مره من المرات شريت من بقاله شيبس وانا طالع فتحته وكان اللي بداخله شيء يعجز اللسان عن وصفه شيء متعفن ومن قوه العفن الريحه وصلت لمخي وسببت لي دوخه خفيفه والشكل كان يشبه المصارين المهم رجعت البقاله وقلت صديق ذا وش شاف الكيس ووجه انقلب من الخوف قالي خذ اي شيء من البقاله ببلاش
ماخفيكم وقتها كنت طفران بشكل مفجع اخذت كم غرض من البقاله كتعويض نفسي على اللي حصل واخذت كيس زباله الله يكرمكم وحطيت فيه الشيبس واخذته معاي وقعدت على الرصيف افكر في استغلال الوضع قلت بيني وبين نفسي ياعزام انت الحين معاك سلاح لازم تصعد الموضوع بحثت عن موقع الشركه ورحت لها من بكره
المهم وصلت لشركه وانا ماسك كيس الزباله وبداخله كيس الشيبس الصغير دخلت وانا كل اللي ببالي كم التعويض الي راح اخذه من الشركه رحت لأقرب موظف وعلمته السالفه والواضح ان الموظف كان مجلود من الشركه ويبغى ينتقم وكان واقف بصفي وقال اصبر ساعه ويجي المدير وعلمه واعطاني ضحكه شر وراح
دخل المدير وكان صاحب لغلوغ ومتين وكل صفات المدير الوصخ واضحه عليه المهم مر من قدامي ولا سلم قمت ابغى اكلمه وقلت خليني اصبر مالها داعي اكلمه في سيب الشركه واخليه يخضع قدام موظفينه أول مادخل مكتبه دخلت معاه وسلمت وكان رده لسلام بااارد ويكلمني بتعالي وأول نظراته كانت على الكيس
وقالي بأستهتار يأبني انت جايب كم cv معاك في الكيس ذا ههههه يحسبني جاي ادور وظيفه عنده الدب قلت انا جاي اشتكي مب جاي ادور وظيفه فتحت له الكيس وشاف الي بداخله أقسم بالله طار من الخوف والارتباك اخذ الكيس من يدي وبسرعه حطه بدرج مكتبه وقام يتودد لي وفتح مواضيع كثيره يبغاني اتناسى
من المواضيع المحزنه الي فتحها معاي عشان اتناسى فتح جواله وقاعد يوريني صور لطفله المريض هنا حسيت انه خضع وحزنت عليه بس قلت ياهوه ياعزام الموضوع فيه فلوس شديت على نفسي شوي وقلت انا ابغى الكيس الي حاطه بدرجك ولا تكثرلي كلام قالي خلاص خذ رقمي وراح اتواصل معاك وهنا كانت الغلطه
رجعت بيتنا وانا مبسوط على هذا الانتصار دقيت عليه بعدها بيوم ومارد علي تواصلت معاه واتس وهنا كانت الصدمه أقسم بالله ارسل لي صوره الكيس وهو محروق ومعاها ذا الايموجي "😂"
@Criivs 😤😤😤😤😤😤😤
@8i_be الوزاره راح تحل المشكله بغرامه لشركه وماراح استفيد شيء انا
جاري تحميل الاقتراحات...