(ثريد) الهبوط الى هاوية الجحيم:
حب الاستكشاف عظيم ولكن! قد يأتي بالمعاناة!!
.
.
قصة حقيقة لشخص استخدم كتب الاستحضار
⭕ رتويت قبل تقرأ مهم جدا⭕
حب الاستكشاف عظيم ولكن! قد يأتي بالمعاناة!!
.
.
قصة حقيقة لشخص استخدم كتب الاستحضار
⭕ رتويت قبل تقرأ مهم جدا⭕
سلام عليكم يا محمد بالنسبة للناس القالت شوف لينا زول مرا بتجارب مع كتب الاستحضار والسحر انا قبل سنه اتحصلت على كتاب وحاولت اعمل حاجة من الحاجات الفيهو ولحدي هسي الكتاب عندي ما تمنشني وانا حاحكي اي حاجة حصلت معاي بالتفصيل من اول شي لحدي ما انا هربت كيف من الجحيم دا.
بدت القصة لمن فيوم لقيت مقال ف الانترنت عن الكتب دي وانا كنت بحب النوع دا من المواضيع وما مصدق انو ليها تاثير وحالف انو لو لقيت فرصة اجرب الحاجات دي وانا طالب سوداني في مصر يوم وانا راجع على البيت لقيت واحد كبير ف العمر فارش كتب ف الارض والكتب قديمه شكلها كلها وقفت اتفرج..
كنت فرحان شديد انو لقيت واحد من الكتب الكنت بفتش عنها اسمو (****) سالتو هل دا نسخة حقيقية لانو النسخ الفي النت كلها ناقصة وما حقيقية قالي انو اداهو ليهو واحد تبديل وانو فعلا الكتاب حقيقي لانو بعد فتحتو وفتشت ف صفحاتو لقيت حاجات ماقاعدة ف نسخة ال pdf.
اشتريتو وسعرو كان اغلى من باقي الكتب التانية لكن كنت مستعد ادفع دم قلبي كلو علشان اجرب الحاجة دي مع العلم انو حرام قرايتها وحرام شرائها وحرام بيعها وحرام تداولها وهي من الكبائر بس انا كنت مٌصر على الموضوع واسئل الله يغفر لي وتبت توبة نصوحة واعتبر الحصل لي دا ككفارة عن السويتو.
رجعت البيت وكان فترة امتحانات ف ما اشتغلت بموضوع كتير قلت بعد ما افضى ليهو حتى اجي بمزاج اطبق الحاجات الفيهو دي ولسة الزمن دا ماكنت مصدق انو حيحصل شي ومستهتر بالموضوع لابعد حد ياجماعه والله العظيم حب الاستكشاف دا جميل لكن انا هسي فقدت عيني اليسار!! وجلدي نصو محروق.
اخوي اتأذى وصاحبي المعانا ف الشقة قرب يجن لو ما لحقوهو.
-بعد ما خلصت الامتحان رجعت البيت وانا راسي مافيهو حاجة غير انا الليلة حاستكشف عالم جديد وحاطلع(كنوز الارض)رجعت البيت وغيرت ملابسي وقعدت ف الاوضه قريت الكتاب كلو من اول صفحة لحدي اخر واحدة وانا كل صفحة بقراها بتعجب زيادة!
-بعد ما خلصت الامتحان رجعت البيت وانا راسي مافيهو حاجة غير انا الليلة حاستكشف عالم جديد وحاطلع(كنوز الارض)رجعت البيت وغيرت ملابسي وقعدت ف الاوضه قريت الكتاب كلو من اول صفحة لحدي اخر واحدة وانا كل صفحة بقراها بتعجب زيادة!
جلب حبيب؟ تسخير الجان للاذية والمساعدة؟ ربط وفك العقد؟ وكل حاجة كان عندها جني او خادم مخصص بأسمو وبمتطلباتو وقرابينو. والمخاطر المتعلقة بيهو والفوائد.
-لكن الحاجة المتفقين فيها كلهم انك حتكون نجس وانك حتكفر حتكفر والعياذ بالله وسبحان الله.
(الله ما بحرم عليك شي ساي كدا بدون سبب)
-لكن الحاجة المتفقين فيها كلهم انك حتكون نجس وانك حتكفر حتكفر والعياذ بالله وسبحان الله.
(الله ما بحرم عليك شي ساي كدا بدون سبب)
تاني يوم بالصباح جهزت كل شي ومفروض الغرفة تكون فاضية من اي اثاث ولا مرايات ولازم البيت ما يكون فيهو اي كتاب سماوي ونحن الزمن داك اصلا كان بعيدين من ربنا وما بنصلي الا من جمعه لي جمعه.
-فبديت الطقوس عملت مربع وكتبت فيهو الطلسم زي ما مرسوم ف الكتاب والاسامي الفيو والآيات المقلوبة
-فبديت الطقوس عملت مربع وكتبت فيهو الطلسم زي ما مرسوم ف الكتاب والاسامي الفيو والآيات المقلوبة
واللي كان البعمل فيهو دا عبارة عن كفر ف كفر انا والله خفت لكن قلت وصلت هنا لازم اكمل جبت الحاجات المفروض اجيبا كلها ومنها كان دم المستحضر جرحت يدي وقطرت دمي فنص الطلسم وبديت اقول ف التراتيل وكان مكتوب انو ما اسكت مهما حصل وما التفت على الباب بتااتا. بدت تظهر اصوات همهمة! وبتعلا!!
