الصحة
المجتمع
الصحة العقلية
تطوير الذات
قضايا اجتماعية
آليات التكيف
العلاقات الشخصية
الدعم العاطفي
الصراعات الشخصية
خلو العنصرية والله غير ما تكسرو الناس ما بتعملو شي، الصباح ركبتا ترحال والرحال كان متضايق شديد شوية جاهو تلفون رد وبقا بيتشاكل وصوتو مخنوق خالص، المهم لما قفل قلتا ليهو معليش بس ممكن أسألك مالك؟ قال لي ما حيغير شي قلتا ليهو إعتبرها فضفضه وأحكي لي.. وقف وقال لي انا ذنبي شنو؟ في
الاول البنت اللي كنتا بحبها وبعدها اصحابي وبعدها جيراني وحسي الزول دا، حطا راسو على الدريكسون وبقا بيبكي بدون صوت 💔 قال انا اهلي من الغرب بس الناس كلها بتحاسبني كانو غلط ولا انا ناقص وفي اقرب مشكلة بيشتموني ب"عبد" اترفضتا و اتهزأت وسمعتا فارغه كتير واستحملت وقلتا زولين تلاته
كعبين بس خلاص انا زهجتا وفاض بي.. قعد يحكي لي وما لقيت غير انو اواسيهو واتأسف ليهو.. مافي حد بيستاهل يتكسر بالشكل دا مهما كان وبالذات لو ما ذنبو وفي شي ما بيعيبو ولا بينقص منو في الاساس. قبل ما اي حد يرمي كلمة ولا يتصرف تصرف عنصري يخت نفسو مكان الزول القدامو ويشوف هل كان حيرضى؟
العنصرية دي مرض وتخلف وغير ما تكسر ما بتعمل شي.
جاري تحميل الاقتراحات...