في محادثه بسيطه مع واحد قالي ياخ ماهضمت فكرة ان متى مالمرأه كشفت وجهها او تعرت بتنهد الدوله فسألته افا وش السالفه ياخوي قالي ان الاجانب من يوم ولدو وهم كذا ودولهم بتطور وافضل منا!! للامانه اغلقت المحادثه ماعندي شيء اقوله او ارد عليه فيه كلامه صدق مقدر انكره
بديت افكر وش السبب؟ رجعت لعصر قوة المسلمين في عصر الحكم العثماني كانت سفن المسلمين اذا مرت امام المواني الاوربيه تتوقف الكنائس عن دق الاجراس خوفًا من استفزاز المسلمين فيفتحون الدوله
ورسالة القائد العظيم خالد بن الوليد الى كسرى :" أسلم تسلم واﻻ جئتك برجال يصرون على الموت كما تصرون أنتم على الحياه " وش صار على المسلمين كيف كانو من اعظم الدول وصارو الى دول العالم الثالث
السبب في ذا كله وتلخيصه بشيء بسيط هم الناس اللي جو ومسكو الدين وخربو جده وحكمو باشياء مي موجوده بالدين لاغراضهم الشخصيه!! اتذكر الوالد كان يقول في حرب الخليج بعد ماحتلو معسكر من العراق جت الغنايم والرشاشات والبنادق وبطبيعة البشر يبي يكسب من وراها
طلع لهم قايد السريه "كان مطوع وع قولة الوالد لحيته متر" بعد ماجمعو الغنايم كلها وقال والله انها حرام وانكم كيف بتطعمون اهلكم حرام حزت بنفس العسكر وتركوها بعد ماجاء الليل اخذها المطوع له بعد ماكان ينصح انها حرام واغتنم
بشكل عام حنا فهمنا الدين غلط وصار اكبر همنا اليوم الجنس لانضحك على بعض واللي قاعدين نشوفه بتويتر يوميًا مقرف حرب بيننا وسب وقذف الله وكيلك زي السلام عليكم
تركنا قضايا مهمه وهمشناها عشان المرأه لاتسوق تذكرون السنين اللي راحت كيف كان السب والقذف واليوم اصبح شيء عادي وقبلها تدريس البنات ونفس السيناريو يتكرر ودايم اتسأل من الفئه المسؤوله عنه؟
بالاخير الدول المسلمه السابقه ماقامت وصارت من اقوى الدول الا ان كانو كلهم على قلب واحد وهمهم الشاغل العلم وايصال الاسلام لابعد مكان ولايفرق بينهم لاخنيث ولاغيره
عصر الصحوه ومستغلين الدين هم اللي لعنو خير الدنيا وحتى باقل شيء ممكن تضحك فيه الاسهم متى ماوصلت بسعر مناسب للشراء جاء شيخ وحرم السهم واذا ارتفعت الشيخ افتى ان السهم ذا حلال سلامات!!
وبالاخير لو كل واحد ينشغل بنفسه ويسوي اللي عليه كان طلع لنا عباقرة الجيل ويمكن نفوز بجائزة نوبل اللي مسوينها الغرب الفاسق
جاري تحميل الاقتراحات...