رتبها

📍أسألة كثيرة توصلني عن الملخصّات اللي أسويها
▫️تحت هذا الثريد راح نتعلم مهارة جدا مهمة، وهي كيف تسوي ملخّص إلكتروني بوقت جدا قصير، وراح تفيد أي شخص مهما كان تخصصه
▫️قبل لا نبدأ، بقولكم ليش الملخّصات الورقية هذا شيء لازم تنساه وماتضيّع مجهودك فيه👇🏻

▫️الملخص الورقي ومن تجربة شخصية يتطلب مجهود كبير مقارنة بالملخص الإلكتروني ومن عيوبه:
1️⃣التخزين والترتيب⬅️ معظم الملخصات ومحاظراتي الورقية ضاعت بسبب صعوبة الترتيب وتراكمها
2️⃣غلطة وحدة❌ تشوّه الملخص
3️⃣ماتقدر تضيف صور ولا تحدّث الموضوع
4️⃣مشكلة الخط عند بعض الأشخاص والقائمة تطول

▫️الملخّص هو مجهودْ وعمل توثّق فيه شغلك وتبسّط فيه الموضوع بترتيبك والألوان اللي ترتاح لها، وتبغاه شيء يدوم معك وترجع له بالمستقبل وتحدّثه وتستفيد منه، وممكن حتى تشاركه مع الجميع

▫️ممكن الأغلب راح يتبادر بذهنه مشكلتين الأن
1️⃣أن الملخّص الورقي البعض يسويه لأن الكتابة تساعده على حفظ المعلومات
✳️لكن من تجربتي وجدت نفس الفعالية في الملخص الإلكتروني، بعد ما أنتهي من التنسيق دائما أكون ملمْ بالموضوع بشكل كبير،خصوصا لو تعودت على التلخيص راح تقدر تذاكر بنفس الوقت

2️⃣أن الأغلب يظن أن الموضوع صعب وياخذ وقت طويل
✳️صدقوني الموضوع جدا بسيط وهي عبارة 5 خطوات اذا تعوّدت عليها راح تقدر تلخّص تشابتر ٤٠ صفحه ب ٢٠ دقيقه، وهذا الشيء يعتبر مستحيل في الملخّص الورقي

▫️مرت سنتين لإستخدامي لهذه الطريقة ولاحظت الأتي
1️⃣تحصيلي العلمي ودرجاتي أرتفعت بشكل كبير
2️⃣زاد حبي لقراءة الكتب والمقالات، لاني أقدر أختار المعلومات اللي تهمني وأخزنها عندي عشان أرجع لها بسهولة
3️⃣التشتت في المذاكرة أنخفض جدا، لأني أقدر أجمع معلومات من ١٠ مصادر بتنسيق جميل⬅️ بملف

▫️من أحد أهم الأسباب اللي تخليك تكره الإستطلاع وفتح المراجع والمقالات الكبيرة برأيي هو الخوف من التشتت، لأن بالنهاية الوقت هو عامل جدا مهم لك، والإستطلاع والتوسّع الزائد عن حده بدون تلخيص سريع وتجميع للمعلومات ممكن ينقلب ضدك خصوصا لو كانت إختباراتك قريبة

▫️تقدر تستعمل برنامج Word أو برنامج Pages
✳️كلهم ممتازين، برنامج Pages لأصحاب أجهزة الماك والأيباد وطبعا يعتبر أبسطْ في الإستخدام، ولكن برنامج Word يعتبر ممتاز جداً إذا كان متواجد في جهازك

▫️أول خطوة:
✳️أختار الشيء اللي تبغى تلخّصه ⬅️
وهذا الشيء يمكن يكون سلايدز، كتاب، مقال
✳️عشان تكون سريع الأفضل أنك تحملها على جهازك عشان تنسخ وتلصق مو تكتبها كلمة كلمة ❌
🔸معظم الكتب والمقالات متوفرة PDF
🔸موضوع التنسيق والتلخيص ما راح يهمك الآن⬅️ الآن أحنا بس نجمْع المعلومات

🔸نهاية الثريد راح أضع لكم روابط وقنوات تضمْ معظم الكتب الطبية بصيغ PDF
✳️أنسخ كل الكلام للموضوع المطلوب وإلصقه بالبرنامج، طبعا تقدر تنسخ وتلصق على دفعات أو إذا كان مقال تقدر تنسخه بشكل كامل بدون تجزيئ
✳️اذا عندك مصدر ثاني للمعلومات وتبغى تضيفه عندك طريقيتين 👇🏻:

1️⃣تقدر تضيفه الان
2️⃣أو تقدر تضيفه بعد ما تخلصْ تنسيق المصدر الأول وتجهّزهْ، وأنا أفضل هذي الطريقه بسبب أنه لو خلصتْ تلخيص المصدر الأول وقريت المحتوي، غالباً ما راح تحتاج من المصدر الثاني كمية معلومات كبيرة ⬅️ وبالتالي راح تكون بنيتك الأساسية للموضوع هو كتاب أو مقال واحد

