يلا نبدأ القصة:
قبل 4 سنوات أيام الاختبارات وكان باقي اختبارين واتخرج يعني اختبر الأحد والاثنين وخلاص اتخرج من الثانوي كنت توي اتعلم اسوق سيارة واخذت سيارة اخوي اجيب فطور يوم الأحد .. يتبع⬇️
قبل 4 سنوات أيام الاختبارات وكان باقي اختبارين واتخرج يعني اختبر الأحد والاثنين وخلاص اتخرج من الثانوي كنت توي اتعلم اسوق سيارة واخذت سيارة اخوي اجيب فطور يوم الأحد .. يتبع⬇️
المهم كنت خايف أول مره اسوق بالشوارع لأن كنت اتعلم السواقه بالبر ف كنت امشي بشويش ومركز ومر طفل من قدامي يجري بدون ما يشوف الشارع وبغيت اصدمه بس ربي ستر وجات سيارة ثانيه صدمته وتوفى ..
جلست 5 دقايق بعد هالمنظر مقدر اوقف على رجولي ولا اقدر اسوق ركبي تصفق ببعض من الخوف قسم بالله لو كنت مسرع شوي كان صدمته بس الحمدلله ورحت أخذت فطور ورجعت البيت افطرت ورحت المدرسه ..
ورحت الاختبار وكنت اختبر بجسمي بس عقلي ابداً مو معي افكر باللي صار الصباح وطلعت من الاختبار وقابلت اخوياي وكانوا يسولفون ويضحكون وبيسوون حفلة ليوم التخرج " بكره " إلا انا كنت ساكت وما اتكلم ..
وخلاص الحين كل واحد بيروح بيته وانا ما معي سيارة نزلني اخوي بالمدرسه وراح ف قالوا لي اخوياي تعال معنا نوصلك بيتك ورفضت حاولوا فيني ورفضت ورحت البيت على رجولي طبعا البيت بعيد بس خايف من السيارات مابي اركب ..
المهم وصلت البيت نمت وصحيت وقلت بنفسي خلاص بنسى الطفل اليوم يوم تخرجي لازم افرح ورحت آخر اختبار مبسوط جداً ومتحمس اتوقع كلكم مريتوا بهاليوم ودخلت المدرسه وقبل الاختبار جمعنا المدير يقول كلمته للخريجين ..
قال كلام كثير انو بنبدأ مرحلة جديدة ولازم نعتمد على أنفسنا وووو وبالأخير قال كلام عن السيارات وذا اكثر كلام ركزت فيه بس ما توقعت اللي بيصير بعد نصيحته ..
بعد ما خلص كلامه عن السيارات قال أسامي اخوياي اللي كنت بركب معهم امس وقال ادعوا لهم بالرحمه توفوا بحادث امس .. ما بقدر اشرح لكم شعوري وقتها كأنه حلم طالعت بالأرض ورفعت عيني طالعت بالمدير مو مصدق اللي قاله عقلي مو مستوعب ..
ودي اكمل بس خلاص ادعوا لهم بالرحمه الله يرحمهم ويغفر لهم ويجمعني بهم بالجنه وانتبهوا لإخوانكم بفترة المراهقه من السيارات وبس .
جاري تحميل الاقتراحات...