صباح الخير، نسبة لأنو في ناس كتيرة رسلت بتسأل من تفاصيل البير العملناها للوالد الله يرحمه و يحسن إليه و يرحم موتانا كلهم، انا حأكتب التفاصيل هنا تحت و أرقام التواصل مع الجمعية القامت بالعمل دا
١. الجمعية اسمها (مجموعة السائل و المحروم) ، مجموعة خيرية غير ربحية حقت واحد من أعز الناس على قلبي و أسسها في ٢٠١٦ بعد وفاة والدته الله يرحمها، عندهم نشاطات كتيرة من إطعام أطفال و جمع ملابس لحدي حفر آبار جوفية في المناطق الما فيها موية زي غرب و جنوب كردفان و صيانة دورية للآبار دي
٢. و مبردات موية حرارية في الخلاوي و المدارس برا الخرطوم
التكلفة الكلية كانت ما يقارب 7,000 دولار (الدولار كان بما يعادل مية كم و ٣٠)
التكلفة الكلية كانت ما يقارب 7,000 دولار (الدولار كان بما يعادل مية كم و ٣٠)
٣. عندهم مهندسين جيولوجين بيجو يعملو مسح للمنطقة المقصودة و يحددو أقرب مكان لحفر البير، و بعد داك المواتر بتشتغل بألواح طاقة شمسية (نسبة لعدم وجود كهرباء في المناطق دي)، بعد الإنتهاء بيدربو زول من القرية او المنطقة انو كيف يصين البير و الألواح الشمسية و في صيانة شهرية من مهندسين
٤. بعد التواصل مع ناس الجمعية و مناقشة الميزانية في خيارات كتيرة انو في مجموعات بتتشارك التكلفة مع بعض، في ناس بيساهمو في تكلفة الصيانة الدورية، و في أنواع تانية كتيرة للآبار
٥. و في الختام "خير الصدقة السقيا" و في حتات في سوداننا الكبير دا الناس بتمشي فيها مسافات بعيدة شديد عشان يتحصلو على الموية و أقل الخدمات الأساسية ما واصلاهم في أي زول عندو طريقة يساهم في تحسين حياة الناس دي بأبسط شي ما يتردد أبدا
و الله يرحم موتانا كلهم و يصبرنا على فراقهم و يدينا القدرة على برهم وندعي ليهم و نتصدق ليهم.
جاري تحميل الاقتراحات...