منحة كورسيرا لاكثر من 5000 كورس اونلاين مدفوع مجانا في مختلف المجالات مقدمة من تجمع الشباب السوريين
منصة كورسيرا بتعتبر من أكبر وأفضل المنصات للتعليم اون لاين ، عشرات الآلاف من الكورسات موجودة فيه ومقدمة كن مختلف الجامعات والمؤسسات الفي العالم وبشهادات موثقة بتدعم ال CV بتاعك وتقويه
بس في مشكلة بالنسبة للطلاب وهي انو ما كل الكورسات دي مجانية ، وانو معظم الكورسات البقروش هي البتكون مفيدة اكتر ومحتاجنها الناس ، ودي حاجة منطقية لانو الجهة العملت الكورس تعبت فيهو وبذلت فيهو مجهود ، بس المشكلة انو ما كل الطلاب مقتدرين على دفع المبلغ دا
طيب نجي لموضوع منحتنا الليلة وهي منحة عظيمة مقدمة من تجمع الشباب السوريين (SYRIAN YOUTH (ASSEMBLY وهي منحة بتخليك ممكن تسجل في اكتر من 5000 كورس في كورسيرا مجاااانا وبدون ما تدفع اي حاجة بالإضافة لحصولك على شهادة الكورس دا مجانا برضو
تجمع الشباب السوريين أتاح للسودانيين انو يسجلو في منحتهم دي ويقدرو يتصفحو آلاف الكورسات المفروض تكون غير مجانية مجاااانا وبدون أي تعقيدات ، كل العليك انك تملا الفورمة الفي موقع التجمع وهم بالكتير حيردو عليك في أسبوعين بالقبول ان شاء الله
طيب كيف التقديم ؟ حنخت ليكم تحت مستند من تجمع الشباب السوريين زاتهم بشرح بالتفصيل خطوة بخطوة كيف تملأ طلب التقديم بتاعهم وتسجل في كورسيرا، اتبع الخطوات وآلاف الكورسات في كورسيرا حتتوفر ليك مجانا وكمان بشهاداتها الموثقة
ملحوظات بسيطة :
1. في التقديم في خانتين، الجنسية وبلد الإقامة ، كلهم حتعملهم السودان
2. اسمك الكامل اكتبو بالانجليزي زي ما هو في الجواز لانو بعدين شهاداتك حتطلع بيهو
3. في التقديم بطلب منك ترفق صورة للرقم الوطني أو جواز
4.إذا واجهتك مشكلة في دخول الكورس شغل ال VPN
1. في التقديم في خانتين، الجنسية وبلد الإقامة ، كلهم حتعملهم السودان
2. اسمك الكامل اكتبو بالانجليزي زي ما هو في الجواز لانو بعدين شهاداتك حتطلع بيهو
3. في التقديم بطلب منك ترفق صورة للرقم الوطني أو جواز
4.إذا واجهتك مشكلة في دخول الكورس شغل ال VPN
منحة تجمع الشباب السوريين متاحة بفضل مجهودات مبادرة Learn4sudan ، اتواصلو مع التجمع واقنعوه انو يشمل السودانيين في المنحة فكل الشكر ليهم🌸
دا لينك التقديم للمنحه syrian-youth.org
ودا المستند pdf فيهو شرح كامل للتقديم drive.google.com
جاري تحميل الاقتراحات...