السوشال ميديا فرضت واقع جديد وهو امكانية مراقبة الانسان ٢٤ ساعة، صاحي نايم مشغول بيكلم مين بيقول اية وهكذا. الواقع الجديد لازم يكون معاة تفاهمات جديدة تتشكل اهمها هي مراعاة ال personal space ، مش معنى ان الشخص متاح فهو بالضرورة متاح لك، ودة لا يقلل من قدرك ولا اهميتك

من اكبر الضغوط اللي ممكن تتشكل على الانسان احساسة انة مُراقب، انة مينفعش يعمل حاجة معينة لان في حد مينفعش يشوفة بيعملها من غير ما يكلمة او يتواصل معاة، الشئ الثاني انك لازم تاخد في اعتبارك حجم التزامات الاخر ونوعية اهتماماتة وانها بتشكل شئ مهم لة حتى لو بالنسبالك مش مهمة.

واعتقد ان النقطتين دول لو فيهم تفاهم كافي هيشمل اداة نجاح مهمة جداً لاي علاقة، ولو التفاهم والتفهم مش موجود هيقلبها جحيم. شئ مريح جداً سواء مع الاهل مع الاصدقاء او في العلاقات العاطفية انك تحس انك مش مضغوط ولا متراقب ولا مضطر للتفسير واهتماماتك بتحترم.