{ما كان عطاء ربك محظورا}
لما تشوف نعمة ما عندك ياها وتكون مُمتن لوجودها.. بدون ما تقارن بحالك أو تتمنى تكون عندك أو تتمنى زوالها
بحالة امتنان انه هالنعمة موجودة وفي حدا بالكون متمتع فيها وانه خير الله محسوس.
انه تستشعر جمال نعمة محروم منها بالكون بدون شعور بالنقص وتمنى تملكها
++

متل لما يكون أخوك سيء معك وتشوف اخوة مبسوطين سوى، بتحس بامتنان انه ربنا ما حظر نعمة حب الاخوة في الكون وفي ناس قادرين يتمتعوا بهالخير ويصونوه.
أو لما تكون مريض وتشوف ناس عم تنط وتلعب بكامل صحتها وتحس بامتنان إنه العافية مش محظورة على الكون وفي ناس قادرين يعيشوها.
أو أو أو...
++

هاد شي مو سهل ينعمل، لانه الانسان بطبيعته بده تكون حياته مثالية وكاملة.. يمكن نيتك صافية وبتتمنى النعم تدوم على أصحابها لكنك بتشعر بنقص وحزن لأنها مو عندك بينما لازم تشعر بالاكتفاء والامتنان على وجود عطاء الله وعدم حظره على كامل البشرية وإلا لصرنا في الجحيم.
#سيلا

@Rattibha لو سمحت ☝️