بعد شوية كل شي بدا يهتز كانو حصل زلزال ولسة انا بتمتم وبقول ف الطلسم وانا بقول احضروا انا عبدكم المطيع.!ولسة وانا بتكلم والاصوات حاصلة وصوت الزلزال وشعورو في!!
فجأة وقف كل شي.!! وانا غرقان فعرقي ونفسي حيتقطع من الخوف.
سمعت الباب دقا 3 دقات وبعديها فتح وسمعت ضحكة كافية انها تدخل الرعب فقلب المابخاف.!!!
سمعت الباب دقا 3 دقات وبعديها فتح وسمعت ضحكة كافية انها تدخل الرعب فقلب المابخاف.!!!
دخل وهو بيضحك وقال:ل(قد حضرنا كن لنا عبدا مطيع نحقق لك ماتريد)وعادها تلاته مرات وفي كل مرة كان بعلي صوتو زيادة لحدي تالت مرة انا لمن جاني صداع من قوة الصوت والغريب انو الجوطة دي كلها اخوي ف الغرفة الجمبي نايم ما سامعا.
-قلت لي اريد كنوز الارض.
في اللحظة دي بالذات سمعت اخوي بنادي.
-قلت لي اريد كنوز الارض.
في اللحظة دي بالذات سمعت اخوي بنادي.
وانا في اللحظة دي اتلفت على الباب ونسيت التحذير!!!..
-اول ما اتلفت شفت حاجة جسمها زي جسم الانسان وراس كلب لابس فرعوني بيشبه (انوبيس) وهو حرس فرعوني قديم ما ركزت مع الوش كويس الا ولقيت حاجة زي الناب ضربتني فوشي ضربة قوية شديد انا صرخت بعديها وفجأة قامت نار ف البيت كلو؟! حتى الغرفة
-اول ما اتلفت شفت حاجة جسمها زي جسم الانسان وراس كلب لابس فرعوني بيشبه (انوبيس) وهو حرس فرعوني قديم ما ركزت مع الوش كويس الا ولقيت حاجة زي الناب ضربتني فوشي ضربة قوية شديد انا صرخت بعديها وفجأة قامت نار ف البيت كلو؟! حتى الغرفة
انا بقيت بصرخ لاخوي وصاحبي وانا نظري مشوش الدم الالم فعيني اليسار وسخونة شديدة النار مسكت فملابسي بديت اتدردق عشان اطفيها سمعت صرخة صاحبنا وانا الفيني مكفيني!
-جيرانا شافو الحريق ودقو على المطافي جو طلعونا ونقلونا مستشفى قريبة كلنا كنا متضررين بس انا اكتر واحد لانو فقدت وعيي.
-جيرانا شافو الحريق ودقو على المطافي جو طلعونا ونقلونا مستشفى قريبة كلنا كنا متضررين بس انا اكتر واحد لانو فقدت وعيي.
صحيت بعد اسبوعين كان عندي ارتجاج ف المخ وكسر ف الجمجمه وعملو عملية عشان يلخقو عيني لكن الانسجة كان تلفت لانو الضربة قوية والنار كمان...
-ابو صاحبنا جانا فمصر ورجعنا السودان كلنا وهناك اي واحد كان بمشكلتو لكن صاحبنا كان وصل لمرحلة قريبة للجنون كان فجأة بيضحك براهو وبيبكي ويصرخ شديد ويضرب الحوالينو وبقول الكلب الكلب! وبعد كم جلسة حتى رجع وبقى يتفاهم مع الناس وكان بقول انو شاف نفس الحاجة الانا شفتها دي.
اما انا فكل شوية بتجيني ذكريات عن الحصل وكل مرة بحلم انو الحاجة البتشبة انوبيس بتعذب فيني مرة خربشة ومرة ضرب ولمن اصحى بلقى كدمات فجسمي واستمريت كدة قرابة ال٥ شهور ويومي رقية شرعية ومن شيخ لي شيخ لحدي هسي انا بحلم بس بقيت ما بلقى اثار والحمد لله
بعديها رجعت لطريق ربنا وتبت توبة نصوحة اسئل الله انو يعفي لي ويتقبل توبتي. حكيت قصتي دي وانا والله ماعايز اي اتنشن بس عشان احذر الناس لانو شايف ناس كتيرة بتبحث ف الموضوع وعايزة تجرب وما اي حاجة بينفع فيها حب الاستكشاف واني على ما اقول شهيد.
-نسأل الله لي ولكم السلامة.
-نسأل الله لي ولكم السلامة.
ولحدي هنا انتهي الثريد❤️
ياريت يكون عجبكم
⭕ لو ماسويت رتويت اطلع فوق اعمل 👍🏻⭕
-ولو بتحب قصص الرعب والغموض تابعني👍🏻✨
وبحبكم كلكم❤️🙏🏻
ياريت يكون عجبكم
⭕ لو ماسويت رتويت اطلع فوق اعمل 👍🏻⭕
-ولو بتحب قصص الرعب والغموض تابعني👍🏻✨
وبحبكم كلكم❤️🙏🏻
جاري تحميل الاقتراحات...