لي فترة ودي اتكلم عن الموضوع ممكن فيه ناس بيصفون معي وممكن ناس يعارضوني وممكن فيه ناس يقولون دز يارجال ولاتعطيها ولكن بالنهاية ذي قناعتي ووجهة نظري، اشوف بالآونة الاخيرة كثيرين يتشكون من الحياة وانهم متضايقين عشان شخص ساحب عليه او مايعطيه وجه او او او ... الاسباب كثيرة يعني
بالنهاية موقف حياته ويضايق نفسه ويعفس يومه ويكدر على نفسه عشان شخص انسان مادرى عنه اتفهم ان الضرر النفسي اقوى من الجسدي ولكن انا اشوف يجب على الانسان يتحكم بهذا الضرر والصراحة صدق ارحمه لأن الصدق علمت نفسي من يومي صغير ان صدق محد يسوى ما اقول هالكلام يعني انا مثلاً صارت لي مشكلة
مع شخص عزيز ما اتضايق لا اتضايق لحظته وخلاص اقفل على الموضوع مايسوى اني اقعد شهر او بعض الناس ياصلون لشهور وسنوات وهم متضايقين عشان شخص عن نفسي اشوف الضرر اللي ممكن يتضايق منه الواحد وينزعج اذا كان جسدي مثلاً مرض او اعتداء لاني صدق العافية ما تتعوض اذا جرب شعور المرض والتعب
بيقول يا شيخ يلعن ابو الناس على ابو الفلوس على كل شيء بس ابي صحتي ترجع فموضوع اني اخلي من الناس همي صراحة ابداً مب معه وصدق يعني ارحم الناس اللي كذا اذا انا ومن احب بخير وصحة وعافية و والديني واخواني راضين عني وانا راضي عن نفسي هذا المهم بالنسبة لي، طبعاً في ناس من كثر التعب
النفسي اللي يجيه تأثر على صحته هذا صدق يعاني انا كلامي بالسابق عن اللي جالس يتدلع عشان اشياء بالدنيا علاقات او اشياء سخيفة اصلاً حتى ذا اللي متعب نفسه وتأثرت صحته مفروض انه من قبل يهون على نفسه ويهدي اموره ويطلع اللي بصدرة لأن الدنيا ماتسوى صدق بتتعب بالبداية بس بعدين صدقني
بترتاح وتريح راسك من هالسخافات، بعضهم يفكر بالناس اكثر من يفكر بنفسه يشيل هم لرأيه او لراحته عن حسابه او حتى يزعل من الكلام اللي يسمعه منهم عنه او يفسر كلام مع الشخص اللي يسولف معه بشكل غلط وياخذه على محمل جدي ويشخصن على طول لا ياحبيبي اول شيء كن واثق بنفسك ولاتخلي كلام الناس يثر
يأثر بك ثاني شيء لا تفسر كلام الناس على اساس انه دايم متمحور عنك ولا تشخصن على طول وخلنا نفرض انه عطاك اياه بصريح العبارة وزبد لك ياعزيزي طز فيه وافصع له بعد دامك انت راضي عن نفسك وواثق بنفسك ليه تعبر ذا اصلاً هوما قال هالكلام الا عشان يستفزك ويبي منك ردة فعل واذا اخذت بكلامه انت
حتى لو مارديت عليه وسحبت عليه ولكن خليتها بخاطرك تراه حقق مبتغاه .. لو بكمل كلامي مب موقف الا بكرا بالمختصر المفيد لا تجعل الناس اكبر همك و رايهم فيك مهم خلك واثق من نفسك وراضي عن نفسك وصدقن دامك بخير وصحة وعافية انت ومن تحب هذا المهم اما الناس سحقاً لهم جميع .
جاري تحميل الاقتراحات...