تدرون انه مافيه تصنيف دولي موحد للفنادق في العالم! وان نظام النجوم يختلف من بلد للثاني، كل بلد عنده طريقة مختلفة ومعايير خاصة تتعلق بمستوى الخدمات والراحة والنظافة والموقع والأسعار وغيرها
باقولكم تفاصيل أكثر تحت هالتغريدة
باقولكم تفاصيل أكثر تحت هالتغريدة
حتى مواقع حجز الفنادق أونلاين عندهم معاييرهم الخاصة ويعتمدون بشكل كبير على تقييم الزوار، ويمكن لاحظتوا أحياناً تحصل فندق ٥ نجوم في موقع لكنه ٤ نجوم في موقع ثاني (طبعاً الفارق بسيط واختلف تصنيفه حسب رأي الزوار أو ينقصه خدمات بسيطة يشوفها الموقع ماتؤهله للخمس نجوم)
الاختلاف بين أوروبا وأمريكا وآسيا كبير، حتى بين دول أوروبا يختلفون مثلاً البريطانيين يهمهم خدمة العملاء والترحيب وقت الوصول وشخص يتحدث لغات في الفندق حتى يكون ٥ نجوم أما الفرنسيين يهمهم يكون فيه مساحات وحدايق وأكل ممتاز والايطاليين تهمهم النظافة في الغرف ومرافق الفندق وهكذا
الاختلاف يتشعب مو بس بين القارات والدول حتى في الدولة نفسها، مثلاً اسبانيا عندهم تصنيف يختلف من مدينة لمدينة! طبعاً اختلافات بسيطة لكن هذا سبب عدم وجود نظام موحد عالمي لأن الكل يشوف تصنيفه الأفضل
ويمكن سمعتوا بسالفة فندق برج العرب في دبي وانه ٧ نجوم! طبعاً هذي اسطورة قالها صحفي وقت افتتاح الفندق وانه قدم شي جديد ماكان موجود في فنادق الخمس نجوم في العالم واللي هو وجود خادم لكل غرفة! وبعدها انتشرت السالفة وصاروا الناس يجون دبي يبون يشوفون فندق السبع نجوم مع انه شي غير رسمي
جاري تحميل الاقتراحات...