حابة اتكلم عن التغيير الي سار فحياتيّ فترة الحجر وايش الشي الي واجهتو وايش الشي الي كان صعب والي كان حلو وكل حاجة , اول شي انا من الناس الي جربت كل انواع الدايت ومافاد معاها وجربت الكيتو وحسيت اني بعدها زي الوحش ابغا اكل ايشي قدامي ووصلت لمرحلة اليأس انو خلاص انا ابغا اسوي تكميم!
لمن وصلت لدي المرحلة قعدت افكر بيني وبين نفسي لانو اول مرا فحياتي اوصل لدا الحجم واول مرا فحياتي يوصل وزني ٩٠ فكانت صدمه ليا صراحة بس كانت فترة اكتئاب نفسي واكتئاب دراسي ف دا الشي سار موبيدي بس اول ماطلع قرار تعليق الدراسة بسبب كورونا انا طلعت قرار اني حغير كل حاجة فحياتي!
انا وصلت لمراحل صحية متدهوره بسبب السمنه وحسيت انو خلاص معد اقدر لازم اسوي عمليه هنا حطيت حد لكل شي وجلست مع نفسي وحاولت افهم جسمي ايش يحب وايش يكرهه عشان ما احرمو من حاجة وبعدين انحف وارجع دبل اللي سويتو !! ف حاولت افهمو وافهم ايش حيفيدني وايش حيغيرني للاحسن
اغلب الحميات الغذائيه الي بيسوها الناس بيلاحظو انو اوقات مافي تغيير اوقات بيلاحظو فرق مرا كبير بس الصدمه لمن تجي فاليوم المفتوح ايامك بعدها تسير كلها مفتوحة او انو بعد الدايت دا القاسي كل شي يرجع دبل الي كان اول لانو الجسم ف وضعيه الوحش حقيقي !
انا بدات اول شهر كان شويه صعب عليا لاني حاولت اتدرج فالاكل عشان اكون تمام .
اول شهر كنت اصحى اصباح واسوي كارديو طبعاً الكارديو انواع كثير جدا ً والكارديو هيا التمارين الي تخلي نبضات القلب تكون سريعه ف دي اكتر تمارين تحرق دهون بالطات لو كانت على بطن فاضيه لانها تفضل تحرق طول اليوم
اول شهر كنت اصحى اصباح واسوي كارديو طبعاً الكارديو انواع كثير جدا ً والكارديو هيا التمارين الي تخلي نبضات القلب تكون سريعه ف دي اكتر تمارين تحرق دهون بالطات لو كانت على بطن فاضيه لانها تفضل تحرق طول اليوم
انواع الكارديو كتير منها الهروله والرقص ونط الحبل والسباحة والدراجة والسكيت كل الرياضات الي فيها حركة , بس انا وزني ماكان يسمح لي اسوي شي غير اني امشي ,فكنت اهرول كل يوم اول ماصحى ساعه ونص وتقريباً اجري كل ١٠ دقايق بس ولو تعبت عادي ماجري يكفيني الهروله وكنت ازود وقت المشي كل يوم!
وطبعاً الشي الي يمكن اغلبنا مايعرف عن فايدتو المويه ! المويه يمكن 50% غيرت لي حياتي مو ٥٠ اكتر كمان لانو حقيقي غيرت لي جسمي و بشرتث وصحتي وكل حاجة صدمتني المويه مع اني ماكنت احب اشرب او اتكاسل اشرب او انسى اشرب بس لمن بديت كانت اهم شي وشي اساسي فاللي بسويه
غير كدا قطعت حاجة اسمها سكريات قطعت حاجة اسمها غازيات قطعت حاجة اسمها مقليات ! سار مصدر السكر الوحيد عندي من الفواكهه وما اكل فواكهه كثير بس قبل التمرين كنت اخد موزه عشان تخليني عندي طاقه وكنت احط ف اكلي كلو قرفه لانو القرفه توازن سكر الدم ف ماتخليني ابغا حلا كل شويه تخليني انسى.
اول شهر كان متعب جداً كنت اشرب ٤ ليتر مويه اكتر من احتياجي بس كنت مبسوطة بالتغيير وكنت اهرول كل يوم من ساعه ونص ل ساعتين كنت افطر بيض مسلوق واتغدا دجاج مشوي واتعشى لبن زبادي ! والسناك حقي كان مكسرات تقريباً وما اكثر منها ! وكملت الشهر الاول زي كدا بالزبط .
الشهر الاول نزل وزني كثيييرر لان المويات الي فجسمي كلها خرجت واغلب الناس حتلاحظ انو بداية الدايت او بداية الرياضه تنحفو بسرعه بعدين يبدا يسير شويه شويه ف السرعه دي هيا مويات الجسم الي خرجت , الشهر الثاني بديت اقسم وجباتي على حسب احتياجي وحسبت سعراتي الحراريه وقد ايش احتياجي !
وكنت افطر توست اسمر وبيض عادي واتغدا دجاج مشوي او اتغدا برقر او ستيك او فيليه مشوي او ايشي يكون هيلثي ! , وطبعاً كنت اخلي مصدر الكارب عندي نسبتو قليله لانو الكارب اكتر حاجة بتمتن , ف كنت احاول اخليه اقل نسبه وماقدر اقطعو لانو مصدر طاقه مافي سكر ولا كارب ماينفع ابداً!
تاني شهر بديت ادخل ف التمارين وسرت اصحى اسوي كارديو بعدين افطر ويكوت فطوري فيه مصدر بروتين وكارب قليل وبعدين كم ساعه واقوم اتمرن وبعدها اكل اكل مليان بروتين وبعدين اكمل يومي عادي لوجعت اكل سناك و عشايا دايماً لبن زبادي و خيار وما اكل بعد الساعه ٩👏🏽!
وتالت شهر بديت اشد حيلي ف التمارين واسوي تحديات من قناة chloe ting اتوقع الاغلبيه يعرفوها ف اليوتيوب وعندها كدا تحدي واسوي واحاول قد ماقدر الاقي فرق فالاسابيع ف جسمي وكنت دايماً اخد قياساتي بالمتر بالملابس وبالمرايا ماكان يهمني ابداً الميزان
الميزان كان اوقات يجيبلي اكتئاب لانو حقيقي بشوف فجاه انو ماتغيير ولاشييي, واكتئب اني سويت مجهود ومالقيت نتيجة! ف اقوم اقول خلاص مولازم وابطل وارجع تاني بقوم واقيس بالمتر والمتر حفزني اكتر من الميزان وخلاني انبسط جداً من فروقات الارقام بين كل منطقه !
ثالث شهر بديت اشد حيلي زيادة واكثف تماريني وبديت اكل سعراتي الي احتاجها لاني بسوي مجهود قبل كنت انقص ٥٠٠ سعره من حاجتي عشان انحف بسرعه , وبرضو المويه كانت اهم حاجة ومحافظة عليها جداً كنت احاول امسك نفسي وماخرب الدنيا ولا شي وسرت احط كل اسبوع cheat meal من ثالث شهر بديت احط وجبة
رابع شهر بديت اشيل حديد شويه شويه بس كنت اشيل 5kg ولو كترت مرا اشيل 10kg وحاولت اشد حيلي زيادة وطبعاً كان فيه فرق جدااً عن كل الشهور ف الجسم ف الصحة ف اللياقه ف الحياة ف البشره ف كل شي!! وكنت اكل مزبوط واكلي صحي واكل حاجتي من كل شي عشان ما اتعب واحس بمجهود واكنسل
الشهر الخامس الي هوا دوبي خلصتو 😠!
كان فيه تخبيص كتير لانو تعرفو رحلات عائليه بتسير ف كان مايمديني اتمرن ف بطني شويه ماسارت مشدوده ف قاعده اشدها ف دا الاسبوع الحمدلله طبعاً ماكبرت يعني بس كانت مقسمه العضلات وباينه ودحين العضلات ارتخت يعني ف موزي اول ف دحين بدات تزبط مع التمارين
كان فيه تخبيص كتير لانو تعرفو رحلات عائليه بتسير ف كان مايمديني اتمرن ف بطني شويه ماسارت مشدوده ف قاعده اشدها ف دا الاسبوع الحمدلله طبعاً ماكبرت يعني بس كانت مقسمه العضلات وباينه ودحين العضلات ارتخت يعني ف موزي اول ف دحين بدات تزبط مع التمارين
والشهر الخامس الحمدلله بديت اشيل 15kg الى 20kg بس دا الشي مو اساسي ترا بس عشان انا ابغا الاوزان تساعدني ف شد الجسم بس هوا مهو ضروري الكارديو والتمارين العاديه الضروريه جداً وتفيدكم , والشهر الخامس بديت اخد بروتين شيكر لانو اكلي مايكون كامل احتياجي ف تقريباً البروتين ناقص ف اتطريت
والبروتين الي اخدو الي هوا ذا احسن بروتين صافي مايمتن ولا حاجة , اخدو مرا وحدة فاليوم بعد التمرين على طول , وبديت فيه ف الشهر الخامس لانو بسوي مجهود ومابعطي جسمي البروتين الكافي , ودحين انا داخله ف الشهر السادس الحمدلله وحيكون نفس الخامس وكل الشهور حتكون كذا ,فالبداية كان تدريج
لمن تعودو جسمكم انو يقلل اكل ف البداية وتعودو على اشياء كويسه وصحية صدقوني محا يتعب مع الوقت وبدون حرمان لانو جسمكم يحس لوحرمتوه من شي حيخليكم تندمو , ف اعطوه الي يبغاه بس بشكل صحي عشان يتعود عليه حتشوفو بعدين ممحا تقدرو تاكلو كتير ولو اكلتو اكل موكويس حتبدا بطنكم تعوركم طبيعي
لانكم اتعودتو عالاكل النظيف وبس حاولو تسو وجبة مفتوحة ف الاسبوع بس مو من اول شهر عشان لاتنخرب الدنيا , وصدقوني تقدرو تاكلو ايشي تحبوه بس سوه صحيي زيوت نباتيه مكرونات سمرا رز مسلوق كلو تقدرو تاكلوه تقدرو تاكلو فتوتشيني برقر ايشي بس حاولو كل شي يكون خالي الدسم ويكون شي صحي !
يارب تكونو استفدتو وصدقوني مهو شي صعب كلو سهالات وحتتعودو عليه وتحسوه الشي الي يكمل يومكم وحتحسو كيف التغير حلو ومريح واي سوال حجاوب عليه ان شاءالله ❤️❤️❤️
اي سؤال حابين تسالوني كلموني هنا لانو فالخاص ماقدر ارد حقيقي
جاري تحميل الاقتراحات...