▫️الخطوة الثانية ⬅️ تنسيق مبدئي
✳️هنا كل اللي عليك تسويه هو تنسيق مبدئي فقط عشان تسهل عليك القراءة، التنسيق النهائي راح يكون أخر خطوة
✳️حدد على كل الكلام اللي لصقته ⬅️
غير الخط والحجم
🔸بالعادة أستعمل أنا خط Arial وحجم يتراوح مابين ١٣-١٥ ولكن حجم الخط يعتمد على حجم شاشة الجهاز

▫️الخطوة الثالثة ⬅️ حددْ العنوايين
1️⃣حدد عنوان الموضوع بخط Arial Black وخلي الحجم من 19-21
2️⃣أبدأ بقرائة! الموضوع وحدد على أقسام الموضوع وغير الخط الى Arial black والحجم من ١٥-١٧
مثال على الأقسام 🌟👇🏻
Definitions -Pathophysiology- Risk-factors -Etiology- Management-........

✳️الشيء المهم أن بعض الكتب والمقالات ما تقسم الكلام بهذي الطريقة، عشان كذا لو مالقيتها ⬅️بكل بساطة تقدر أنت تكتبها وتخلي أجزاء الكلام يندرج تحت هذي العنواين عشان يترتب الملخص 🌟

▫️الخطوة الرابعة ⬅️ التلخيص الفعلي
✳️أبدأ بتصغير الجمل ⬅️ راح تكتشف أن الكتب والمقالات تعطي المعلومة أكبر من حقها بالكتابة والمفردات، أحيانا تقدر تختصر جملة بكلمتين فقط
🔸طبعا التلخيص راح يزيد في كل مره ترجع فيها للموضوع، راح تكتشف أنك تقدر تصيغ الجمل أو تختصرها بطريقة أسهل 🌟✅

✳️أحذف كل المعلومات الغير مرتبطة بالموضوع أو تقدر بكل بساطة تنقلهم الى أخر الملخص وتكتب (Reading only)
🔸وحدة من الطرق اللي دايم أسويها بالملخصات هي الأسهم ⬅️ الأسهم ممكن تختصر لك ٤ كلمات غير ضرورية وتزيد من نسبة تذكرك للمعلومات بشكل كبير
🔸أي شيء مهم حط عليه Bold أو خط

✳️لو شفت صورة في الكتاب أو في النت أو في السلايدز تختصر الكلام، أرجوك ضيفها واذا كانت شاملة أستغني عن الكلام، زي مايقولون بعض الصور تغني عن ألف كلمة، وبشكل عجيب إسترجاعها بالأختبارات أسهل
✳️أي شيء فيه مقارنة بين أشياء سواء أمراض، أو أدوية أو عمليات ⬅️ خليه على صيغة جدول

▫️الخطوة الخامسة ⬅️ التنسيق النهائي
✳️وهذي أجمل خطوة، وراح تقدر حتى تذاكر فيها اذا كنت متعود
✳️أبدا بإختيار الألوان اللي تناسبك وترتاح تشوفها ⬅️ وطبقها على العناوين الكبيرة وخطوط البولد أو أي معلومة تحتاج تلوين
✳️لون الجداول (لو سويت)

✳️ضيف الصور المليئة بالألوان والرسومات، هذا أكثر شيء يحفزك تفتح ملفاتك
🔸طبعا الصور أحب أضيفها نهاية كل صفحه عشان أربط الشرح فيها، ولكن تقدر تخلي الصور كلها أخر شيء عشان بعد ما يخلص الموضوع تراجع عليها، وانا أقول ليه ما تسوي الأثنين ؟🙏🏻❤️

✳️أي شيء فيه تعداد روح حدد عليه وبعدين أضغط ⬅️ bullets and list ⬅️ أختار الأرقام ، لأن الأرقام تزيد من نسبة إسترجاع المعلومة
🔸خصوصا لو كانت الإختبارات كتابية، راح تتذكر في الأختبار مثلا أن في ٥ عوامل خطر أو ٥ أعراض جانبية.....

✳️أخر خطوة تقدر تلوّن الصفحه نفسها وتغير اللون الأبيض الى لون يناسبك
🔸واللي يحب ملمس الورق، تقدر تطبع ملخّصك بعد ما تخلص، وبكذا تكون حفظت شغلك وجمعت المعلومات بملف واحد بدون ما تتأثر طريقة مذاكرتك ✅

▫️خلصنا، مبروك عليك الملخّص، صدقني راح تستفيد منه خصوصا في المستقبل لو أحتجت ترجع للموضوع زي في إختبارات الهيئة، أو على الأقل تفيد أخوك أو أصدقائك
▫️تقدر ترجع للملخص وتحدث الموضوع أو تضيف أدوية أو أمراض جديدة تعلمتها
▫️تقدر تخلي نوتات الدكتور والكتاب بملف

▫️وبكذا أكتمل هذا الموضوع المهم، أتمنى أنه يفيدكم ويساعدكم في مستقبلكم، لاتنسون تفضلون الثريد عشان ترجعون له وقت ماتحتاجونه❤️
▫️تحت هذه التغريدة راح أحط مواقع الكتب الطبية PDF وراح أشارك ملخصاتي اللي سويتها، وراح يكون ثريد مفتوح لأي شخص حاب يشارك في ملخّصاته ونشر الفائدة ❤️🌟

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة