السودان محل خطير والله يا جماعة، لو بقيت إنسان ولا حيوان، الحتة الأنا ساكن فيها لمن أمرق بتجنب ألبس ثلاثة أرباع، لبس ساتر وكده ههه، متذكر قبل زي ٧ سنين مرة بنلعب في الحِلة جوا شباب شماسة ماشين ومعانا واحد كان حلبي وبيلعب بفنيلة داخلية فكان حاولوا يتحرشوا بيو، اتشاكلنا معاهم ومشوا
وفي سياق متصل في الحتة النحن فيها في زول كان سايق ركشة فاثنين وقفوه لي مشوار، لمن استفردوا بيو دقوه واغتصبوه وسرقوا ركشته ومشوا، ده غير الحوادث المتكررة من النهب والدق والبتقوم بيها مجموعات منظمة وغير منظمة هنا، وده بيكون أوضح في هوامش العاصمة.
الكلام ده قلتو ليي..
في تفسير موضوع الحصل لي عشة الجبل -وتفسير موضوع التحرش الجماعي بشكل أعم- في عناصر مرتبطة ببنية وعي عندها عنف في مجتمعات فرعية معينة -لعوامل اقتصادية غالبا-، التفسير بتاع "مجتمع ذكوري" كتفسير وحيد للظواهر دي هو تفسير كسول وساهل، وما بيشوف العوامل الكونت الحدث
في تفسير موضوع الحصل لي عشة الجبل -وتفسير موضوع التحرش الجماعي بشكل أعم- في عناصر مرتبطة ببنية وعي عندها عنف في مجتمعات فرعية معينة -لعوامل اقتصادية غالبا-، التفسير بتاع "مجتمع ذكوري" كتفسير وحيد للظواهر دي هو تفسير كسول وساهل، وما بيشوف العوامل الكونت الحدث
بمعنى الظاهرة بتاعة الناس البيسموهم "شماسة" ديل عندهم بنية بتاعة عنف موجهة بصورة غير منظمة تجاه حاجات كتيرة شديد، وأظن في التحليل بتاع النظرية الماركسية لمفهوم "البروليتاريا الرثة" بيشرح بشكل جيد كيف بتتصرف المجتمعات دي، وجزو كبير من ظواهر التحرش الجماعي بتقوم بيها مجموعات زي دي
وصدق أو لا تصدق، الناس الوحيدين البيقدروا يطلعوا ويرجعوا البيت بعد سهرة طويلة ومتأخر هم الشفع المرتاحين بتاعين وسط الخرطوم، الحتة الأنا فيها لو اتأخرتَ زمنيا في الرجعة عادي ممكن ألقا لي مصيبة ويحصل لي أي شر ممكن، ياهو ده العالَم النحن فيو
فلمن واحد يكون زي حالتنا ويلقا أهله بيقولوا البنات حقو يرجعوا بدري للبيت، فالناس تفكر في حقيقة الواقع ده وتحاول تبطل استعلاء وتقيس على واقعها الطبقي المرتاح، أبوي كان بينتظر أختي وهو في قلق شديد لمن تكون جاية من الجامعة بالمواصلات والمغرب يكون جاء.
والناس تحاول تمرق من التفسير الأيديولوجي البيفسر كل شي بيحصل لي امرأة أنو "مجتمع ذكوري داير يقمع المرأة"، لأنو في حوادث زي الوصفتها فوق بتكون طبيعة العنف فيها موجهة نحو طيف واسع من الرجال والنساء، وأي تفسير ينتقل من أنو يكون علمي لأنو يبقا أيديولوجي فهو بيفقد قوته ومصداقيته.
وبشكل أعم شديد، الظاهرة الاجتماعية معقدة وستظل معقدة، وكلما حاول زول يفسرها ويدي قول نهائي حولها فهو حيقع في اختزال غبي حيصعب عليو فهمها.
وفي النهاية يعني بس الناس بتسدد وبتقارب.
وفي النهاية يعني بس الناس بتسدد وبتقارب.
للضمان مفروض نعمل disclaims لأنو ممكن الغبي يفهم غلط:
-التحرش غير مبرر حتى لو البت عريانة.
-التحرش موجود في مستويات مختلفة من المجتمع، و التويتة عن موضوع "التحرش الجماعي" بالتحديد.
-بدون الفهم العلمي لموضوع التحرش ما ممكن نقدر نعرف أسبابه ونحله بصورة حقيقية
-التحرش غير مبرر حتى لو البت عريانة.
-التحرش موجود في مستويات مختلفة من المجتمع، و التويتة عن موضوع "التحرش الجماعي" بالتحديد.
-بدون الفهم العلمي لموضوع التحرش ما ممكن نقدر نعرف أسبابه ونحله بصورة حقيقية
جاري تحميل الاقتراحات...