الرقبة المشموطة، او زي ما بقولو neck stiffness، بتجي ليه، و ترتاح منها كيف، و ليه ما تمشي بيها لبصير في الحلة.
ال"شمطة" دي و الألم البجي معاها بكونو نتيجة لشد عضلي، او تمزق خفيف في عضلات الرقبة، الجانبية خاصةً يعني، الممكن يسويها شنو :
-النوم الغلط، و بالنوم الغلط بنقصد اي وضعية لمن تاخدها بتحس انو العضلات منقبضة عشان الوضعية مجهدة بالنسبة ليها.
-وقعة و مع الوقعة راسك مال على الجانب شديد.
-بصورة تكرارية تحرك راسك يمين و شمال، زي في السباحة كدة.
-وقعة و مع الوقعة راسك مال على الجانب شديد.
-بصورة تكرارية تحرك راسك يمين و شمال، زي في السباحة كدة.
-الأكتئاب و الضغط و العصبية و التنشنة، دي كلها بتخلي العضلات في وضعية منقبضة على فترات طويلة.
-الدنقير الكتير في التلفون، و كمان مسكة التلفون بين الراس و الكتف زي في الصورة..بقى في ايربودز ياخوانا شفتوا الشركات خايف على رقبتكم كيف ؟
-الدنقير الكتير في التلفون، و كمان مسكة التلفون بين الراس و الكتف زي في الصورة..بقى في ايربودز ياخوانا شفتوا الشركات خايف على رقبتكم كيف ؟
الرقبة المشموطة بتختلف في حدةالاعراض، و قوة الألم، و المدة، اذا كانت خفيفة الراحة لمدة يومين مع مسكنات بتروح، مرات ممكن تاخد معاك لحدي اسبوع
فلمن تطول معاك ده فيديو فيهو استطالات بسيطة ممكن تعملها عشان الموضوع يخف، و الحرارة برضو مناسبة للعضلات المشدودة فممكن تغلي موية و تكبها على بشكير، تكون دافية بس ما حارة شديد و تختها على رقبتك.
youtu.be
youtu.be
الرقبة المشموطة، و غضروف الرقبة:
الفرق بينهم انو غضروف الرقبة لمن يجي بجي بأعراض زيادة زي حمى خفيفة من وقت للتاني، و احساس تنميل في الرقبة و اليدين، و رعشة كهربائية كدة بتحسها بتمشي على طول يدك كدة و بسرعة شديدة، كمان اليد بتنمل لمن تشتغل بيها كتير او تختها في وضعية غير مريحة
الفرق بينهم انو غضروف الرقبة لمن يجي بجي بأعراض زيادة زي حمى خفيفة من وقت للتاني، و احساس تنميل في الرقبة و اليدين، و رعشة كهربائية كدة بتحسها بتمشي على طول يدك كدة و بسرعة شديدة، كمان اليد بتنمل لمن تشتغل بيها كتير او تختها في وضعية غير مريحة
ليه ما تمشي لبصير الحلة، و تجي للبصير هنا ؟
لانو البصير في الحلة رغم نجاحاته يمكن تفوت عليهم حاجة، ممكن يسوي ليك حركة تزيد الشد العضلي زيادة، و ممكن يطق ليك رقبتك و الحاجة دي ما كويسة اذا بقى عندك غضروف او إلتهاب مفصل ما مكتشفو
لانو البصير في الحلة رغم نجاحاته يمكن تفوت عليهم حاجة، ممكن يسوي ليك حركة تزيد الشد العضلي زيادة، و ممكن يطق ليك رقبتك و الحاجة دي ما كويسة اذا بقى عندك غضروف او إلتهاب مفصل ما مكتشفو
لانو البصير هنا جايب دكاترة مختصين في العلاج الطبيعي، بأجهزتهم و بروتوكولاتهم مستعدين يصلوك في اي مكان، و ممكن كمان يوروك كل المراكر بتاعت العلاج الطبيعي المتاحة و قريبة منك.
حاجة اخيرة الناس البتطق رقبتها كتير، تلقاهو في الجبنة طق، مشى الجامع بعد الصلاة طق، في الشغل اول ما قعد طق طرق، اول ما جابوا صينية الغدا طق طرق، غير طقة الصباح و المساء، يا ريت تقللوا من الحركة لحدي ما توقفوها نهائياً
لانها بمرور الزمن بتساعد في انو يحصل التهاب مفاصل في الفقرات.
حابي تسمع طق طرق في ركبتك فتش دكتور متخصص في الحاجة يزبطك و خليك في السليم.
اتريضوا كتير، و ما تحملوا شيد على عضلاتكم ، ربنا يعافيكم .
حابي تسمع طق طرق في ركبتك فتش دكتور متخصص في الحاجة يزبطك و خليك في السليم.
اتريضوا كتير، و ما تحملوا شيد على عضلاتكم ، ربنا يعافيكم .
جاري تحميل الاقتراحات...