#ثريد
ححكي فيو قصة طفلة من أمري
2012 ونحن أطباء في الولاية الشمالية كنا شغالين في مستشفى مروي العسكري، جابو لينا طفلة عمرها سنة يا دوب بدت تحبي، طفلة وحيدة عند امها وابوها وحتى جات بعد إنتظار سنين، الأب كان خمسيني والبت دي كانت كل أملوا في الحياة، كانت محبوبتو ❤️
#نفير_خريف2020
ححكي فيو قصة طفلة من أمري
2012 ونحن أطباء في الولاية الشمالية كنا شغالين في مستشفى مروي العسكري، جابو لينا طفلة عمرها سنة يا دوب بدت تحبي، طفلة وحيدة عند امها وابوها وحتى جات بعد إنتظار سنين، الأب كان خمسيني والبت دي كانت كل أملوا في الحياة، كانت محبوبتو ❤️
#نفير_خريف2020
قاعدين انا ودكتور رامي في الطوارئ ومعانا الضرغام الهمام زميلنا وبنشوف في المرضى، جو الناس جارين وشايلين الطفلة قالوا ضربتها عقرب، الطفلة كان مغمى عليها وامها قالت إنو نزلتها تعلب وفرشت ليها ملاية الخ،، المهم الطفلة فقدت الوعي مباشرة، جابوها بين الحياة والموت،
#نفير_خريف2020
#نفير_خريف2020
كل الطاقم الطبي بقى واقف فيها بما فينا قائد المستشفى طبيب رائد في الوقت داك دكتور صالح شلتوت، كنا تقريباً عشرة أطباء بنحاول نسعف الطفلة ونركب فراشات في الأوردة والحاجة دي كانت صعبة جداً نسبة لعمر الطفلة والجفاف الحاصل في جسمها بسبب فقدان السوائل نتيجة للإستفراغ،
#نفير_خريف2020
#نفير_خريف2020
بتذكر كنا واقفين لساعات وأبو الطفلة كان راقد على الأرض وشبه منهار، الأم كانت في وضع مأساوي مثير للشفقة والحزن، فضلنا واقفين شغالين وللأسف اصطدمنا بمأساة كبيرة جداً، إنعدام لمصل العقرب في مستشفانا ومستشفى مروي وحتى الصيدليات الخاصة ومستشفى كريمة كذلك، ماااافي، معدوم
#نفير_خريف2020
#نفير_خريف2020
بقينا نضرب التلفونات وكان أقرب مكان لينا مستشفى دنقلا، تبعد قرابة الساعتين بسيارة الإسعاف و ٤ ساعات تقريباً ذهاباً وإياباً، إتصلنا على الناس وكان قريب مننا مدير طبي مستشفى مروي وجا وبدينا مرحلة تفتيش في المخازن في كم مستشفى قلنا نلقى جرعة هنا أو هنا تكون منسية الخ
#نفير_خريف2020
#نفير_خريف2020
مدير طبي مروي قال إنو متفائل وممكن يلقى جرعات وفعلاً لقينا جرعة لكن المطلوب كان أكتر، رسلنا الإسعاف لي مستشفى دنقلا وبقينا واقفين راجين الطفلة تحصل ليها إستجابة، إستمر الوقوف ٦ساعات وأكتر وكلنا كنا حاسين اننا حنفقدها لكن بنكضب في أحاسيسنا أو نكتمها، معلقين بالأمل
#نفير_خريف2020
#نفير_خريف2020
ابوها كان بلف علينا واحد واحد يا دكتور بتعيش؟ كنا في حالة صمت وبنقول ليو إن شاء الله وكان في حالة بكاء شديد، الأم شايلاها وفي حالة شرود كامل، انا الوكت داك لعنت العسكر وكل عفن الإنظمة الخلت طفلة حياتها معلقة على جرعة معدومة، أمري وقرى السد حيث المعاناة والتعب،
#نفير_خريف2020
