ثريد تكتيكي مباراة ريال مدريد والسيتي في لقاء الاياب من دور ال 16
في دوري ابطال اوروبا
في دوري ابطال اوروبا
نبدأ ب المان سيتي اللي بدأ المباراة بشكل 4-3-3 تحول دفاعياً ل 4-4-2 واحيانا 4-2-3-1 ، 4-3-3 للسيتي بدون كرة منحته قدرة كبيرة ع الضغط واغلاق خيارات التمرير علي لاعبي الريال وتعطيل عملية ال build up للريال
نلاحظ في حالة تقدم اظهرة الريال ومشاركة "كورتوا" في بناء الهجمة اللي بيحصل كالاتي : ضغط "خيسوس" و "ستيرلينغ" ع قلبي دفاع الريال ، وضغط "فودين" ع "كورتوا" ومنعه من لعب الكورة ل "كاسيميرو"
، ونلاحظ بردو لو "فودين" توجه للضغط علي احد قلوب الدفاع ، في الحالة دي "كاسيميرو" هيبقي حر ، ف بيلتزم معاه "ديبروين" عشان ميكونش حل للتمرير ويصعب عملية بناء الهجمة اكتر واكتر علي الريال
في حالة تخطي الريال الضغط او بمعني تاني تراجع السيتي لمناطقه وبتتحول الخطة ل 4-4-2 او 4-5-1 للسيتي دفاعياً ، كان بيعتمد السيتي ع حاجتين
1- اغلاق العمق واجبار الريال للعب ع الاطراف ثم يفرض السيتي الزيادة العددية للاعبيه ع الاطراف
1- اغلاق العمق واجبار الريال للعب ع الاطراف ثم يفرض السيتي الزيادة العددية للاعبيه ع الاطراف
2- ان ميبقاش في مساحة بين خط وسط السيتي وخط الدفاع بمعني اصح تبقي خطوط السيتي compact اووي ومقربة من بعضها خصوصا ب 4-5-1 ، لان مع وجود لاعبين زي "هازارد" ، "رودريجو" ، "بينزيما" و"كاسيميرو" بين الخطوط واللعب ف العمق ده كان هيعمل مشكلة لو فعلا كان في مساحة بين خطوط السيتي
لو السيتي بقي معاه الكورة ، في حالة بناء الهجمة اللي كانت غالبا بردو بتبدأ من "ايديرسون" اللي بيشارك مع قلبي الدفاع ف ال build up
ولو صعد الريال شوية بالكورة احياناً كان بيسقط "رودري" بين قلبي دفاع السيتي عشان يعمل موقف 3 ضد اتنين ويسهل الخروج بالكورة وده ف حالة لو الريال ضغط ب خطة 4-4-2
من الحاجات اللي منحت السيتي التفوق ف ارض الملعب انه معظم الوقت ممكن يخلي لاعب من الريال مضطر انه يراقب اتنين لاعيبة ، ف دايما السيتي كان بيبقي عنده تفوق عددي تقريبا ف كل حتة ف الملعب
كيف تم استخدام "فودين" ف المباراة من قبل "بيب جوارديولا" ك مهاجم وهمي
1- نزول "فودين" ل نص الملعب ل تحرير "ديبروين" ومنحه فرصة اكبر للعب باريحية بين الخطوط وانه يبقي مؤثر ف التلت الاخير
1- نزول "فودين" ل نص الملعب ل تحرير "ديبروين" ومنحه فرصة اكبر للعب باريحية بين الخطوط وانه يبقي مؤثر ف التلت الاخير
2- نزول "فودين" ل نص الملعب بيمنح السيتي افضلية ف خط الوسط ، نلاحظ هنا كل لاعب من الريال تقريبا معاه لاعب من السيتي ونلاحظ حاجة مهمة جدا "جندوجان" حر بدون مراقبة ، "كاسيميرو مع فودين" ، "مودريتش مع رودري" ، "كارفخال مع خيسوس" و "رودريجو مع كانسيلو"
اكرر "جندوجان" رجل حر
اكرر "جندوجان" رجل حر
نفس المراقبة من اللاعبين بس الفرق ان "كاسيميرو" توجه للضغط ع "جندوجان" ، ف اصبح "فودين" حر وطبعا بما انه كان بيلعب ك false 9 ف نزوله ل نص الملعب وانه يبقي لاعب حر بيعطي السيتي افضيلة ف الوسط
بصوا ازاي "فودين" خلي "ميليتاو" ينزل معاه لحد منطقة جزاء السيتي
من الحاجات اللي الحمدلله اتوقعتها قبل المباراة ان الضغط العالي للريال هينتج عنه مساحات ف ضهر خط وسط المارينجي و اللي هيستغلها "فودين" و"ديبروين" وفعلا ده حصل ف اكتر من مرة
صورة تانية توضح استغلال "فودين" و "ديبروين" للمساحات ف ضهر وسط الريال واللعب بين الخطوط
تحرك "ديبروين" بين الخطوط وفي المساحات خلف لاعبي وسط الريال وانه يبقي لاعب حر وده كان بيمحنه خيارات رائعة للتمرير
ادوار "والكر" بقي كانت رائعة وتحوله ل inverted fullback ونزوله ل نص الملعب اللي كان بيعمل زيادة عددية ف نص الملعب للسيتي ضد الريال وتقريبا "والكر" كان بيلعب ك صانع العاب متاخر للسيتي وطريقة خروجه بالكورة كانت ممتازة فعلاً
الريال ف حالة بناء الهجمة اللي كانت بتبدأ غالبا من عند "كورتوا" مع قلبي الدفاع بتوع الريال وفي حالة تراجع السيتي عن الضغط كان "مودريتش" بيلعب ك صانع العاب متاخر و"كروس" كان بيلعب ك ظهير ايسر و "كاسيميرو" بيزيد للامام
حاول زيدان انه يوجد مساحات خلف خط وسط السيتي وده كان بيحصل نادراً ، "رودريجو" ، "هازارد" ، "كاسيميرو" ومعاهم "بينزيما" كانوا بيخلقوا مساحة ف عمق الملعب وبين الخطوط للريال بس مكانوش بيستفيدوا منها بسبب سوء تحرك لاعبي الريال خصوصا لاعبي الوسط
مثال اخر ع محاولة لعب الريال خلف خط وسط السيتي واستغلال الهفوات
في كتير من الاحيان وبسبب سوء تحرك لاعبي وسط الريال ، اللاعبين الاخرين مكنش بيبقي عندهم خيارات للتمرير ف كانوا بيضطروا يلعبوا كرات طويلة مش بيستفيدوا منها ف الاخر
ف بناء الهجمة للريال "زيدان" اعطي تعليمات ل "مودريتش" و "كروس" لبناء الهجمة مع تقدم "كاسيميرو" للامام بسبب سوء تصرف "كاسيميرو" بالكورة تحت الضغط
ف الشوط التاني رجع "كروس" هو اللي يبني الهجمة و"مودريتش" رجع يلعب ك صانع العاب ف الامام ف مكانه الطبيعي عشان يبقي ليه ادوار هجومية
نزول "كروس" ك ظهير ايسر كان بيخلي "والكر" مضطر يراقب اتنين لاعيبة ودي حاجة الحمدلله توقعتها قبل المباراة ، بس الريال طول المباراة مقدرش يستفيد منها بسبب ان "كورتوا" كان بيلعب الكورة ل "كروس" بطريقة سيئة جدا وكانت بتتقطع
تصرف "كورتوا" الغريب بالكورة بدل م يلعب الكورة ل "ميندي" وهو مش مراقب ، اختار انه يلعب كورة طويلة سيئة اتقطعت وراحت ل "ديبروين" وكانت فرصة خطيرة
ريال مدريد من غير الكورة كان بيضغط ضغط كويس وساعات كان بيخلي السيتي مش عارف يعمل ال build up سواء ب ضغطة بشكل 4-4-2 او 4-4-1-1 ف وجود "كروس" بجانب او خلف "بينزيما"
خلاصة الكلام الشوط الاول مكنش وحش من زيدان ، كان عنده سلبيات ده اكيد بس ف نفس الوقت اخطاء لاعيبته الفردية سواء ف التحرك او التصرف بالكورة خليته يظهر بالشكل ده تفاصيل صغيرة جدا فرقت مع زيدان الشوط الاول ، وطبعا بسبب تحضير "بيب" الرائع للمباراة والتنظيم العالي جدا
الشوط التاني زيدان ف الاول حاول يعمل حاجات صح بس بعد كده تحس انه نام مننا ف باقي المباراة وخصوصا لما طلع "رودريجو" ونزل "اسينسيو" وانه خلي "هازارد" ف الملعب للدقيقة 82! وبعدها هو عمل تلت تغييرات وحول الخطة ل 3-5-2 بس للاسف كان الوقت اتاخر اووي خصوصا بعد خطأ "فاران" الشوط التاني
"زيدان" مدرب عظيم وكل حاجة بس طبعاً "بيب" يتفوق عليه تكتيكياً بشكل كبير ، "زيدان" من المدربين اللي جزء كبير من شغلها انه مدي الحرية للاعبين ف المباراة مع جزء تكتيكي اكيد بس المرادي الموضوع قلب ب عشوائية كبيرة وتحس الريال باهت جدا ع عكس السيتي اللي كان منظم جدا جدا جدا
بس ودي كانت كل حاجة للثريد ده بعتذر ع الاطالة ويارب يكون الثريد عجبكم وشكرا لصبركم لاخر الثريد ، كان نفسي يبقي الشرح فيديو بس لسه الدنيا مش مظبوطة معايا ، اتمني دعمكم لان بجد بذلت فيه مجهود ويارب يكون كويس وتستمتعوا بيه ♥️😍
جاري تحميل الاقتراحات...