب
تطبيق (socratic by google) راح يساعدك كثير بالواجبات ويسهلك بالبحث تصور السؤال وهو يسوي بحث فقوقل سريع ويطلع لك الجواب
اللي بعده هذا فادني كثير تنزل ملف Pdf عليه ويمديك تسوي بحث بالكلمه ويطلع لك الصفحه على طول رهييب
طبعا فالتحضيري اغلب التخصصات يدرسون رياضيات هالتطبيق راح يساعدكم كثير فالواجبات
تطبيق مهم لكل الطلاب بيساعدكم كثيير وقت المذاكرة تقدر تصمم فيه خرائط ذهنيه ويرتب لك المعلومات
تطبيق مهم غالبا اذا كتبت ورقه بخط يدك وجيت تصورها ما تكون واضحه هذا التطبيق يتحكم بلون الخط ويخلي الكتابه واضحه كانها مطبوعه وبعد تقدر تحفظ صور بصيغة Pdf وكم صيغه ثانيه
تطبيق تقدر ترتب فيه جدولك وواجباتك عشان ما تنساها
بالاخير نصيحة مني فترة الجامعة من اهم فترات حياتك راح تواجه صعوبات وراح تواجه ضيق بالوقت حاول انك تخلص هالفترة باحسن طريقة عشان ما تندم بعدين حاول تقسم وقتك صح ما اقول خلك شخص مثالي لكن اشتغل على نفسك
-اتمنى وصلكم اللي في بالي شكرا لكم واذا احد وده يضيف شي يكتب تحت
-اتمنى وصلكم اللي في بالي شكرا لكم واذا احد وده يضيف شي يكتب تحت
جاري تحميل الاقتراحات...