بحكي اليوم عن بعض الامور اللي واجهتني او كنت غافلة عنها بتخصصي رياض أطفال قبل لايتغير مسماه الى طفولة مبكرة👫 #ثريد
اول شيء مواد التخصص بالجامعة تختلف من جامعة الى اخرى لان اما ينطلب مننا واجب ابحث وابحث ماالاقي شيء يربطنا بالمقصود ابداً ودكتورات الجامعة مو متعاونات ابداً كانت اغلب موادنا نظري مااذكر اننا طبقنا عملي الا ب٣ مواد فقط وبآخر سنة
موادنا كانت اغلبها علم نفس حالات الطفل دراسة حاله نفسيات الاطفال والمشاكل اللي تواجههم ، اول مره ننزل تدريب هو اخر ترم من السنة الرابعة لنا نجهل نتعامل مع القصص او طرق الالقاء او كيف نسوي حلقة كنا نعرف كل شيء مسمى فقط بدون تطبيق مستوعبين 🤭
ودايم كُنا نسمع بنات الكلية افضل منكم ومتمكنين انتم ولاشيء ، هالأمر طبيعي لان دراسة الكلية من اول سمستر وهما يتعاملون مع بعض عملي ونظام حلقه وطلعوا معلمات فعلاً اما نحن كله نظري وعلم نفس ولا لامسنا شيء بيدنا نحل مشاكل الاطفال فقط ونلاحظ نفسياتهم ونحلل
لما تخرجت وتوظفت بروضة أهلية النظام اختلف علي جداً جداً كأني اتعلم من الصفر ماعرف كيف يشرحون الحرف او الطرق اللي بنوصل فيها مفهوم ما كنت اشوف المعلمة اللي معاي وصاحباتي ايش يسوون واطبق بطريقتي علمت نفسي بنفسي ومعروف عني احب ابدع بالمكان اللي اكون فيه والاطفال يحبوني جداً
اكتشفت لاول مره ان الحرف يتعلم للطفل ( بداية- وسط- نهاية) كشكل كتابة ونطق مع الحركات الثلاث ، وانا كنت اعلمهم فقط الحركات واذا حاول يكتب الحرف او لا فقط 😥 الارقام كان تعليمي لها منوع وسهل جداً الحمدلله
القصة ابدع فيها كطبقات صوت وينجذبون الاطفال معاي جداً مع الوقت تعلمت اسوي وسائل عرض القصة من مريلة ودمى العصي واللوحة الوبرية ( لان ماشفتها بعيني قبل) وكنت استفيد واطور من نفسي واتعلم ..
الاعمال الفنية كنت ابدع فيها واستعين بهالبرنامج ، واحب اكون مميزة فيها وبسيطة للطفل يشتغل عليها ومايحبط ومناسبه لسنه ..
دخلت دورة العاب اصابع مع مشرفة بالتعليم الاهلي وانبسطت جداً في تطبيقات الالعاب وكل مانمل من لعبة نغيرها ونضيف للالعاب القديمة كذلك الاناشيد نغير فيها وننبسط لان هدفي متعة الطفل وليس ترديد وتلقين بدون فائدة 🤗
اشتغلت كثير في تخطيط برامج الاطفال وكنت اخطط وانتقد واطور واهام لكل جديد يطرح في الساحة واستفيد من اغلب البنات لان اسلوب معلمة عن معلمة يختلف جداً وكل معلمة اعتبر لها سر الخلطة اللي تنجح فيها وتتميز باسلوبها الخاص
لدرجة وصلت اصمم بطائق ووسائل لي تخدم المنهج وابحث عن كل جديد ويبدع يناسب بيئة فصلي واتعلمت على الوورد والبوربوينت عشان اوصل لنتيجة مرضية ليا والحمدلله ☺️💪🏻
ومازلت بكل مره اتعلم واطمح ان اوصل للافضل 😌❤️ من ضمن الاسماء اللي تعلمت منهم واستفدت فعلاً @Gi__1994 @arwa_aleid_ @reemjko @preschoolSA وانا متأكدة ان فيه اكثر بس هما اللي كانوا ببداية مسيرتي معاي وبدون مايدرون 😌🙏🏻
لكل معلمة طفولة لايوقف تعليمك على ايام الجامعة نفذي وطوري من نفسك ودربي وتعلمي من المعلمات المتواجدات هنا للنعم طاقة ايجابية وفن مبدع يلهمك بافكار جديدة تنفردي فيها انتي عن غيرك ولاتنسي العطاء اعطي اي معلومة تحسي احد بيستفيد منها ولاتبخلي كل شيء بيرجعلك مع الايام وبس❤️
جاري تحميل الاقتراحات...