رتبها

فزعتكم هذه دكتورة مختبرات طبية ست زينه الي عدهه اكثر من شهاده الي هي معيده ب الجامعه الاسراء و هي بخط الصد الاول بكورونا في مدينة الطب ردهة pcr و انصابت و اهلها توفوا بكورونا و ضلت وحيده ياريت الكل ينشر قصتهه حتى توصل لان انسانه بمعنى الكلمه ومتستاهل هاي قصتها
#انقذوا_زينة_انور

أني زينه أنور محمد الربيعي
مختبرات طبية وبنت المرحوم الدكتور انور محمد الربيعي
كلكم تعرفون قصتي والكابوس الي جنت عايشته من مرضي ومرض اهلي وخسارة اهلي الي ماتوا كدام عيني واحد وره الثاني
#انقذوا_زينة_انور

صارلي شهرين مشاكل مع اقربائي بخصوص أملاك والدي الي هي حقي وحق خواتي تعب والدي هذا الي كسر ظهره سنين علمود يأمن مستقبلنا ويجي واحد غريب مانعرفه ويريد ياكل حقنا بمساعدة اقربائنا ...راح احجيها القصة كاملة ويمكن هذا اخر شي اكتبه لأن تهددت بالقتل إذا حجيت لاي أحد
#انقذوا_زينة_انور

بس حقي وحق خواتي مااسكت عنه حتى لو اعرف اموت
كنت مسافرة ورجعت من السفر لبيتي الي ورثته عن اهلي الي وصلني من المطار هو زميلي الي كان مسافرين بشغل وايضا استغليتها فرصة اغير عن نفسيتي الي تعبت بعد المعاناة الي عشتها بعد وفاة اهلي
#انقذوا_زينة_انور

وأتصور هل الشي مو حرام لان لو عشتوا ثانية وحدة من الي عشته أني راح تعذروني واني سافرت بفلوسي من تعبي ما مديت ايدي لاي بشر...نزلت من السيارة واجيت افتح باب بيتي الحديد الخارجي للكراج وانصدمت أنه الباب مقفولة ومضروبة سلسلة من الداخل
#انقذوا_زينة_انور

زميلي تبرع ينزل جنطة سفري انداريت عليهم واني ارجف كلت الهم الباب مقفولة ...ما هي الا ثواني ويطلعون النا ناس من كل مكان وهجموا علينا
#انقذوا_زينة_انور

الناس هذولي هم عشيرتي اعمامي وخوالي وناس مااعرفهم ابد ضربوني ومزقوا ملابسي كدام العالم وسيحوا دمي واني صرخت واستنجدت بالجوارين الي كلهم جانوا بالشارع وكلت ماكو رجال يساعدني ومحد بيهم ساعدني
#انقذوا_زينة_انور

زميلي وقريبه الي وصلوني ماسلموا منهم وانهالوا عليهم بالضرب وسلبوا سيارة الولد وباكو كولشي موجود بالسيارة...أني سحلوني بالشارع واخذوني لبيت بنت عمي الي صاير بصف بيتي
#انقذوا_زينة_انور

وهناك دخل عليا هذا الي مسمي نفسه (الشيخ حسين خيون الهليجي) اعتدى عليا بالضرب وكال (الدكتور عنده ٧٠ شدة وكيلوين ذهب وأسلحة هسة تطلعيهم) أني مااعرف هذا الشخص منو كلت له منو انت وشنو دخلك بفلوس والدي
#انقذوا_زينة_انور

انهال عليا بالضرب وحاول يخنقني بس زوج بنت عمي خلصني منه وكال اله مو هنا داخل بيتي تقتلها...أني صرخت وكلت والدي ماترك الي اي فلوس وذهب..جان يكولي ماترك الج شي لعد هذا الذهب الي لابسته منين جبتيه ومد أيده عليا وأخذ ذهبي مني وأخذ تلفوني
#انقذوا_زينة_انور

جنطتي كان بيها مبلغ ٥ ملايين و ٩٠٠ ألف تعود لأخواتي حقهم من الإيجارات كل شهر ادزها الهم وجزداني بيه ٨٠٠ ألف الي هي راتبي
سلبوني كولشي لا فلوس ولا هوياتي والذهب وأخذوا مفاتيح بيتي وهددوني إذا احجي راح يذبحوني
#انقذوا_زينة_انور

