رتبها

حلاوة زمان ، عروسه وحصان
مين العروسه ، ومين الفارس الي عالحصان !!
سنة 815 قبل الميلاد ، وقت ماكان النبي الملك سليمان بيحكم دولة اليهود الموحدة وبعدما الهيكل اتبني بشويه كده الملك حيرام ملك لبنان ( فينيقيا) توفى وساب بنته الي مادام لبنان بقى طبعا كان اسمها "أليسا"
++

وفي تونس والمغرب بينطقوها عوليسه لكن اسمها الملكي كان(ديدون)وكانت متجوزه قائد الأسطول التجاري الفينيقي وده كده كان حاجه نقدر نشبهها بقوة الطيران الأمريكي حاليا بالنسبة للزمن ده ، لكن لأسباب غامضه مات جوزها ، وكان فيه أخوها حيرام الثاني وفيه كده تلميحات ان اخوها ده ورا موت جوزها
+

علشان يضعف حقها في العرش مع ان فينيقيا في الوقت ده كانت ديانتها لسه متأثرة بالماترياريشيه ، ودي عقيدة بتقدس سلطة الأم الكبرى وبتتمثل في عبادة عشتار يعني عوليسه او اليسا كان من حقها العرش من غير جوزها ولا حاجه ، بس اليسا طلعت بنت اصول يعني لا شرشحت ولا صوتت ولا لطمت
+

ولا عملت زي ناديه الجندي في افلام الثمانينات وجزت على سنانها ورفعت حاجب وهي بتقول بكره تشوف ياحيرام الكلب ان ما طلعته على جتتك بلا ، لا خالص ، هي اتفقت مع اخوها ياخد الملك عادي بس يسيبلها نص الأسطول وهو وافق وخدت هي الأمراء والنبلاء المؤيدين ليها ومنعت حرب أهليه كان ممكن تضيع
+

المملكة ولا هي ولا حيرام التاني أخوها الطمعان هيطولوا حاجه ، وأبحرت مع مؤيديها بنص الأسطول الي كان ضخم برضو وطلعت على جزيرة كريت ، عرفت نفسها للملك وعزمته هو وبناته وحراسه على ضهر سفينتها على بارتي صغير كده وعشاء مخصوص والملك اتبسط اوي وراح خد بناته السبعه وحرسه وراحوا يهيصوا
++

كان معاها طبعا تموين كتير ومن ضمنه عرق البلح الفينيقي المعتق وعليه نبات مخدر حاجه كده زي الخشخاش او يمكن خشخاش بس مكانوش عرفوا اسمه المهم لا تقول لي تكيلا ولا فودكا ولا اي حاجه من الي بنسمع عنهم كله وقع على قفاه واليسا كتفتهم ورجعتهم على الشاطئ معززين مكرمين بس خدت معاها
++

بنات الملك السبعة فائقات الحسن والجمال علشان يبقوا كاهناتها في الأرض الجديدة ، حد يقول لي ليه ماخدتش من لبنان ماهم قمرا وشرباتات يعني هقول لك معرفش يمكن دي طقوس مثلا ، المهم البنات باين عليهم ما صدقوا وحبو عوليسه وحبوا يبقوا معاها بلا ملك بلا جزيرة بقى
++

المهم خدت بعضها وطلعت على تونس وهناك قابلت ملك البربر وعرضت عليه كنز من الذهب وقالتله انها عايزه بس تشتري حتة ارض يادوب مساحتها تفرش جلد تور ، الراجل استغرب وقال دي عالم هبله باين وضحك لما كان هيقع على الأرض لكن وافق ، هي كان معاها امواس حاده جدا جايباها من الهند ، قطعت الجلد
++

راقات راقات حاجه كده سمكها جزء من المللي وفرشته طبعا خد مساحه كويسه لأنه بقى 100 رقاقة نصبت عليها 50 خيمة ، الملك سكت وبرضو لما حسبها لقى الصفقة كسبانه ، وبالليل قامت اليسا هي والأميرات السبعة ( كاهناتها) وقلعت كل هدومها ( زلط ملط ) وأمرت البنات يعملوا زيها وخرجوا يغنوا ويرقصوا
+

ويرتلوا الاناشيد البعل الي تشبه اغاني (فيروز )القديمه فعلا ! الملك والحرس اتهبلوا !! ايه ياجدعان احنا هنقف نتفرج ونسيب المليطه دي ؟ رموا السلاح وجريوا وراهم دخلوا البنات مع اليسا في حته كلها شجر كثيفدخلوا وراهم ، وهوب طلع بدالهم 50 فارس مدجج بالسلاح خلصوا على الكل في ثواني
++

أليسا لبست اللبس العسكري واتحولت لديدون الملكة واقتحمت المدينه وأنشأت مدينه جديده سمتها (قرة طاج) واستتب ليها الملك فترة لحد ما ملك ملوك البربر عرف بالي حصل خد جيش ضخم جدا وراح حاصر المدينة ، ولما خرجت تفاوضه انبهر بجمالها ورقتها ودلالها ، فاقترح عليها يخلطوا الشعبين ببعض بس
++

بشرط ! إنها تقبل تتجوزه ، سكتت شويه وفكرت وقالتله موافقه بس أنا لي طلب ، عايزه أقدم الأول قرابين للآلهة ولروح زوجي ، هي كانت لسه بتحبه وعاهدت نفسها متتجوزش بعده ، ولما فكرت في وضعها هي وشعبها طلبت الكلب ده وملك البربر وافق ، واندهش من ضخامة الاحتفال واشعلت نار رهيبه خارج القصر
+

ورمت فيها خراف وثيران كتير وفجأة مسكت ابنها الصغير وراحت شاقه رقبته ورمته في النار !!! الملك ارتعد واندهش جدا ! معقول الجمال والرقه دي تبقى بالوحشية دي !! لكن كان فيه مفاجأة تانية ..
عوليسه قلعت هدومها كلها ، آيه في السحر والجمال ، ورفعت السيف بايديها الاتنين وطعنت بطنها !!
++

وقفزت في النار ، في نفس اللحظه هجم ابنها الأكبر على جيش ملك البربر ، الي كانوا خلاص مش محتاجين أكتر من كده عشان يهربوا من الناس دي ، ومن يومها واهل قرطاج القدماء بيعملولها تمثال من السكر على شكل عروسه وتمثال تاني لابنها الصغير على شكل فارس على حصانه ويحكوا لاولادهم قصة الملكة
++

ديدون الي ضحت مع ابنها الصغير بحياتهم ورموا نفسهم في النار عشان ميعيشوش أذلاء منكسرين ، ومع الوقت وبشكل سلمي اختلط الشعبين و انتج الاختلاط ده واحد من اكثر شعوب المنطقه اثاره وغموضا وهم (الامازيج )
لما جم الفاطميين مصر من المغرب جابوا معاهم العروسه والحصان وقصة عن ملكة تونسية
++

سموها (ذات الهمة ) طبعا مع الإضافة والحذف والتحوير لتناسب الفاطميين الشيعة وخلوها أصلا من الحجاز وطبعا ماقلعتش ولا اتعرت عشان تستدرج الحرس المهم انها فضلت تعبد لمدة 14 قرن وطبعا مش عايزه نباهه ان البدو في شبه الجزيره غشوا موضوع عروسه العجوه والحصان وعملو زيها
++

من غير ما يفهموا الاصل العميق بتاعها- ولغاية وقت قريب كانت الست اللي مرسومه علي العشره دنانير القديمه هي دي اليسا
او زي ما بينطقونها عوليسا او ديدون السريعه الحركه

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد