من واجهت الحياة العملية و بديت في تكوين نفسي بي نفسي مريت بي ضغوطات المراحل الاولى لكن اتعلمت منها ٩ دروس صعبة و صادمة جداً.
حا اكتبهم في الثريد دا عسى و لعل الناس تستفيد.
ثريد 👇🏻
حا اكتبهم في الثريد دا عسى و لعل الناس تستفيد.
ثريد 👇🏻
١- الصبر : لازم تصبر على اي حاجة سواءً كانت مصيبة او طموح أو قراية المهم لازم ما تفقد الأمل ابداً لانو الرزق ما بتعرفو وين، كتير بكون بقفل في اللاب بشوف وراي مريض جاي لاحق الزمن و كتير خسرت حاجات لكن صبرت عليها لقيت احسن منها و مهما طالت المدة طولت ما قدمت بتلقى.
٢- التمرحل : لازم تعرف انت في ياتو مرحلة و تكون مقسم حياتك لمراحل كل مرحلة بظروفها انت تكون جاهز ليها و تعاين للصورة الأكبر و ما تخلي زول يكسر مجاديفك او يحسسك بي تفاهة مرحلتك لأنو هو زاتو مرا بيها قبلك فخت اهداف لكل مرحلة و قيم بيها نفسك براك ما تخلي زول يقيم ليك اتطورت أو لا.
٣- الروتين : دا عبارة عن سور وهمي بنحوط بيهو نفسنا لأسباب كتيرة حسب الناس فبتلقى زول مرتاح فالوضع الهو فيهو و ما داير يجتهد اكتر و في زول العكس ، انت البتحدد حدودك وين على فكرة و روتين كل زول حرية شخصية لانو دي المنظومة الحياتية البتحقق ليهو مفهوم " الراحة ".
٤- التقدير : لازم تتعلم انك كل فكرة تعمل ليها دراسة جدوى قبل ما تديها قيمة معينة عشان ما تتضرر لو كبرت قدرها و فشلت او تتحسر لو صغرتها و نجحت و ما تستتفه اي حاجة مهما كانت صغيرة ان شاء الله لو "ربع هللة" لانو القيمة الحقيقة للأشياء مرات بتكون المحافظة عليها ما قيمتها المادية.
٥- الإستقلال : فكرياً و عاطفياً و مادياً لازم تكون مستقل بذاتك و ما محتاج ترجع لي زول حتى لو في اتفه الحاجات و ما تبرر للناس ولا تمشي على حسابك ولا تعاين لي روحك بي نظرة دونية مهما كان السبب لانو its all about you ، ما تشارك الناس افكارك و ارائك الا لو طلبوك و ما دايماً.
٦- الصُحبة : الزول الناجح مفروض يكون ناجح حتى لو كان محاط بي ناس فاشلين دا كلام غلط لانو الصاحب الما نافع عندو تأثير كبير عليك و انك تكون ناجح و مباريهو غلط حايتسبب ليك في خسائر في وقتك و في جيبك و في نفسك و ابعد من اي زول تحس انو حاسداك او متضايق من نجاحك و ما تجامل احسم بس.
٧- التهميش : حاجة غريبة لكن لازم تتعلمها عشان البصلة العفنة بتعفن الشوال كلو لو احتفظت بيها فهمش اي حاجة ممكن تنزفزك او تجرحك او تقلل منك او تهين مبادئك و في نفس الوقت ما تنسى تفتح اضانك للكلام الواعي عشان تستفيد و تتطور في حياتك يعني ما تهمش كل الجوانب ، ركز معاي هنا كويس.
٨- الثقة : انت صاحب
المبدأ ، زمام الأمور ، الفكرة الأولية ، النجاح ، التميز ، المكان المرموق ، الموهبة ، الإبداع.
ثق في نفسك دايماً لكن ما تتكبر ولا تغرك الدنيا لانو فوق كل ذي علمْ عليم ، اسمع من الحجر و الشجر و البني ادم و الحيوان و اتأمل كتير في هدوء تام حاتعرف انت شنو
المبدأ ، زمام الأمور ، الفكرة الأولية ، النجاح ، التميز ، المكان المرموق ، الموهبة ، الإبداع.
ثق في نفسك دايماً لكن ما تتكبر ولا تغرك الدنيا لانو فوق كل ذي علمْ عليم ، اسمع من الحجر و الشجر و البني ادم و الحيوان و اتأمل كتير في هدوء تام حاتعرف انت شنو
٩- الإعتزال : إعتزل السهر مع الصحاب ، اعتزل توفر لي زول حاجة قاسية عليك عشان لما ما تقدر حايشوفك قصرت، اعتزل انك تتمسك بي ناس ما بحبوك او يقدروك صح ، اعتزل اي برنامج ما مودك بس بتجامل ، اعتزل اي نقاش بسيء ليك اعتزل اي زول بتنمر عليك اعتزل الدنيا كلها "انت حُر فنفسك".
جاري تحميل الاقتراحات...