#السوق_السعودي_تداول #تاسي اذا كنت من اللي اول مايشتري سهم يبدأ يعرق ويخاف وتجيه ام الركب ويتلخبط.. الموضوع القادم لك نكمل فيه التحليل السلوكي..
اولا لابد تحدد هدفك من شراء السهم وبناءا على ايش بالضبط ستشتري هل هو تحليلك او تحليل محلل تثق به او توصية من نوعية دوس يالي سويت ريتويت
هدفك من الشراء مقصود به ستضارب بطريقه اضرب واهرب ام ستضارب لاجل الفرق في السعر او ستستثمر وتدخل على دفعات او على اي هدف لك
لنتحدث لو تبغى تضارب. اذا كنت مبتدء او صفقاتك الخاسرة سابقا اكثر من الرابحه لاتحاول تدخل السهم بمبلغ كبير ولاتحاول تدخل لاجل المحلل الفلاني ذكره. اولا اختبر تحليلات ذاك المحلل
ثانيا جرب تعمل صفقات بمبالغ بسيطه ان ربحت خير وادري ربح بسيط ولكن يهمك الصفقه نجحت وان خسرت قليلا ماراح تتاثر لان المبلغ بسيط
الان اي فرصه لها ٣ اعتبارات. نقطة شراء وهدف ووقف خسارة.. هالثلاث اشياء لابد تعرفها قبل ماتشتري وليس بعد لان الكثير ماشاء الله عليه يشتري السهم ثم يسأل فين الهدف وكم الوقف هههه مثل
اللي يطلع سيارته ويمشي ماهو عارف طريقه للعليا ولا طريق القصيم
بعد ماتفعل الصفقه لاتتابع شاشة اوامر الطلبات والعروض لانها ستربشك وتشتتك عالفاضي فقط ضع تنبيه على تكرتشارت قبل الهدف وقبل الوقف لاجل تتخذ قرارك قبل الوصول لهالنقاط
دائما تعود على البيع على دفعات عند كل هدف او قبله بقليل هالشي بيريحك لو عكس سهمك ونزل واوقفت خسارة لازلت رابح من الصفقه وان اكمل للاهداف الاخرى انت لازلت متواجد في السهم
وتاكد انك بعد عمل الاسباب من تحليل او متابعه للسهم اللي اشتريته انه رزق سياتي كما هو مكتوب لك فلا تحاول تشتت نفسك بسؤال ١٠ محللين عن سهمك ووين رايح السهم لان ببساطه ممكن ياتيك ١٠ اجوبه مختلفه
٥ اجوبه ان السهم شمال و٥ اجوبه ان السهم للجنوب عاد وقتها قرر وسوي قرعه تمشي على كلام من..
طبعا من اهم الاشياء لنجاح الصفقات هو الصبر فقد تجد سهمك ثابت والاسهم حولك هزازي على قولت الحبيب فارس عوض فاياك ان تفكر في الخروج ومطاردة الاسهم اللي طارت لان ببساطه بعد كم يوم ستجد سهمك القديم طار وسهمك الجديد نزل
اختم بمقولة كن صديقا للاتجاه سواءا مضاربة او استثمار بمعنى اختر سهم مساره صاعد وابعد عن الهابطه لانها ستعطيك دروس في الصبر وتعطيك دروس في ضبط النفس من ثباتها ونزولها والاسهم حولها تصعد
جاري تحميل الاقتراحات...