#نفير_خريف2020
المهم إستمر الوقوف لحدي ما الليل دخل وانا كنت في حالة إجهاد نفسي وبدني وكنت واقف من ٨ صباحاً لحدي قريب ١٠ بالليل، الشباب قالوا خلاص الناس تتقسم عشان نرتاح ونقدر نواصل وبقو العساكر يحنسو فينا، المستشفى كانت عبارة عن تجمهر لناس المنطقة أهل ومعارف وناس سمعت وجات،
#نفير_خريف2020
#نفير_خريف2020
عادة أهلنا السودانيين ونفيرهم في الملمات والأحزان دي، أخيراً انا ومعاي صديقي رامي مشينا ناخد نومة ساعتين تلاتة عشان نجي نواصل مع العلم ما كان في غرفة عناية تتحول ليها الطفلة في كل المنطقة، مشيت رقدت وانا ما راضي المشي أصلاً لكن مجهد وتعبان ومافي نفس لي أي شي،
#نفير_خريف2020
#نفير_خريف2020
غمضت عيوني وصورة الطفلة ونفسها المتقطع والإستفراغ وقلب أمها والأحزان دي تمشي وتجي قدامي، غلبني النوم عديل لكن التعب فرض الموقف ونمت، نمت نومة كلها كوابيس والشافعة ماتت وبكاء وحزن الخ، صحيت فجأة على صوت صحبي ضرغام قوم يا الشايقي الله يكسر عضامك دي كملت النوم دا😅،
#نفير_خريف2020
#نفير_خريف2020
ضرغام دا راجل راكز ومكرب وضكران وكان زول صاحب مواقف قوية وفكاهة حاضرة، المهم صحيت مهجوم لقيتو شايل ليو منقة بمص فيها وقاعد في السرير، سألتو البت كيف؟ في شنو! كنت مهجوم، ضحك وسكت، قال لي أمر الله، حسيت بي دوخة عديل وهبوط بي سبب كلامو دا، دموعي لمن دايرة تجري،
#نفير_خريف2020
#نفير_خريف2020
قلت ليو يا ضرغام البت مالا؟ قال لي أمر الله البت دي تشفى ويتكتب ليها عمر جديد 💕🥰، أيديييييك راقدة ترضع في أمها ❤️😅، والله يا جماعة تقريباً دا واحد من أجمل الأخبار في حياتي السمعتها، جريت استحميت ولبست ومشيت لقيتها راقدة في امها وصاحية لكن لسه شوية عليها،
#نفير_خريف2020
#نفير_خريف2020
الأبو فرحان والأم بتبكي من الفرح والمستشفى كلها فرحانة، الفراشين المعمل الناس دي كلها البلقاك الحمد لله مبروك الحمد لله، كانت حاجة أكتر من عظيمة والناس كانت في عيد بي سبب شفاء البت دي، المنقة الكان بياكل فيها ضرغام دي جابوها الناس الجيران بسبب الفرح وزعوها ❤️❤️
#نفير_خريف2020
#نفير_خريف2020
أجمل شي للطبيب شفاء المريض، وأكتر شي مؤلم نقصان الإمكانيات وإحساس العجز، فساد الطغمة الحاكمة ماتو بي سببو اطفال كتيرين وامهات في الولادة واشياء مؤلمة كتيرة جداً، لكن الفرح كنا بنسرقو سرقة بعد لحظات العناية الإلهية دي،
كتير من الأصدقاء قد يكون بستحضروا اليوم دا للآن و #فرحه_الميلاد العشناها بي شفاء الطفلة دي، تحية لي كل زول كان معانا هناك أطباء خدمة وطنية المقداد، رامي، عبدالله، ضرغام، علاء الدين، ضباط صالح شلتوت وكتيرين في المعمل والصيدلية والحراسة، تحية لكل الطاقم، نحبكم جميعاً
#نفير_خريف2020
#نفير_خريف2020
جاري تحميل الاقتراحات...