2️⃣الإنطلاق كان الساعه 11 صباحاً باتجاه مدينة الطايف؛ طبعا زي ماالكل يعرف انه طريق الرياض- الطايف طريق سريع وعباره عن ثلاث مسارات بالاتجاهين؛ السرعه القصوى فيه 140 كلم/ س؛ أجهزة الرصد الآلي (ساهر) مغطيه الطريق بالكامل؛ عيب هالطريق الوحيد هو انه مافيه محطات حديثه ونظيفه
3️⃣أول شي تلاحظه لما توصل مدينة الطايف هو انخفاض درجة الحرارة بشكل كبير مقارنة بالرياض وكل المحافظات والهجر اللي مرينا عليها بطريقنا؛ والجميل انه في ليلة وصولنا استقبلتنا عروس المصايف بأمطار خفيفة زادت من جمال الأجواء لكنها منعتنا من زيارة السوق الشعبي بالطايف واكتفينا بعشا خفيف
4️⃣اليوم الثاني ومع الصباح انطلقنا لزيارة سوق الخضار والفواكه بالهدا اللي يجمع معظم منتجات مزارع الطايف من عنب ورمان وطبعا البرشومي الطايفي اللذيذ وبصراحه الواحد يحتار ايش يشتري او ايش يخلي من الفواكه الطازجه
5️⃣بعدها وعلى مسافه قريبه من سوق الفواكه؛ مرينا على مرتفعات الهدا ومااقولكم على جمال المنظر وروعة نسمة الهوا اللطيفه؛ بتلقون مجموعة من القرود اللي تدور على لقمة عيشها😅 فإذا معكم شي لا تقصرون معهم؛ وبتشوفون بعد طريق العقبه وكيف تصميمه لكن الشيء المؤسف في هالمكان هي النفايات💔💔
بعدها توجهنا لزيارة مصنع من مصانع الورد الطايفي؛ وعرفنا انه موسم الورد بالطايف يبدأ في شهر أبريل ومايو؛ وتعرفنا على العملية الطويله اللي يمر فيها الورد لحد ما يوصل إلى انه يكون منتج نهائي؛ الحلو انه كل مصنع جنبه محل يبيع المنتجات اللي يسوونها من عطور وصابون وغيرها
بعد ماتعطرنا بماء الورد توجهنا مباشرة لزيارة مسجد المدهون اللي سمي بهالاسم نسبة إلى الجبل اللي يقع عليه المسجد ويعتبر من الآثار التاريخية الجميلة ويقال انه يرجع إلى العهد العثماني؛ المسجد مغلق وعليه سور من الخارج؛ شخصيا تمنيت لو كان فيه اهتمام أكثر بالمسجد وجعله مفتوح للصلاه
بعدها كانت الوجهه "مقلع طمّيه" او الوعبه، المكان الجميل واللي يبعد عن الطايف حوالي 250 كيلو؛ واللي يقال انه هالحفره هي نتيجة سقوط نيزك او انفجار بركاني؛ طبعا احنا ماعلينا هو نيزك او انفجار بركاني المهم انه المكان يستحق الزياره واستمتعنا فيه كثير رغم قوة الأمطار في ذاك اليوم
وبكذا نكون خلصنا اول يوم برحلتنا؛ وبعدها توجهنا إلى الباحه وهذي المدينه عاد لازم اعطيها حقها بثريد لحالها واكمل معكم بكره بإذن الله...تصبحون على خير🌹🙏
جاري تحميل الاقتراحات...