الصحة
مستحضرات التجميل
التصنيع
الجمال
المواد الكيميائية
نصيحة استهلاكية
الجمال ومستحضرات التجميل
المنتجات الكيميائية ومنظفات
من واقع خبره ٣ سنين في مجال تصنيع كيماويات المنظفات و الCosmetics أحب أقولكوا إن موضوع sulfate free ده إشتغاله لأن الماده الفعاله إللي بتستخدم في التصنيع في ال ٣ شركات الكبري لابد إن يطلع منها sulfate يا إلا مش هتاخد PH مظبوط و الtexture المتماسك بتاع الشامبو
كل ما في الأمر إن بعض الشركات غيرت من عملية تصنيع الماده الفعاله بحيث تقل النسبه بس برضه بتفضل موجوده و بنسب كبيره غصب عن أي تدخل
الشيء بالشيء يذكر و أهو نشارك بحاجه مفيده لعلها تمنع ضرر عن حد، نصيحه مخلصه: بلاش تجيبوا منتجات تلمس بشرتكوا سواء منظفات/شامبو الخ بره ال ٣-٤ شركات المعروفه زي Henkel, P&G , Unilever و ممكن L’Oreal لسبب طويل بس هختصر قد ما أقدر
خلينا في الشامبو أسهل: في ضهر كل علبه هتلاقي مادة الSodium lauryl(laureth) ether sulfate دي الماده الفعاله و الأساسيه في التصنيع(إللي بيبقي فيها نسب sulfate بخصوص الموضوع الأول) و تصنيعه لازم يفرز ماده إسمها 1,4 Dioxane، الماده دي Carcinogenic. طب إيه كل الشامبوهات مسرطنه كده ؟لا
الشركات الكبيره السالف ذكرها مبتاخدش الماده الفعاله دي إلا من المصانع المحترمه إللي مركبه وحدات(مكن) بتقوم بعملية extraction لمادة الdioxane و بتنزلها للحدود الدنيا الموصي بيها إللي متخليهاش Carcinogenic
بالنسبه للشركات و المنتجات المحليه (كامينا بقي و سباركل و بتاع) عندهم برضه وحدات extraction بس هل هي بنفس الكفاءه إللي تضمن وجود الماده المسرطنه في الحدود المسموح بيها؟ لأ خالص و بيحصل deviations كتير جداً بس محدش بياخد باله
طيب أزيدكم من الشعر بيت. إللي جرب منتجات بره و هنا هيفهم قصدي، مثلاً علبة شامبو Gliss shwarzkopf إللي عالرف في مصر غير إللي بتتجاب من الخليج غير إللي بتتجاب من أوروبا من حيث الجوده و دي أهي واحده من الشركات الكبري بس الموضوع فيه تباين كبير و محتاج تفاصيل أكتر الحقيقه
جاري تحميل الاقتراحات...