بخصوص النيل هأعمل ثريد مخصوص دلوقتى عن الراجل الفشيخ Kevin Wheeler دا من جامعة اكسفورد العريقة عن شغله عن سيناريوهات تشغيل سد النهضة وارقام لأول مره يتم تداولها عن مقترحات واشنطن والمقترح الأثيوبي ومقترح الراجل الطيب دا
سد النهضة اصبح حقيقة خلاص تخزين فى دولة المنبع يعنى تخزين أفضل من دولة المصب "كمبدأ" دلوقتى التنسيق بيقول فى حالة الفيضان العالى جدا تخزن عندهم "ما ترميش فى توشكي مثلا" كويس بعد ما تخلص عندهم تملى عندك انت دلوقتى مليان يبقى تسيبهم .طب فى حالة الجفاف دى المشكله هانشرح فى إللى جاى
احنا مصر فين مصر فوق أهو نقلق أمتى نقلق لما ننزل تحت الأخضر دا هانبدأ نخفض بالنسب الموضحه يعنى نخسر 3 مليار نخسر خمسه مليار نخسر 7 مليار ... هل نقلق بس من سد النهضة لازم نقلق ؟؟ لا هو بيقول فى المطلق المفروض نفرح ..تابع النتائج الجايه
الموقف إللى نخاف منه حصل قبل كده ... أيون حصل مره واحده فى التمانينات وفعلا اضطرينا نخفض تصريف السد العالى طب ولما بيجي زياده بنعمل إيه يا عمو ولا حاجه يا بنحوشهولك يتبخر يا حبيبي يا بنودية لتوشكي ويولع فلاحي مصر عشان مش عارفين المستقبل مخبيلنا غيه يا روحى وأهو نفعنا دلوقتى أهو !
نرجع لل GERD عملنا إيه فى الجفاف إللى حصل "بدون وجود سد النهضة " وأثر على دول المنبع والسد العالى حمى مصر ساعتها من الجوع واضح خدنا قد إيه عشان نتعافى كويس طب نفترض عمو أبي كان موجود ساعتها بعد اغتيال السادات وعملنا السد ...تابع إللى جاى
فى الحالة دى لو مقترح واشنطن الحالى لإدارة السد اتنفذ كان سد النهضة ساعدنا على تخطى مرحلة الجفاف أحسن من عدم وجوده أصلا يعنى وجود سد النهضة ونوافق على اقتراح واشنطن دا مش ح وسط دا حل مفيد لمصر ومكتف أثيوبيا بشكل ما
لو أثيوبيا قالت ماليش فيه أنا هأولد كهربا ثابته وماليش فيه جفاف هاتولكم محلول يا مصريين وكده ...ولا حاجه هايفيدوا مصر برده تخيل بس مشكلته إننا هانستعيد المنسوب "كرقم"متأخر
السيناريو العدائي بقي الوحيد إن إثيوبيا تقول ماليش فيه أنا مش هاتعاون وهاخسر شوية كهربا السنه دى وهاخلى المايه عندى وهابلطج عليكم يا سودان وهاقطع وشي عليكم ....ساعتها الضرر واضح على مصر فى الشكل دا (مش ملايين هاتهجر ولا نيله "
التضليل بشكل مبسط مشروح هنا
حبو بعض يا جماعه دا نهر النيل رقم كام وتسعين على العالم فى الحجم وانتم اصلا الاتنين رايحين فى داهيه فى نصيب الفرد والدنيا خربانه معاكم فحبوا بعض وتعاونوا يا ولاد
تم
جاري تحميل الاقتراحات...