ثريد: بيتك ٩ و أهميته في خريطة ميلادك … #أبراج #خرائط_فلكية
١. البيت ٩ من البيوت اللي دايماً بتثير اهتمامي وسهل من خلاله تكتشف نقط جوهرية عن نفسك لأنه في النهاية بيمثل معتقداتك، فلسفتك، الامور اللي مؤمن بيها، الامور اللي عايز تعرفها، تشوفها و تجربها فمن وجهة نظري هو "روح" الخريطة لأن كل شئ روحك بتسعي اليه مرتبط بالبيت ده من وجهة نظري.
٢. الحياة لازم يكون ليها معني مفهوم ليك، لازم يكون في هدف وده اللي احنا جميعاً بنسعي لأكتشافه ويمكن ده السؤال اللي بيطاردك طول الوقت: ايه الهدف من كل ده؟ وده بيتك ٩ خاصةً لو عندك عدة كواكب في البيت ده او لو حاكم طالعك في بيت مماثل دايماً هتبحث عن معني لحياتك والهدف من وجودك؟!
٣. سهل نلمس خطورة واهمية البيت ٩ فلو عندك كواكب متراجعة فيه او لو في كواكب ثقيلة زي زحل، بلوتو، نبتون وغيرهم او لو حاكم البيت ٩ في وضع صعب سهل الشخص "يتوه" او يحس ان مفيش معني لحياته او للي بيعمله حتي لو ده مش حقيقي خاصةً لو المشتري عنده في برج زي العذراء او الجدي سهل يتعب اكتر.
٤. دراسة وضع بيتك ٩ بكواكبه واتصالاته وحاكم البيت في غاية الأهمية لأنه مرتبط بسعادة الشخص في حياته وبنسبة ايمانه لأن الشخص اللي عنده ايمان واللي يمتلك قناعات شخصية عكس الشخص اللي بيشك في كل واي حاجة فممكن تكون شخص ناجح جداً ولكن مش سعيد، بتعمل حاجات بس مش مؤمن بيها وده بنشوفه!
٥. وبالتالي لو وضع بيتك ٩ صعب شوية سهل تكون في حالة شك دائم، يكون عندك طول الوقت اسئلة بس مش لاقي اي اجابة مقنعة، تكون مؤمن بس في نفس الوقت مش متأكد ولذلك بقول ان البيت ده هو "روح" الخريطة فمهم للغاية تفهم وضعه في خريطتك لأن ده هيساعدك بشكل غير طبيعي.
٦. علي صعيد اخر هتلاحظ ان اغلب الاشخاص اللي عندها هيمنة في بيتها ٩ او لو حاكم الطالع او الميدهيفن في البيت ٩ انهم اشخاص منفتحة وروحانية للغاية وده بيمنحهم اصرار وفضول قوي لفهم الحياة وفهم نفسهم وبالتالي تحقيق السعادة ولذلك الشخص يتعب لو اتقيد او لو كان في محيط محدد من خياراته.
٧. الثريد دي مش مخصصة لشخص بعينه لأن كل واحد عنده "بيت ٩" في خريطة ميلاده فلو البيت ده فاضي عينك تروح علي حاكم البيت ووضعه واتصالاته لأن ده هيفهمك تركيبتك، هدفك في الحياة فلو حاكم بيتك ٩ زحل مثلاً فأنت مؤمن بقيمة العمل والاجتهاد وقد تكون لا تؤمن بالحظ للغاية وهكذا.
🕊 احنا بنتغير لما بنبدأ نفكر لأن افكارنا بتبدأ تخلق اسئلة ودي الشرارة لأنك لو مش بتفكر مش هيكون عندك اسئلة وبالتالي مش هتبحث عن اجابات ومن هنا سهل حياتك تكون بلا معني وده اسوء وضع ممكن تضع حالك فيه. فلو عايز حياتك تتغير "فكر" وبعد ما تفكر "اسأل" وبعد ما تسأل ابحث عن الاجابة..
🌟 كالعادة خريطتك ليها الكلمة الأخيرة وافتكر دايماً ان مفيش بطل لحكايتك غيرك. الهدف من الثريد انك تهتم ببيتك ٩، تتعمق في أكتر لأنه بيت مهم وسهل من خلاله تتطور بشكل كبير.
وكالعادة اتمني للجميع اجازة رائعة 🌻
بحبكم أبطالي 🦄💜
وكالعادة اتمني للجميع اجازة رائعة 🌻
بحبكم أبطالي 🦄💜
جاري تحميل الاقتراحات...