اول احتكاك لي مع نقابة الاطباء كان سنة ٩٢ وقت الزلزال. اتحاد الطلبة ونادي خدمة المجتمع بالجامعة الامريكية لموا تبرعات واشتروا بيها حمولة ٢ لوري بطاطين وخيام عشان الناس اللي بيوتها وقعت في تل العقارب وعزبة الوالدة وجالنا ناس من اتحاد طلبة كلية طب القصر العيني ونقابة الاطباء ..١
وقالوا نساعدكم بالمجهود وافقنا طبعا. جم يركبوا معانا في عربياتنا بس قالوا لازم الولاد مع الولاد والبنات مع البنات وكان اغلبهم محجبات ودي كانت حاجة غريبة وقتها قلنا اوكي. البنات حكوا لنا انهم جم يشغلوا الكاسيت قالوا لهم حرام احنا هنغني اغاني اسلامية. وقتها كان عمرو دياب عامل ..٢
اغنية الدورة الافريقية "افريقياااااا" مش فاكر كلامها بالضبط. المهم كانوا بيغنوا علي نفس اللحن بس مغيرين الكلام زي "إسلامناااا". المهم اول ما وصلنا تل العقارب نزلوا وطلعوا يفط قماش كبيرة مكتوب عليها تبرع من نقابة الاطباء و جامعة القاهرة والاسلام هو الحل والحجاب قبل الحساب ..٣
وقاموا واقفين حوالين العربيات النقل وابتدوا يهتفوا و ناس منهم طلعت كاميرات فوتوغرافيا وصوروا بعض. طبعا اتخانقنا وقلنا لهم احنا اللي جايبين الحاجة ومايصحش كده فقالوا لنا طيب ما تزعلوش وخدوا بعضيهم شباب وبنات ومشيوا وسابونا نفضي العربيات. الناس المنكوبة اخدت الحاجة وهما..٤
مش فاهمين واحنا مش عايزين نعمل پروپاجاندا اصلا عشان الثواب ما يروحش وخلصت الليلة علي كده. النقابات واتحادات الطلبة مبارك سابها للاسلاميين من التمانينات في صفقة مش بريئة عشان يفضل في الحكم ٣٠ سنة. إنتهي.
جاري تحميل الاقتراحات...