أنا بعتذر.. من كل حدا عم ينزعج من كلام عم بحكيه هون. بعتذر لأن مش عم بقدر أسكت ولأن عم ضلّ عيد نفس الحكي المليان قهر ونكد وزعل. دايماً كان عندي عقدة أعدي غيري بالطاقة السلبية، بس هي أول مرّة بلاقي حدا عم بيسابقني عالوجع.
تعوّدت أكتب حتى بيني وبين حالي لفِش خلقي لعبّر لصرّخ لإعترف بشي مش قادرة قوله. هلأ بيني وبين حالي ما في شي عم يطلع. إلي سبع ليالي مش عم بقدر نام صح ولا عم بقدر فكّر صح. حتى الأكل للضرورة.
اليوم نسيت إسم رفيقي اللي كان إلي ساعة قاعدة معه.
مبارح وقف قلبي بس لمحت قنابل الغاز نزلوا بعيد عني ٢٠٠ متر مع إنّي لفترة صرت اشتقلهن. وقف قلبي وصرت أرجف بدّي أهرب وما إسمع شي.
إلي أسبوع ما حكيت اولاد أخواتي ولا أختي ولا قادرة إحكيهن.
مبارح وقف قلبي بس لمحت قنابل الغاز نزلوا بعيد عني ٢٠٠ متر مع إنّي لفترة صرت اشتقلهن. وقف قلبي وصرت أرجف بدّي أهرب وما إسمع شي.
إلي أسبوع ما حكيت اولاد أخواتي ولا أختي ولا قادرة إحكيهن.
ما بحياتي كنت قول كلمة " انتبه على حالك ". كنت حسّها مسخرة، مبالغة. هلأ عم بترجّى اللي بحبّهن ينتبهوا على حالهن. من شو ومن مين ما بعرف.
قديه قادرين ننتبه على حالنا وهنّي كبّوا الموت بقلب البيوت الآمنة ؟؟ هنّي قادرين يقتلونا بأيا لحظة بدون ما يرفلّهن جفن.
قديه قادرين ننتبه على حالنا وهنّي كبّوا الموت بقلب البيوت الآمنة ؟؟ هنّي قادرين يقتلونا بأيا لحظة بدون ما يرفلّهن جفن.
بآخر فترة ما كنت منيحة ورجعت طلعت.هلأ رجعت لتحت.ما بعرف كيف بعد بدي إتحمّل اللي جايي.بيقولولي ما تحملي حالك هالقد.طيب شو بعمل لبطّل هيك؟كيف بدّي بطّل حس وكيف بدّي بطّل عاطفية ؟وكيف بدّي بس فكّر بحالي وبأهلي؟
لك كيف بدّي إنسى إنو في ناس عم تجمّع أشلاء اولادها كل قطعة من ميلة كيف !
لك كيف بدّي إنسى إنو في ناس عم تجمّع أشلاء اولادها كل قطعة من ميلة كيف !
عم بحسد اللي قادر يضحك واللي قادر يحبّ واللي قادر يسمع غنية واللي قادر يجاوب " منيح الحمد الله ". عم بحسده بس ما بلومه. نيّاله، قادر يتخطّى وشوي شوي بيوصل لأنو ينسى.
لا نحنا مش مناح وهي أول مرة منكون كلنا هالقد مش مناح.
لأول مرّة عنجد ما قادرين نسند بعض..
لا نحنا مش مناح وهي أول مرة منكون كلنا هالقد مش مناح.
لأول مرّة عنجد ما قادرين نسند بعض..
والله العظيم تعبنا. ما بقى قادرين نحكي ولا نبكي وحتى الحكي صاير هو ذاته. ما عدنا قادرين نعبّر. كل واحد فينا عم يتنافس مع رفيقه لنقول لبعض نحنا مكسورين.
لك شو عملتي فينا يا هالليلة السودا وشو عملوا هنّي فينا..
لك شو عملتي فينا يا هالليلة السودا وشو عملوا هنّي فينا..
جاري تحميل الاقتراحات...