الثريد ده لو مهتم تعرف شويه حجات صح عشان سنانك بس انا عارفه انك مهتم ف انزل شوفهم
الشاي لو شربته كتير ممكن يغير لون سنانك شويه بس نسبه الفلوريد اللي فيه عشان عاليه بتقوي سنانك ، اشرب شاي عادي
لو كلت اي حاجه فيها حمضيات زي البرتقال او عصير الليمون او شربت قهوه او كلت سبانخ متغسلش سنانك بعدها ع طول عشان الأحماض اللي فيهم هتتفاعل مع المينا بتاعت سنانك وتقتلهالك ، ف استني نصايه
دقيقه واحده كفايه ع غسيل سنانك انت مش عامل حفله
لما تيجي تغسل سنانك بالمعجون متغسلوش بالمايه سيبه ع سنانك عشان الفلوريد اللي فيه يتفاعل مع سنانك وتقدر تستفيد بيه ولو انت شخص عرضه اكتر للتسوس ده هيقلله، ولو مضايقك طعمه اوي هاتلك معجون بالقرفه ولا بالنعناع ومتبصليش كده
متغسلش سنانك من قدام بس عشان خاطري
اوعي ف مره الشيطان يلعب ف مخك ويقولك تعال إما نقوم نغسل سنانك ب ملح ولمون عشان تنور كده، عشان هي مش هتنور بس هي هتنور ب صفار اكتر والمينا بتاعتك هتقع وهنقعد نعيط وايه ده هي بتنزل دم ليه ، استعيذ بالله
والفراوله وبيكربونات الصودا مش هتبيض سنانك ده بنسميه العلاج بالوهم وده مش كلامي ده كلام الدكتور So Ran Kwon لما جاب ٢٠ سنه وفركهم بالخليط( اللي هو الفراولة والبيكربونات) ٣ مرات كل يوم لمده ١٠ ايام وبعدها قال ان الخليط ده شال البلاك من ع السنان بس ، كان راجل فاضي شويه بس كتر خيره
وطلعت وزارة شؤون المستهلك في كاليفورنيا قالت أن جمعية طب الأسنان الأمريكية (ADA) لسه مدرستش اثار الفحم ع تبيض الأسنان من غير ما يبقي ليه سلبيات ف لحد ما يعرفوا الحوار سيبوه ع الشوايه احسن
كان فيه عاده زمان في الهند بيعملها عشان يبيضوا سنانهم اسمها " سحب الزيت " ركز كويس سحب الزيت ، المهم ان هما كانوا بيحطوا ع سنانهم معلقه زيت جوزالهند ويسيبوه لمده ٢٠ د ف بوقهم ، طبعًا ده طلع انه مبينضفش السنان حتي عشان يبيضها ، طب وليه بتعملوها قالولك ادينا فاضيين
لما اللثه بتاعتك تنزف وانت بتغسل سنانك ده مش عادي زي ما ماما بتقول ده ممكن يبقي التهاب في اللثه او فيه اكيموليشن للبلاك ع السنان ف ممكن تتصل ب دكتور او تستناني لما اتخرج بقي
ومش كل ما تغسل اسرع هتنضف اكتر ،الاستمرار في غسيل السنان بشكل قوي ممكن يعملك مع الوقت حاجه اسمها Gingival recession ودي هتخلي لثتك تطلع ل فوق ، ف خلي بالك ونضف براحه احنا مش ف مسابقه
جاري تحميل الاقتراحات...