وكالوا لاعبالج أكو حكومة و دولة تأخذ حقك تره إذا تنهزمين نلكاج لو بأخر الدنيا اخذوني لبيت عمي وحبسوني هناك ماعندي اي شي كولشي أخذوه مني
عندي اخت وحدة هنا ساكنة ويايه نفس البيت بس البيت قسمناه بيناتنا
ماسلمت من شرهم هي وزوجها
#انقذوا_زينة_انور

دزوا على زوجها واتهموه أيضا بسرقة اموال وأسلحة والدي وانطوه مهلة ٤٨ ساعة يشيل من البيت هو واختي
واتصلوا على اختي الكبيرة الي بالخارج وكالوا الها هذا بيتنا بيت اخونا وحقنا وإذا عدكم حق هنا تعالوا سووا قسام شرعي وأخذوا حقكم
#انقذوا_زينة_انور

يعرفون خواتي صعبة يرجعون بسبب جائحة كورونا وإغلاق مطارات الدول الي هم بيها
اني بقيت محبوسة ٤ أيام لا نوم ولا اكل لحد ماكدرت انهزم منهم
انهزمت بطريقة بس الله الي يدري شلون اطفر من سطح لسطح إذا اوكع اموت بمكاني بس أني ميتة بكل الاحوال
#انقذوا_زينة_انور

كدرت اوصل للسيطرة وبلغتهم واجتي عليا النجدة وياريت ساعدوني
استنجدت بيهم ومحد صدكني
كالوا هذي متعاركة ويا أهلها ومهزومة واخذوني للمركز حتى ارفع عليهم دعوى مشاجرة!!!!!!
تعرضت للخطف وتسليب وتهديد بالقتل!!!! يسجلوها مشاجرة
#انقذوا_زينة_انور

اثناء ماكنت ادلي بأفادتي اجه واحد كان يراقبني من اول ما دخلت المركز وسمعته يحجي بالتلفون ويكول الهم اي هياتها وصلت!!! اني خفت وأخذت طلب تقرير الطبي وانهزمت
بقيت افتر بالشارع ماعندي مكان اروح اله !!! ناس تصدقت عليا ب (نعال) وعباية ستروني بيها
#انقذوا_زينة_انور

نمت بالشارع لأن ماعندي مكان اروح له هددوني قبل لا انهزم أنه يعرفون مكان دوامي ويعرفون بيوت صديقاتي
كدرت اوصل لناس اعرفهم واستقبلوني عدهم يومين وبقية الايام اكظيها بالشوارع
#انقذوا_زينة_انور

هذا حالي !!!! بنت عائلة وابويا طبيب معروف وسمعتي معروفة عند الكل
يجي واحد متخلف لا يعرف يقره ويكتب ياكل حقي بأي حق !!!!
#انقذوا_زينة_انور

القانون وينه والدولة وينها
أناشد السيد #مصطفى_الكاظمي يرجعلي حقوقي
أني يتيمة
خدمت بلدي واحد جنود الصد الاول وقدمت حياتي تعرضت للمرض وراحوا مني اهلي
أطالب بحقي وحق خواتي
#انقذوا_زينة_انور

ويتحاسب هذا المجرم الي كلها تعرفه عنده سوابق إجرامية هل احنا بلد يحكمه القانون لو يحكمه المجرمين تحت الغطاء العشائري !!!؟؟
رجعولي حقي و حق خواتي
#انقذوا_زينه_انور

هذا هو المجرم المدعو (الشيخ حسين خيون الهليجي)
سارق حقوق الدكتورة زينة انور واخواتها
#انقذوا_زينة_انور

@alithesecond1 @AliFadhil_iq @Al_Iraq_News @almafraji71
@hepta_0 @YcIraq
إخوان اتمنى تشاركون الموضوع اعلاه بحساباتكم حتى يتم أعادة حقوق الدكتورة زينة انور واخواتها

@Rattibha
فضلاً وليس أمراً رتبها

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة