(ثريد) المدرسة :
.
بعض الاماكن التي تعتاد الذهاب اليها في الصباح تصبحى في المساء جحيما..
.
(تم اخفاء المناطق الحقيقية والشخصيات ف القصة).
.
(رتويت قبل ماتقرا)
.
بعض الاماكن التي تعتاد الذهاب اليها في الصباح تصبحى في المساء جحيما..
.
(تم اخفاء المناطق الحقيقية والشخصيات ف القصة).
.
(رتويت قبل ماتقرا)
كانت ايام خريف غائمة. كُنا في فسحة الفطور الناس بتجري وتلعب وتتونس والاصوات عالية في كل انحاء المدرسة والازعاج مالي الممرات لحدي ما فجأة!
صرخات خوف جات من ناحية فصل سنه ثانية!.
كأنو الصوت في حد ذاتو شبح انطلق بسرعه كبيرة وقتل كل اصوات الفرح واللعب والازعاج الكان ف المدرسة وحل الصمت ارجاء المكان وخيم جو الاستغراب؟ لانو دي ماكانت صرخات عادية.!
كأنو الصوت في حد ذاتو شبح انطلق بسرعه كبيرة وقتل كل اصوات الفرح واللعب والازعاج الكان ف المدرسة وحل الصمت ارجاء المكان وخيم جو الاستغراب؟ لانو دي ماكانت صرخات عادية.!
فجاة المدرسة كلها جرت على الصف التاني لقو الدنيا كلها جايطة؟ الكراسي والكنب ف الارض السبورة مكسورة! وفي بت صغيرة؟فنص الفصل اي والله بت واقفة فنص الفصل شعرا مغطي وشها لابسة ملابس قديمه مقطعه ولمن لونا بني اولاد سنه تانية قالو فجأة ظهرت والكنب بدا يطير ويتوقع براهو؟
جا المدير ووقف اليوم الدراسي ورجعو الناس بيوتهم انا ومعاي صاحبي (علي) ساكنين فنفس الحي الفيهو المدرسة كنا ف سنه (سابعه) قالي: انت نحن لينا زمن بنسمع بي مدرستنا دي مسكونة ارح نجيب معانا احمد (ود حلتنا) وننط بليل؟وانا كنت من النوع الشليق ف قلت لي تمام نمشي المغرب.
-جا المغرب:
طلعنا من الجامع بعد صلاة المغرب ومشينا وقفنا قدام باب المدرسة .
-المنظر كان كئيب والدنيا ظلام شديد لانو البيوت الحوالين المدرسة معظمها كانت ما مسكونة ف مافي اي نور ف المكان.
(بنسمع برضو انو حتى في كم بيت منهم مسكونات).
طلعنا من الجامع بعد صلاة المغرب ومشينا وقفنا قدام باب المدرسة .
-المنظر كان كئيب والدنيا ظلام شديد لانو البيوت الحوالين المدرسة معظمها كانت ما مسكونة ف مافي اي نور ف المكان.
(بنسمع برضو انو حتى في كم بيت منهم مسكونات).
بقينا نعاين لي بعض كلنا كنا خايفين لكن الشمار محرقنا اكتر من الخوف.. طلعنا بي فوق الباب ونطينا جوا المدرسة الغفير كان مافيش ف طوالي اتحركنا احمد كان عندو تلفون الزمن داك قام شغل الفلاش وبقينا ماشين بقينا بنسمع اصوات جري في الممرات لمن نوصل ما بنلقى شي.
فجأة سمعنا زي صوت المدير وكان عندو صرخة مميزة بيهرش بيها الطلاب سمعناها جاية من اتجاه مكتبو والزول دا كان بينادينا بالاسم؟ انا وعلي ما استغربنا الحاجة الخلتنا نستغرب انو بقول يا احمد تعال برضو مع أسامينا؟(احمد ما معانا ف المدرسة) سألناه انت بتعرف المدير من وين؟ مستغربين.
كٌنا عايزين نطمن نفسنا لكن ردو كان انو لا بيعرف المدير ولا عندو اي علاقة بيهو الا بسمع بيهو من قصصكم بس!!! نحن بقينا مدسين ورا الحيطة وسامعينو بنادي والدنيا ضلام(شايفكم يا محمد واحمد وعلي تعالو هنا دا) نحن قٌلنا خلاص بس بكرة حندقا مافيها مشكلة المهم استكشفنا.
لمن مشينا قدام مكتوب لقينا المكتب مقفول وفيهو طبلة؟؟؟؟
-نحن بقينا خايفين ومستغربين وبنسمع الصوت جمب الباب لسة لكن ب اللفة الجمب المكتب لمن نورا هناك ما صدقنا!!
.
.
-نحن بقينا خايفين ومستغربين وبنسمع الصوت جمب الباب لسة لكن ب اللفة الجمب المكتب لمن نورا هناك ما صدقنا!!
.
.
الممر كلو ماكان فيهو زول ولا حاجة بس في كديس اسود فنص الممر قاعد بس نحن بنتلفت يمين شمال فجاء صوت المدير طلع من الكديس! نحن جرينا والمدرسة كانت كبيرة شديد فجاة ونحن جارين حاسين باصوات حاجات كتيرة بتجري ورانا فجأة الاصوات اختفت.
نحن بقينا مدسين في ممر وطفينا النور ونفسنا مقطوع من الجري هنا اتأكدنا انو المدرسة دي مسكونة وفيها جن لكن والله بعد الخوفة الخشت فينا لسة ماكنا عايزين نطلع بعديها احمد قال خلاص نمشي نشوف الفصل القلتو فيهو بت دا وبعديها نطلع.
شغلنا النور ومشينا على فصل سنه تانية وكان الفصل الوحيد الماقفلو الباب حقو والصراحة اول ما قربنا من الباب حسينا كدة بشعور غريب زي كانو نفسك انكتم وشعر جسمك قايم كلو وقلبك زي الفي حاجة قابضاهو سمعنا صوت بت بتبكي!!!!! على بصوت واطي قالينا دي بتكون البت القبيل؟
نورنا ف الفصل وكان عبارة عن مسرح جريمه ولا فلم رعب انا ماعارف اوصف الحاجة الشافتا عيوني. الفصل والكنب واي شي عبارة عن بركة دم وفي ركن الفصل البعيد من الباب لقينا البت قاعدة ف الركن وحاضنة رجولا وبتبكي. وريحة الدم تخنقك.. - علي اتقدم لي جوة الفصل بخطوتين فجأة البت سكتت.
لمن عاينت لينا احمد زاد السطوع حق الفلاش وشها ما زي وشوش البشر؟.
البت من جسمها شكلها عمرا ١٠ سنوات لكن وشها وش مرة عجوزة! جلد وشها مليان قشور زي ما تكون متحللة ولا حاجة كدة قريبة للتمساح الشعور البتديك ليهو وانت بتعاين لوشها بجيب قشعريرة. عندها سنون حادة والدم مالي نص وشها!
البت من جسمها شكلها عمرا ١٠ سنوات لكن وشها وش مرة عجوزة! جلد وشها مليان قشور زي ما تكون متحللة ولا حاجة كدة قريبة للتمساح الشعور البتديك ليهو وانت بتعاين لوشها بجيب قشعريرة. عندها سنون حادة والدم مالي نص وشها!
فجاة بدت تنط الكنب وجات جارية علينا اول ما علي القدامنا بدا يجري راجع على الباب نحنا جرينا والبت بتصرخ صرخات قوية شديد وبتنطط زي القرد ف الحيط ورانا سمعنا بصوت رصعة او ضربة قوية لكن ما وقفنا كلنا لحدي ما وصلنا الباب ونطينا ورجعنا الحلة حتى وقفنا.
مشينا دكان الحلة ونحن مخلوعين ومليانين عرق وتراب اشرينا بارد وقعدنا وعلي ظاهر عليهو اثار الم سالنا مالك وانت دا شنو الصوت الطلع ونحن جارين؟قالينا انا حسيت بحاجة كبيرة شديد رصعتني في ظهري كدي شوفوها طلع تيشيرت وورانا ظهرو!
.
ظهرو كان فيهو علامة يد كبيرة مالية ظهرو كلو ورمانة شديد.
.
ظهرو كان فيهو علامة يد كبيرة مالية ظهرو كلو ورمانة شديد.
بعد ما اي واحد شرب البارد حقو رجعنا بيوتنا وتاني يوم مشيت المدرسة عادي وكنت متخيل حيرجعونا لانو الفصل كان مليان دم اكيد حصلت حاجة هنا لمن وصلت المدرسة لاحظت انو الناس كلها طبيعية ومافي حاجة حاصل؟؟استغربت مشيت اشوف لقيت فصل سنه تانية نضيف شديد؟؟ مستحيل يكونو نضفو الفصل؟
لانو متاكد كان في دم ف كل مكان حتى ف الحيط كان في بس الصباح ماكان في أثر ولا اي حاجة. دقا الجرس وبدينا وعلي ما جا؟ بعد ما انتهى اليوم وانا راجع غشيتو ف البيت قلت اتطمن وانا لسة مستغرب من موضوع الفصل وصلت بيت ناس على ودخلت سالت امو علي مالو ماجا قالت انو صحى تعبان وقام بليل فجأة.
بيصرخ وبيقول كلام غريب سالنا من السبب لكن ما ورانا. (انا بقيت محتار مابين اقوليها ولا اسكت لكن سكت) بعد فترة علي اختفى وبقى ما بيظهر الا بعد قرابة الشهر هو غايب واهلو بيقولو لي عيان لحدي ما ظهر وحكا لي..
قال انو كان يومي بتجيهو البت تخنقو بليل وتعضيهو وتخربشو وناس البيت ماكانو مصدقين الا بعد شافو انو انا جسمي بدا يتشرط زي الكأنو الفي حيوان بخربش فيني وجابو لي شيخ قرا علي اسبوعين حتى كل شي رجع لطبيعتو بس لسة بتجيني احلام غريبة وكوابيس زي كانو انا ف المدرسة والحاجات بتحصل لي.
.
.
لحدي هنا قصتنا انتهت القصة دي حصلت ف مدرسة من مدارس الابيض العريقة وحكاها الرمزنا ليهو ب(محمد) ف القصة وطلب ما امنشنو يا ريت تكون عجبتكم🙏✨❤️
.
.
لحدي هنا قصتنا انتهت القصة دي حصلت ف مدرسة من مدارس الابيض العريقة وحكاها الرمزنا ليهو ب(محمد) ف القصة وطلب ما امنشنو يا ريت تكون عجبتكم🙏✨❤️
.
ماتنسى تعمل ريتويت👍
ولو عندك قصة حابي تحكيها للناس اتفضل DM
وبحبكم جدا❤️
ولو عندك قصة حابي تحكيها للناس اتفضل DM
وبحبكم جدا❤️
جاري تحميل الاقتراحات...